2 years ago
May 1, 2023
सुबास हुमागाईं, काठमाडौं
सहिद स्मारक ए डिभिजन लिग २०७९ को पहिलो लेग सकिएको छ । विदेशी खेलाडीले उच्च प्रदर्शनका साथ लगातार प्रभाव जमाइरहँदा यसपटक तथ्यांकमा पनि त्यो देखिएको छ । सर्वाधिक गोलकर्ता सूचिको शीर्ष १० खेलाडीमा मात्र ३ जना नेपाली हुनुले पनि विदेशी खेलाडीको दबदबालाई प्रमाणित गरेको छ ।
हालसम्म ए डिभिजन लिगमा २ सय २१ गोल भएको छ । यसमध्य १ सय १४ गोल नेपाली खेलाडीले गरेका छन् । विदेशी खेलाडीको नाममा १ सय ५ गोल रहेका छन् । लिगमा २ गोल भने आत्मघाती गोल भएको छ । प्रतिशत हेर्दा ५२ प्रतिशत गोल मात्र नेपाली खेलाडीले गरेका छन् । हरेक टोलीले एक समयमा अधिकतम ४ खेलाडी उतार्न पाउने नियम छ ।
ए डिभिजनका १४ मध्य ७ क्लबमा नेपाली भन्दा विदेशी खेलाडीले बढी गोल गरेका छन् । त्रिभुवन आर्मी क्लब विदेशी खेलाडी नराख्ने एकमात्र क्लब । नेपाल एपिएफ क्लबमा कुल १३ गोलमा ७ गोल नेपाली र ६ गोल विदेशी खेलाडीले गरेका छन् । यसै सिजन विदेशी खेलाडी अनुबन्ध गर्न थालेको पुलिसमा ६ गोल विदेशी र ५ गोल नेपाली खेलाडीको नाममा छ ।
सर्वाधिक गोलकर्ता सूचीमा सातदोबाटो युवा क्लबका दीपक राज सिंह ठकुरी, फुटबल क्लब खुमलटारका मेसुके ओलोमोउ र जावलाखेल युवा क्लबका एनकोटो मासोआबीले १०-१० गोल गरेका छन् । मच्छिन्द्रका ओलावाले अफिज र फ्रेन्ड्सका रफिक अमिनुको नाममा ८-८ गोल छ । थ्री स्टारका अजायी मार्टिन्स र जावलाखेलका फोडे फोफानाले ७-७ गोल गरेका छन् । एनआरटीका संजिव विष्टले ६ गोल गर्दा मनाङ मर्स्याङ्दीका कोफी कोउडु र आर्मीका जिलेस्पी जंग कार्कीको ५-५ गोल छ ।
यसपटक आक्रमणमा मात्र होइन, गोलरक्षणमा पनि विदेशी खेलाडीले नै दबदबा कायम गरेका छन् । थ्री स्टारका गोलरक्षक मोहमद ताहाले ८ खेलमा क्लिन सिट राख्दा ६ गोल मात्र खाएका छन् । त्यस्तै चर्च ब्वाइज युनाइटेडका गोलरक्षक एभ्स प्रिसोले ७ गोल खाएका छन् भने ६ खेलमा क्लिन सिट राखेका छन् । त्यसपछि आर्मीका विकेश कुथुले ५ क्लिन सिट राख्दा मच्छिन्द्रका विशाल श्रेष्ठ र जावलाखेलका अनिश देउलाको ४-४ क्लिन सिट रहेको छ ।
असिस्टमा भने नेपाली खेलाडीले दबदबा कायम गरेका छन् । एपिएफका नविन लामा र थ्री स्टारका लाकेन लिम्बुले ४ असिस्ट दिएका छन् । शीर्ष १० मा ३-३ असिस्ट प्रदान गर्नेमा फ्रेन्ड्सका टोरिक जेब्रिन र खुमलटारका स्टेफान समिरबाहेक सबै नेपाली खेलाडी छन् ।
लिगमा १३ खेल सकिँदा मात्र १२ खेलाडीले पूरा समय मैदानमा बिताएका छन् । जसमा ४ जना विदेशी खेलाडी छन् ।
January 15, 2025
हिमाल खरेल,बिर्तामोड झापा गोल्ड कप कार्यसमितिको सबै पदमा सर्वसम्मत भएको छ । आज बिहान सहजकर्ताहरुबीच भएको छलफलपछि बाँकी पदमा पनि सर्वसम्मत भएको हो । कोषाध्यक्षमा युवराज निरौलाले उम्मेदवारी फिर्ता लिएपछि चन्द्रमणि कट्टेल सर्वसम्मत भएका छन् । त्यस्तै, सहसचिवमा यादव पोखरेलले उम्मेदवारी फिर्ता लिएपछि विष्णु सिग्देल सर्वसम्मत भएका छन् । त्यस्तै, सदस्यहरुमा श्याम श्रीवास्तव, किरण थापा, […]
January 15, 2025
एजेन्सी – म्यानचेस्टर सिटीले २-० को अग्रता जोगाउन नसक्दा इंग्लिस प्रिमियर लिगमा मंगलवार अंक बाढेको छ। अन्तिम १० मिनेटमा दुई गोल फर्काउँदै ब्रेन्टफोर्डले सिटीलाई २-२ को बराबरीमा रोकेको हो । सिटीका लागि दुवै गोल फिल फोडेनले गरे। पहिलो गोल ६६ औं मिनेटमा गरेका फोडेनले अर्को ७८ औं मिनेटमा गरे। ब्रेन्टफोर्डका योआने विसाको ८२ औं मिनेटमा […]
January 15, 2025
एजेन्सी – इंग्लिस प्रिमियर लिगको शीर्ष स्थानको लिभरपुलले नटिङघम फरेस्टसँग बराबरीमा खेलेको छ। अंक तालिकाको दोस्रो स्थानमा रहेको नटिङघम मंगलवार लिभरपुलसँग १–१ को बराबरीमा रोकको हो। नटिङघमले खेलमा लिएको अग्रता जोगाउन सकेन। आठौं मिनेटमा क्रिस उडको गोलबाट नटिङघमले अग्रता लियो । लिभरपुलका लागि डिएगो जोटाले ६६ औं मिनेटमा बराबरी गोल फर्काए । यो नतिजापछि शीर्षमा लिभरपुलको छ […]
