अर्जुन कार्की, बागलुङ

बागलुङमा जारी प्रथम अर्ना जेसिज कप २०२३ फुटबल प्रतियोगिताको उपाधिको लागि नेपाली सेनाको श्री मेहर गण घोडाबाधे व्यारेबक र वीर गोर्खाली युथ क्लब भिड्ने भएका छन् ।

बिहिबार भएको पहिलो सेमिफाइनल खेलमा श्री मेहर गणले कालीपुल युनाइटेड क्लब बेनीलाई १–० र दोस्रो सेमिफाइनल खेलमा वीर गोर्खालीले चिल्ड्रेन लाईफ स्पोट्र्स क्लबलाई ३–२ ले हराउँदै फाइनल पुगेका छन् ।

श्री मेयरलाई फाइनलमा पु¥याउनको लागि लेफ्ट विङगर दिशान्त राईले ६३ औं मिनेटमा गरेको गोलनै निर्णायक बन्यो ।
अर्को खेलमा वीर गोर्खालीले सनसनीपूर्ण जित निकाल्दै अन्तिम दुईको यात्रा तय गरेको हो । २ गोलले पछि परेको वीर गोर्खालीले खेलको अन्तिम समयमा ५ मिनेटमा तीन गोल गर्दै फाइनलमा स्थान पक्का गरेको हो ।

चिल्ड्रेनका दिवस छन्त्यालले खेलको २४ औं मिनेटमा गोल गर्दै टिमलाई अग्रता दिलाएका थिए । ८० मिनेटमा खेलको ४२ औं मिनेटमा चिल्ड्रेनका नाइजेरियन स्ट्राइकर जोन ग्लोरीले गोल गर्दै अग्रतालाई दोब्बर पारे ।

वीर गोर्खालीका मिलन साङत्यानले ७२ औ. मिनेटमा गोल गरे भने सुशिल थापाले ७४ औं मिनेटमा बराबरी गोल गरे । मिलनले ७६ औं मिनेटमा डिबक्स बाहिरबाट गोल गरेपछि टोलीको फाइनल यात्रा पक्का भएको थियो । फाइनल शुक्रबार हुनेछ ।

बागलुङ जेसिजले आयोजना गरेको प्रतियोगिताको विजेताले उपाधिसहित १ लाख र दोस्रो टोलीले ७५ हजार रुपैयाँ प्राप्त गर्नेछ । प्रतियोगिताका सर्वोत्कृष्ट खेलाडी, उत्कृष्ट गोलरक्षक, रक्षक, मिडफिल्डर, स्टाइकरले पुरस्कार पाउनेछन् ।