default_image

9 months ago

May 19, 2023

सावित्राको उच्च प्रदर्शनसँगै गोकुलम फाइनलमा

एजेन्सी – नेपाली राष्ट्रिय फुटबल टोलीकी फरवार्ड सावित्रा भण्डारी साम्बाको उच्च प्रदर्शनबाट प्रेरित गोकुलम केरेला एफसी भारतीय महिला लिग (आईडब्ल्यूएल) को फाइनलमा प्रवेश गरेको छ । इस्टर्न स्पोर्टिङ युनियनलाई शुक्रबार ५–१ ले हराउँदै साविक विजेता समेत रहेको गोकुलम उपाधि नजिक पुगेको हो । गोकुलमले आइतबार हुने फाइनलमा नेपाली टोलीका अन्य दुई सदस्य सरु लिम्बु र […]

116 views

0 Bookmark

एजेन्सी – नेपाली राष्ट्रिय फुटबल टोलीकी फरवार्ड सावित्रा भण्डारी साम्बाको उच्च प्रदर्शनबाट प्रेरित गोकुलम केरेला एफसी भारतीय महिला लिग (आईडब्ल्यूएल) को फाइनलमा प्रवेश गरेको छ ।

इस्टर्न स्पोर्टिङ युनियनलाई शुक्रबार ५–१ ले हराउँदै साविक विजेता समेत रहेको गोकुलम उपाधि नजिक पुगेको हो । गोकुलमले आइतबार हुने फाइनलमा नेपाली टोलीका अन्य दुई सदस्य सरु लिम्बु र रेनुका नगरकोटे आबद्ध किकस्टार्ट एफसीसँग प्रतिस्पर्धा गर्नेछ ।

आजै भएको पहिलो सेमिफाइनलमा एन्जिला तुम्बापो सुब्बा आबद्ध सेथुलाई हराउँदै किकस्टार्ट अन्तिम दुईमा पुगेको थियो ।सावित्राले २ गोल गरेको खेलमा सबै गोलमा उनको भूमिका रहेको थियो । १–० ले पछि परेको खेल उल्टाउँदै गोकुलम विजयी भएको थियो । कमला देवीले १६ औं मिनेटमा इस्टर्नका लागि गोल गरेकी थिइन् ।

सावित्राले पेनाल्टी जितेपछि ३१ औं मिनेटमा इन्दुमतीले बराबरी गोल गरेकी थिइन् । पेनाल्टी बक्समा सावित्रालाई विपक्षी खेलाडीले फाउल हालेपछि गोलकुलमले पेनाल्टी पाएको थियो । इन्ज्युरी समयको तेस्रो मिनेटमा सावित्राले गोल गरेपछि गोकुलमले पहिलो हाफमा २-१ को अग्रता बनाएको थियो ।

जारी लिगमा सावित्राको त्यो २८ औं गोल हो । उनी सर्वाधिक गोलकर्ताको शीर्षस्थानमा छिन् । ५५ औं मिनेटमा भिभियनले सावित्राको पासमा गोल गरिन् । ७० औं मिनेटमा सावित्राकै लामो क्रसमा इन्दुमतीले हेडमार्फत गोल गरेकी थिइन् । भिभियनको पासमा साविात्राले इन्ज्युरी समयको पाँचौं मिनेटमा व्यक्तिगत दोस्रो र टोलीको लागि पाँचौं गोल गरेकी थिइन् ।

एन्जिलाविरुद्ध सरुको गोल

घरेलु फुटबलमा एउटै क्लबबाट खेल्दै आएकी सरु लिम्बुले भारतीय महिला लिगमा एन्जिला तुम्बापो सुब्बाविरुद्ध गोल गरेकी छिन् । सरु आबद्ध टोलीले किकस्टार्ट एफसी कर्नाटाकाले शुक्रबार एन्जिला सम्मिलित सेथुलाई २–० ले हराउँदै लिगको फाइनलमा प्रवेश गरेको थियो । एन्जिला र मिडफिल्डर सरु घरेलु फुटबलमा एपिएफ फुटबल क्लबबाट खेल्दै आएका छन् ।


पहिलो हाफको इन्जुरी समयमा सरुले झन्डै ३० यार्डबाट सानदार गोल गरेकी थिइन् । त्यसअघि ११ औं मिनेटमा किओको इलिजाबेथ काटुङ्वाले गोल गरेकी थिइन् । त्योसँगै सेथुको अपराजित यात्रा टुंगिएको थियो । समूह चरणमा ७ र क्वार्टरफाइनलमा गरि ८ खेलमा पूर्व विजेता समेत रहेको सेथु अपराजित रहेको थियो ।

सरु र राष्ट्रिय टोलीकी अर्की सदस्य रेनुका नरकोटे आई लिगमा पहिलो सहभागितामा नै फाइनल पुगेका छन् । शुक्रबार सरु पहिलो रोजाईमै खेलेकी थिइन् भने रुनुका ७२ औं मिनेटमा परिवर्तित खेलाडीका रुपमा मैदान प्रवेश गरेकी थिइन् ।

February 25, 2024

एनआरटी केपी ओली कपको सेमिफाइनलमा

काठमाडौं (हाम्रो खेलकुद) – न्यू रोड टिम (एनआरटी) राष्ट्रिय युवा संघद्वारा आयोजित केपी ओली कपको सेमिफाइनलमा प्रवेश गरेको छ । सातदोबाटोस्थित एन्फा कम्प्लेक्स आइतबार भएको पहिलो खेलमा थ्री स्टार क्लब माथि १-० को जित निकाल्दै एनआरटी अन्तिम चारमा प्रवेश गरेको हो । एनआरटीको जितमा विवेक गुरुङले एकमात्र गोल गरे । खेलमा धेरै अवसरहरु सिर्जना नभएपनि […]

February 25, 2024

बार्सिलोनाको सानदार जित

एजेन्सी – स्पेनिश क्लब बार्सिलोनाको गएराती सम्पन्न लालिगा अन्तर्गतको खेलमा सानदार जित हात पारेको छ । बार्सिलोनाले गेटाफे माथि ४-० को फराकिलो जित निकालेको हो । धेरै समयपछि खेलमा उत्कृष्ट प्रदर्शन गरेको बार्सिलोनाले चार गोल गर्न पुग्यो । खेलको २०औं मिनेटमा राफिन्हाले गोल गर्दै खेलमा बार्सिलोनालाई अग्रता दिलाएका थिए । जुल्स कुन्डेले आफ्नै हाफबाट खेलेको […]

February 25, 2024

म्यानचेस्टर सिटी र आर्सनलको‌ जित

एजेन्सी – इंग्लिस प्रिमियर लिगमा उपाधि दौडमा रहेका म्यानचेस्टर सिटी र आर्सनल शनिबार विजयी भएका छन् । सिटीले फिल फोडेनको गोलमा बर्नमाउथलाई १-० ले पराजित गरेको छ । उनले २४ औं मिनेटमा गोल गरे । आर्सनलले न्युकासल युनाइटेडलाई ४-१ ले पराजित गर्यो । स्भेन बुटमनले १८औं मिनेटमा आत्मघाती गोल गरेपछि आर्सनलले अग्रता लियो। काइ हाभार्टले […]

Success

Thank you for your time.