default_image

9 months ago

May 18, 2023

मच्छिन्द्र र फ्रेन्ड्सको रोमान्चक बराबरी

काठमाडौं (हाम्रो खेलकुद) – सहिद स्मारक ए डिभिजन लिग २०७९ अन्तर्गत मच्छिन्द्र फुटबल क्लब र फ्रेन्ड्स क्लबबीचको खेल २-२ को बराबरीम सकिएको छ । दशरथ रंगशालामा विहीबार फ्रेन्ड्सले दुई पटक अग्रता लिएपनि त्यसलाई जोगाउन सकेन । खेलको अन्त्यतिर दुवै गोलरक्षकले उत्कृष्ट बचाउ गरेपछि खेल बराबरीमा सकिएको थियो । फ्रेन्ड्सका लागि प्रकाश बुढाथोकी र रफिक अमिनुले […]

123 views

0 Bookmark

काठमाडौं (हाम्रो खेलकुद) – सहिद स्मारक ए डिभिजन लिग २०७९ अन्तर्गत मच्छिन्द्र फुटबल क्लब र फ्रेन्ड्स क्लबबीचको खेल २-२ को बराबरीम सकिएको छ ।

दशरथ रंगशालामा विहीबार फ्रेन्ड्सले दुई पटक अग्रता लिएपनि त्यसलाई जोगाउन सकेन । खेलको अन्त्यतिर दुवै गोलरक्षकले उत्कृष्ट बचाउ गरेपछि खेल बराबरीमा सकिएको थियो । फ्रेन्ड्सका लागि प्रकाश बुढाथोकी र रफिक अमिनुले गोल गर्दा मच्छिन्द्रका लागि दुवै बराबरी गोल ओलावाले आफिजको नाममा रहयो ।

यस बराबरीसँगै मच्छिन्द्र १९ खेलमा ३१ अंकसाथ तेस्रो स्थानमा कायम छ । फ्रेन्ड्सको १९ खेलमा २१ अंक रहेको छ ।

पहिलो हाफमा दुवै टोलीले निकै कम अवसर सिर्जना गरेको खेलको दोस्रो हाफ भने बिल्कुल फरक रहयो । खेलाडी परिवर्तन गरेसँगै खेल बदलिएको थियो ।

६७ औं मिनेटमा फ्रेन्ड्सले अग्रता लियो । बेन्चबाट छिरेको केहि मिनेटमा नै प्रकाश बुढाथोकीले गोल गरेका थिए । बायाँ विंगमा दिवाकर चौधरीलाई बिट गरेपछि पेनाल्टी क्षेत्रभित्र निकै कठिन एंगलबाट उनले गरेको प्रहार गोल भएको थियो । पोइन्ट ब्लान्क रेन्जबाट गोलरक्षक विशाल श्रेष्ठले बचाउने प्रयास गरेपनि बल पोस्टभित्र छिरेको थियो ।

मच्छिन्द्रले ७० औं मिनेटमा बराबरी गोल फर्कायो । युता सुजुकीको कर्नरमा ओलावाले आफिजको हेडर गोल भएको थियो । लगत्तै अर्कोतर्फ कप्तान विशालले फ्रेन्ड्सलाई अग्रता लिन दिएनन् । अफसाइड ट्रयाप बिट गरेपछि पेनाल्टी क्षेत्रभित्र अनमार्क रहेका प्रकाशले वन भर्सेस वनको अवस्थामा गरेको प्रहार विशालले बचाएका थिए ।

७९ औं मिनेटमा फ्रेन्ड्सले रफिक अमिनुको गोलमा अग्रता लियो । बायाँ विंगबाट लेफ्ट ब्याक एन्जल महर्जनले दिएको क्रसलाई अमिनुले फार पोस्टबाट गोल गरे । डिफेन्सको मध्यभागमा रहेका देवेन्द्र तामाङले बल क्लियर गर्न नसक्दा अमिनुले सहजै गोल गर्न पाएका थिए ।

