default_image

1 year ago

May 23, 2023

यू २३ छनोटमा भाग नलिने एन्फाको निर्णयको आलोचना

165 views

0 Bookmark

काठमाडौं (हाम्रो खेलकुद)– एएफसी यू २३ एसिया कप छनोटमा भाग नलिने अखिल नेपाल फुटबल संघ (एन्फा) को निर्णय विवादमा परेको छ । एन्फाले यू २३ मा भाग नलिने निर्णयमा पुग्नु परेको स्पष्ट कारण नदिदा एन्फा थप विवादमा परेको हो ।

सुरुमा आर्थिक कारणले सहभागी नहुने टुंगोमा पुगेको बताएको एन्फाले प्राथमिकताका आधारमा यू २३ भन्दा अन्य प्रतियोगिता रहेकोले भाग नलिने निष्कर्षमा पुगेको जनाएको छ । एन्फाका प्रवक्ता सुरेश शाहले हाम्रो खेलकुदसँग भने, प्राथमिकतामा यू २३ को छनोट भन्दा पनि राष्ट्रिय टोलीले खेल्ने विश्व कप छनोट र साफ च्याम्पियनसिप छ । त्यसमा पनि अधिकांश खेलाडी यू २३ कै छन् । आर्थिक पनि एउटा कारण हो तर मुख्य विषय प्राथमिकतामा राष्ट्रिय टोलीलाई राखिएको हो ।

अर्को वर्ष कतारमा आयोजना हुने यू २३ च्याम्पियनसिपका लागि भदौ १८ गते देखि २६ गते सम्म हुने छनोट चरणमा नेपालले भाग नलिने भएको हो । एसियाली फुटबल महासंघ (एएफसी) ले यू २३ छनोटका लागि कतार बाहेक ४३ देशको नाम सार्वजनिक गर्दा त्यसमा नेपालको नाम छैन । छनोटको ड्र बिहीबार हुँदैछ ।

एन्फाका महासचिव किरण राईले आफ्नै खर्चमा टोली पठाउन पर्ने भएकाले पर्याप्त बजेट नभएकाले नखेल्ने निर्णयमा पुगेको बताएका थिए । तर, एन्फा महासचिव शाहले भने फरक धारणा राखेका छन् ।

राष्ट्रिय फुटबल टोलीका पूर्व प्रशिक्षक बालगोपाल महर्जनले आर्थिक कारणले यू २३ को टोलीलाई सहभागित नगराउने एन्फाको निर्णय लाजमर्दो भएको बताएका छन् । उमेर समूहको प्रतियोगितामा भाग लिने भनेको भविष्यमा राष्ट्रिय टोलीलाई शसक्त बनाउने भन्ने पनि हो, यू १९ साफ च्याम्पियन टोलीका प्रशिक्षक रहिसकेका महर्जनले भने, अहिले पैसा छैन भनेर भाग नलिने निर्णय लाजमर्दो निर्णय हो । यसरी नेतृत्वमा बस्न नैतिकताले पनि नदिनुपर्ने हो ।

महर्जनले युवा टोलीलाई सहभागी गराउन पैसाको अभाव हुने तर पदाधिकारीहरुले लाखौं रुपैयाँ सम्म तलब लिन पैसाको अभाव नहुने भन्दै प्रश्न गरेका छन् । हामीले खेले देखि अहिले सम्मको अवस्थालाई हेर्ने हो भने अहिलेको जस्तो एन्फा कमजोर कहिल्यै लागेन, उनले थपे, यसरी नेतृत्वमा बसिराख्न नैतिकताले मिल्छ ?

अघिल्लो पटक उज्वेकिस्तानमा भएको छनोटमा नेपालले इरान, ताजकिस्तान र लेबनानसँग प्रतिस्पर्धा गरेको थियो ।

July 17, 2024

एनआरटी र चर्च ब्वाइजको जित

काठमाडौं (हाम्रो खेलकुद) – ललित स्मृति यु-१८ लिगमा बुधवार भएका खेलमा न्यूरोड टिम (एनआरटी) र चर्च ब्वाइज युनाइटेड विजयी भएका छन् । दिनको पहिलो खेलमा चर्च ब्वाइजले अमन बहादुर तामाङले ४५औं मिनेटमा गरेको गोलको मद्दतले थ्रीस्टार क्लब माथि १-० ले जित हात पारेको हो । जित सँगै चर्च ब्वाइजको २ खेलमा ३ अंक भएको छ […]

July 17, 2024

मोड्रिच रियलको नयाँ कप्तान

एजेन्सी – मिडफिल्डर लुका मोड्रिच स्पेनिस क्लब रियल म्याड्रिडको नयाँ कप्तान नियुक्त भएका छन् । क्लब सँग एक वर्ष सम्झौता नवीकरण गर्दै क्रोएसियन खेलाडी मोड्रिच क्लबको नयाँ कप्तान बनेका हुन् । गत सिजनको अन्त्यमा सकिएको सम्झौता मोड्रिचले १ वर्षका लागि नवीकरण गरेका हुन् । रियलका कप्तान नाचो क्लब छोडेर साउदी लिगमा गएसँगै कप्तानीको भूमिका खाली […]

July 17, 2024

रियलले भित्र्याउन खोजेको योरो युनाइटेड जाने

एजेन्सी – रियल म्याड्रिडले भित्र्याउन खोजेको फ्रेन्च डिफेन्डर लेनी याेरो म्यानचेस्टर युनाइटेड जाने लगभग पक्का भएको छ । विभिन्न युरोपेली सञ्चार माध्यमका अनुसार १८ वर्षीय योरो युनाइटेड जाने भएका हुन् । रियलले योरोका लागि करिब २० मिलियन युरोको प्रस्ताव गरेको थियो । अर्कोतर्फ युनाइटेडले ५० मिलियन युरो भन्दा बढीको प्रस्ताव गर्यो जुन रियलको भन्दा निकै […]

Success

Thank you for your time.