एजेन्सी – ब्राजिल फुटबल महासंघ (सिविएफ) ले राष्ट्रिय टोलीको मुख्य प्रशिक्षकका लागि कार्लाे एन्सेलोटीलाई यो सिजनको अन्त्यसम्म पर्खने बताएका छन् ।

ब्राजिलले एन्सेलोटीलाई राष्ट्रिय टोलीको मुख्य प्रशिक्षक बनाउन पहिलो प्राथमिकतामा राखेको छ । एन्सेलोटीको जवाफको लागि ब्राजिलले स्पेनको घरेलु लिगको सिजनको अन्त्यसम्म पर्खन तयार रहेको हो ।

सिविएफका अध्यक्ष एडनाल्डो रोड्रिग्वेजले रियल म्याड्रिडको मुख्य प्रशिक्षक नै ब्राजिलका लागि नम्बर एक विकल्प रहेको पुष्टि गरेका छन् ।

‘एन्सेलोटीलाई मुख्य प्रशिक्षक बनाउने हाम्रो प्लान ए अझै बाँकी छ । हामी ला लिगाको अन्त्यसम्म पर्खनेछौं ।’ अध्यक्ष एडनाल्डोले भने, ‘त्यहाँ यो सिजन पहिले नै बार्सिलोना च्याम्पियन बनिसकेको छ । तर हामी सिजनको अन्त्यसम्म पर्खनेछौं किनकि हामीलाई लाग्छ कि यो राम्रो हुनेछ ।

ब्राजिल किन एन्सेलोटीलाई मुख्य प्रशिक्षकको रूपमा चाहन्छ ?
ब्राजिल एन्सेलोटीमा धेरै उत्सुक छ कि तिनीहरूले उनलाई ब्राजिलियन राष्ट्रिय टोलीको भविष्यलाई आकार दिन मद्दत गर्न सक्ने व्यक्तिको रूपमा हेरिएको छ ।

उनलाई धेरै उच्च सम्मानमा राखिएको छ । यो एक बोनस पनि हुनेछ । किनकि एन्सेलोटीले वर्तमान अन्तर्राष्ट्रिय खेलाडीहरू मध्ये धेरैलाई प्रशिक्षण दिइसकेका छन् ।

हामीलाई सिनियर टोलीका लागि मात्र नभई उमेर समूह यू–२३, यू–२० र यू–१७ का लागि पनि परियोजना छ । एन्सेलोटीे एक प्रशिक्षक हुन् जोसँग त्यो दृष्टिकोण र नयाँ प्रतिभा खोज्ने साहस छ ।

एन्सेलोटीलाई मुख्य प्रशिक्षक बनाउन नसकेको खण्डमा ब्राजिलले प्लान बी र प्लान सी पनि बनाएको छ । ब्राजिलसँग धेरै उच्च योग्य प्रशिक्षकहरू छन् ।

डोरिभल जुनियर र फर्नान्डो दिनिजजस्ता केही ब्राजिलियन प्रशिक्षककको दौडमा छन् । पोर्चुगिज एबेल फरेरा पनि ब्राजिलको सुचीमा छ ।