एजेन्सी – जर्मन मिडफिल्डर इल्केए गुन्डोगानको दुई गोल मद्दतमा शीर्षस्थानमा रहेको म्यानचेस्टर सिटीले इंग्लिस प्रिमियर लिगमा लिड्स युनाइटेडलाई पराजित गरेको छ ।

सिटीले घरेलु मैदानमा लिड्समाथि २–१ को संघर्षपूर्ण जित निकालेको हो । लिड्सका रोड्रिगोले एक गोल फर्काए । इतिहाद स्टेडियम म्यानचेस्टरमा शनिबार राति भएको खेलको १९औं मिनेटमा गुन्डोगानको गोलबाट सिटीले खेलमा १–० को अग्रता लिन सफल भएको थियो ।

उनले रियाद महारेजको पासमा गोल गर्न सफल भएका थिए । २९औं मिनेटमा गुन्डोगानले महारेजकै पासमा व्यक्तिगत र टोलीका लागि दोस्रो गोल गरेपछि सिटीले पहिलो हाफमा २–० को अग्रता लिन सफल भयो ।

८४औं मिनेटमा गुन्डोगान पेनाल्टीमा चुक्दा ह्याट्रिकबाट पनि चुके । फिल फोडेनलाई पास्कलले फउल गरेपछि रेफ्रीले सिटीलाई पेनाल्टी प्रदान गर्दा गुन्डोगानको पेनाल्टीलाई लिड्सका गोलरक्षक जोइल रोब्लेसले बचाइदिए ।

त्यसको एक मिनेटपछि नै रोड्रिगोले गोल गर्दै खेललाई ३–१ को स्थितिमा ल्याएपनि त्यसपछि थप गोल निस्कन नसक्दा सिटी विजयी हुन सफल भयो ।

यस जितसँगै सिटीले शीर्षस्थानमा स्पष्ट ४ अंककदे अग्रता लिदै उपाधि जित्ने सम्भावना बलियो बनाएको छ । सिटीको ३४ खेलबाट ८२ अंक पुगेको छ । समान खेलबाटै दोस्रो स्थानमा रहेको आर्सनलको ७८ अंक छ । पराजित लिड्स ३५ खेलबाट ३० अंक जोडेर १७औं स्थानमा छ ।