एजेन्सी – घरेलु मैदानमै फुलहमसँग हार बेहोर्दै साउथह्याम्टन ११ वर्षपछि इंग्लिस प्रिमियर लिगबाट रेलिगेसनमा परेको छ ।

प्रिमियर लिग अन्तरगत शनिबार राति भएको खेलमा फुलहमसँग २–० ले पराजित हुँदै साउथह्याम्टन दुई खेल बाँकी छँदा रेलिगेसनमा परेको हो ।

११ वर्ष प्रिमियर लिगको बसाईको अन्त्यमा साउथह्याम्टन घरेलु मैदानमा फुलहमसँगको हारसँगै रेलिगेसन पक्का भएको थियो । अब साउथह्याम्टनले २०१२ पछि पहिलो पटक अर्को सिजन च्याम्पियनशिप फुटबल खेल्नेछ ।

साउथह्याम्टनले अब प्रिमियर लिगको बाँकी दुई खेलमा जित हासिल गरेपनि रेलिगेसन क्षेत्र छाड्न पर्याप्त हुनेछैन । साउथह्याम्टनले अब ब्राइटन र लिभरपुलसँग खेल्न बाँकी छ ।

निकै नै खराव प्रदर्शन गरेको साउथह्याम्टनले ४ मार्चमा लेस्टरलाई १–० ले पराजित गरेयता ११ खेलमा जित निकाल्न सकेको छैन । जसमा तीन बराबरी र ८ हारको नतिजा छ ।

सेन्ट मेरिज स्टेडियम साउथह्याम्टनमा फुलहमको जितमा भिनिसियस र एलेक्सान्डर मित्रोभिचले गोल गरे । खेलको शुरुवातदेखि नै घरेलु टोलीलाई दवावमा राखेको फुलहमले गोलको लागि दोस्रो हाफ नै कुर्नुपरेको थियो ।

४८औं मिनेटमा भिनिसियसले ह्यारिसन रिडको पासमा गोल गर्दै टोलीलाई १–० को अग्रता दिलाए । त्यसपछि ७२औं मिनेटमा मित्रोभिचले ह्यारी विल्सनको पासमा गोल गर्दै टोलीको जित पक्का गरे ।

यस जितसँगै फुलहम ३६ खेलबाट ५१ अंक जोडेर नवौं स्थानमा छ । पराजित फुलहम ३६ खेलबाट २४ अंक जोडेर पुछारमा छ ।