काँक्करभित्ता (हाम्रो खेलकुद) – शशस्त्र प्रहरी बललाई ३-० गोलअन्तरले हराउदै झापा एघार फुटबल क्लबले दोश्रो काँक्करभित्ता गोल्ड कपको उपाधि जित्न सफल भएको छ।
आज खेलिएको फाइनल खेलमा झापाले तोप बहादुर बिष्टको आत्माघाती गोलको मद्दतले खेलमा अग्रता लिएको थियो। प्रतियोगिताको उच्च गोलकर्ताको उपाधि पाएका कर्ण लिम्बुले थप दुइ गोल गरेपछि झापाले उपाधि पक्का गरेको थियो। झापाका विशाल राइ फाइनल खेलका म्यान अफ द म्याच घोषित भए।
प्रतियोगिताको उत्कृष्ट खेलाडी झापाका कप्तान योगेश गुरुङ भए भने उदयीमान खेलाडी आयोजक टोलीका नबिन सुबेदीलाइ दिइयो।