८३ औं मिनेटमा मच्छिन्द्रका लागि आफिजले नै पुन: बराबरी गोल गरे । छिरिङ गुरुङले दिएको लामो पासमा फ्रेन्ड्सको डिफेन्सले गल्ती गर्दा ओलावालेले पेनाल्टी क्षेत्रभित्र अवसर पाए । डिफेन्सको दबाबका बीच उनले बललाई गोलरक्षक राजाबाबु थापाको पछाडी पठाउँदै खेल बराबर गरे ।

९० औं मिनेटमा विशालले अर्को उत्कृष्ट बचाउ गरे । अमिनुले पेनाल्टी क्षेत्र भित्रबाट गरेको शक्तिशाली प्रहारलाई विशालले बचाएर खेल बराबरीमा कायम राखे । लगत्तै अर्कोतर्फ गोलरक्षक राजाबाबुले पनि राम्रो बचाउ गरे । आफिजको क्रसमा युटा सुजुकीको प्रहार उनले अन्तिम समयमा खुट्टाले बचाएका थिए ।

इन्ज्युरी समयमा आफिजले खेल जिताउने सुवर्ण अवसर गुमाए । उनको पहिलो प्रहार राजाबाबुले खुट्टाले रोकेपछि रिबाउन्डमा गरेको प्रहार भने सिधै हातमा पुगेको थियो ।

यस्तै च्यासल मैदानमा भएको मनाङ मर्स्याङ्दी र संकटाबीचको खेल २-२ को बराबरीमा टुंगियो । कोफी कोउडुको दुई गोलमा दुई पटक अग्रता लिएपनि संकटाका युसुफ अत्रिस र मनिष डाँगीले बराबरी गोल फर्काए ।

February 25, 2024

पुलिसद्वारा आर्मी टाईब्रेकरमा पराजित

काठमाडौं (हाम्रो खेलकुद) – युवा गोलकिपर अमित टमाटा नायक बनेपछि नेपाल पुलिस क्लबले त्रिभुवन आर्मी क्लब माथि टाईब्रेकरमा जित निकाल्दै केपी ओली कपको दोस्रो चरण प्रवेश गरेको छ । आर्मी माथि पेनाल्टी शूटआउटन ४-३ को जित निकाल्दै पुलिस क्वाटफाइनलमा प्रवेश गरेको हो । निर्धारित ९० मिनेट गोलरहित बराबरीतर्फ लम्किएपछि पुलिसका प्रशिक्षक चेतन घिमिरेले सत्रुघन चौधरीको […]

February 25, 2024

एनआरटी केपी ओली कपको सेमिफाइनलमा

काठमाडौं (हाम्रो खेलकुद) – न्यू रोड टिम (एनआरटी) राष्ट्रिय युवा संघद्वारा आयोजित केपी ओली कपको सेमिफाइनलमा प्रवेश गरेको छ । सातदोबाटोस्थित एन्फा कम्प्लेक्स आइतबार भएको पहिलो खेलमा थ्री स्टार क्लब माथि १-० को जित निकाल्दै एनआरटी अन्तिम चारमा प्रवेश गरेको हो । एनआरटीको जितमा विवेक गुरुङले एकमात्र गोल गरे । खेलमा धेरै अवसरहरु सिर्जना नभएपनि […]

February 25, 2024

बार्सिलोनाको सानदार जित

एजेन्सी – स्पेनिश क्लब बार्सिलोनाको गएराती सम्पन्न लालिगा अन्तर्गतको खेलमा सानदार जित हात पारेको छ । बार्सिलोनाले गेटाफे माथि ४-० को फराकिलो जित निकालेको हो । धेरै समयपछि खेलमा उत्कृष्ट प्रदर्शन गरेको बार्सिलोनाले चार गोल गर्न पुग्यो । खेलको २०औं मिनेटमा राफिन्हाले गोल गर्दै खेलमा बार्सिलोनालाई अग्रता दिलाएका थिए । जुल्स कुन्डेले आफ्नै हाफबाट खेलेको […]

Success

Thank you for your time.