default_image

9 months ago

May 30, 2023

अनन्त चम्कँदा चर्च ब्वाइजको सानदार जित

काठमाडौं (हाम्रो खेलकुद) – कप्तान अनन्त तामाङ चम्कँदा शीर्षस्थानमा रहेको चर्च ब्वाइज युनाइटेडले सहिद स्मारक ‘ए’ डिभिजन लिगमा सानदार जित दर्ता गर्दै उपाधि जित्ने सम्भावना बलियो बनाएको छ । चर्च ब्वाइजले विभागीय नेपाल एपिएफ फुटबल क्लबलाई ४–१ ले पराजित गर्दै उपाधि यात्रालाई थप मजवुत पारेको हो । चर्च ब्वाइजको जितमा कप्तान अनन्त तामाङले दुई तथा […]

100 views

0 Bookmark

काठमाडौं (हाम्रो खेलकुद) – कप्तान अनन्त तामाङ चम्कँदा शीर्षस्थानमा रहेको चर्च ब्वाइज युनाइटेडले सहिद स्मारक ‘ए’ डिभिजन लिगमा सानदार जित दर्ता गर्दै उपाधि जित्ने सम्भावना बलियो बनाएको छ ।

चर्च ब्वाइजले विभागीय नेपाल एपिएफ फुटबल क्लबलाई ४–१ ले पराजित गर्दै उपाधि यात्रालाई थप मजवुत पारेको हो । चर्च ब्वाइजको जितमा कप्तान अनन्त तामाङले दुई तथा मौसम सुब्बा र आशिष चौधरीले समान एक गोल गरे । एपिएफका आवास लामिछानेले एक गोल फर्काए ।

त्रिपुरेश्वरस्थित दशरथ रंगशालामा मंगलबार भएको खेलमा चर्च ब्वाइजले खेलको सुरुवातदेखि नै एपिएफमाथि दवाव बढाउँदा तेस्रो मिनेटमा नै अग्रता लिन सफल भएको थियो ।

तेस्रो मिनेटमा मौसम सुब्बाले गोल गर्दै चर्च ब्वाएजलाई १–० को अग्रता दिलाए । आशिष चौधरीको क्रस क्लियर हुन नसकेपछि डिफेन्डर एडमा डोम्विया र गोलरक्षक राजु नगरकोटीबीच तालमेल नमिल्दा रन्जित सिंह पान्द्रेले लड्दै दिएको पासमा मौसमले वान टचमा ट्यापिङ फिनिस गरे ।

पहिलो हाफको इन्ज्युरी समयको थप गरिएको सातौं मिनेटमा कप्तान अनन्त तामाङले गोल गर्दै चर्च ब्वाइजको अग्रता दोब्बर पारे । मनोज राईको लामो थ्रुबललाई फ्रान्कलिन कोटे टालाले हेडर गरेपछि अनन्त समक्ष पुग्दा उनले नियन्त्रणमा लिदै सहजै गोल गर्न सफल भए ।

५५औं मिनेटमा कप्तान अनन्त तामाङले व्यक्तिगत र टोलीका लागि तेस्रो गोल गर्दै चर्च ब्वाइजलाई ३–० को आरामदायी अग्रता दिलाए । तेस्रो गोलको मुभ उस्तै दोस्रो गोलको जस्तै रह्यो ।

मनोज राईकै लामो थ्रुबलमा फ्रान्कलिन कोटेटालाको हेडरलाई कसैको निगरानीमा नरहेका अनन्तले हेडरमार्फत खाली पोस्टमा गोल गर्न सफल भए । मनोजको थ्रुबललाई क्लियर गर्न गोलरक्षक राज अघि बढ्दा अनन्तले खाली पोस्टमा सहजै जाली चुमाए ।

८३औं मिनेटमा आवास लामिछानेले गोल गर्दै खेललाई ३–१ को स्थितिमा ल्याए । पेनाल्टी बक्समा अर्मान्ड विडोमले तीन डिफेन्डरलाई छलाउँदै दिएको पासमा अनमार्क रहेका आवासले दोस्रो बार च्याप्दै गरेको प्रहारले जाली चुम्दा चर्च ब्वाइजका गोलरक्षक प्रिसोले बचाउने प्रयास गरेपनि सफल हुन सकेन ।

८९औं मिनेटमा आशिष चौधरीले गोल गर्दै चर्च ब्वाइजलाई ४–१ को सानदार जित दिलाए । मिलन राईको पासलाई नियन्त्रणमा लिदै आशिषले पेनाल्टी बक्सबाहिरबाट सुन्दर गोल गर्न सफल भए । उनको प्रहारलाई एपिएफका गोलरक्षक राजु नगरकोटीले बचाउने प्रयास गरेपनि सफल हुन सकेन ।

यस जितसँगै चर्च ब्वाइजले शीर्षस्थानमा ४ अंकको अग्रता बनाएको छ । चर्च ब्वाइजको २३ खेलबाट ४१ अंक पुगेको छ । समान खेलबाटै दोस्रो स्थानमा रहेको जावलाखेल युथ क्लबको ३७ अंक छ । एक खेल कम खेलेको मछिन्द्र फुटबल क्लबको ३६ अंक छ । पराजित एपिएफ २३ खेलबाट २९ अंक जोडेर नवौं स्थानमा छ ।

February 23, 2024

झापा गोल्ड कपको मुख्य प्रायोजक यती ब्रुअरी

हिमाल खरेल, बिर्तामोड झापा गोल्ड कपको छैटौँ संस्करणका लागि मुख्य प्रायोजकसँग सम्झौता भएको छ । छैटौँ झापा गोल्ड कपलाई यती ब्रुअरीको उत्पादन अर्नाले गर्ने भएको छ । झापाको बिर्तामोडस्थित सहारा नेपाल साकोसको कन्फ्रेन्स हलमा शुक्रबार (आज) पत्रकार सम्मेलन गरेर मुख्य प्रायोजक अर्ना र झापा गोल्ड कपबीच सम्झौतामा हस्ताक्षर तथा आदान–प्रदान भएको हो । झापा गोल्ड […]

February 23, 2024

चाबहिल र एनआरटी फाइनलमा

सुशिल पन्त क्षेत्री ,भरतपुर चाबहिल भेट्रान ललितपुर र एनआरटी एफसी स्व दीलिप राणा स्मृति अन्तर्राष्ट्रिय आमन्त्रण फुटबल प्रतियोगिताको उपाधिका भिड्ने भएका छन् । शुक्रबार पहिलो सेमिफाइनलमा साविक विजेता फ्रिडम फाइटरलाई हराउँदै चाबहिल भेट्रानले फाइनलमा स्थान बनायो । प्रतिस्पर्धात्मक खेलमा चाबहिलले फ्रिडमलाई ३–२ ले निराश बनायो । त्यसअघि निर्धारित समय २–२ को बराबरीमा सकिएको थियो । […]

February 23, 2024

आयोजक केपी ओली एफसी विजयी

काठमाडौं (हाम्रो खेलकुद) – दोस्रो संस्करणको केपी ओली कप फुटबल प्रतियोगिताको उद्दघाटन खेलमा आयोजक केपी ओली एफसी विजयी भएको छ । राष्ट्रिय युवा संघले आयोजना गरेको प्रतियोगितामा एन्फा कम्प्लेक्समा भएको खेलमा केपी ओली एफसीले चर्च ब्वाइज युनाइटेड माथि ३-० को जित हात पारेको हो । खेलको सबै गोल दोस्रो हाफमा आएको थियो । खेलको पहिलो […]

Success

Thank you for your time.