काकाठमाडौं (हाम्रो खेलकुद)– भारतमा यसै वर्ष आयोजना हुने दक्षिण एयिसाली फुटबलको प्रतिष्ठित प्रतियोगिता साफ च्याम्पियनसिपमा कुवेतसँगै लेवनानले पनि आमन्त्रित टोलीको रुपमा भाग लिने भएको छ ।

दक्षिण एसियाली फुटबलको महासंघ (साफ) ले सोमबार साफ च्याम्पियनसिपको १४ औं संस्करणमा लेवनान पनि सहभागि हुने जनाएको छ । गत बुधबार साफले कुवेत पनि आमन्त्रित टोलीको रुपमा रहने जानकारी दिएको थियो । लेवनानको फिफा वरीयता ९९ र कुवेतको १ सय ४३ रहेको छ ।

साफ च्याम्पियनसिप असार ६ देखि १८ गते सम्म बंगलुरुपमा आयोजना हुने तालिका रहेको छ । यसपटक साफ च्याम्पियनसिपमा दक्षिण एसियाका ६ टोलीको मात्र सहभागिता रहनेछ । जसमा आयोजक भारत, नेपाल, माल्दिभ्स, पाकिस्तान, भुटान र बंगलादेश छन् । फिफाको निलम्बनमा रहेका कारण श्रीलंकाले भाग लिने छैन ।

दुई वर्षअघि माल्दिभ्समा भएको साफ च्याम्पियसिपमा ५ टोलीको सहभागिता रहेको थियो । नेपाल, भारत, श्रीलंका, माल्दिभ्स र बंगलादेशले राउन्ड रोविनका आधारमा प्रतिस्पर्धा गरेका थिए । जहाँ नेपाल र भारतले फाइनल खेलेका थिए । फाइनलमा नेपाल ३–० ले पराजित भएको थियो । ३ दशक भन्दा लामो इतिहास बोकेकोब साफ च्याम्पियनसिपमा नेपाल पहिलोपटक फाइनल पुग्न सफल भएको थियो ।