11 months ago
May 30, 2023
काठमाडौं (हाम्रो खेलकुद) – भारतमा अर्को महिना आयोजना हुने साफ च्याम्पियनसिपको तयारीमा रहेको नेपाली टोलीका लागि पहिलो चरणमा ३० खेलाडी छनोट भएका छन् । अखिल नेपाल फुटबल संघ (एन्फा) को आयोजनामा जारी ए डिभिजन लिगकै विश्रामको दिन पारेर मुख्य प्रशिक्षक भिन्सेन्जो अल्बेर्टो एन्सेले रणनीतिक प्रशिक्षण दिदै आएका छन् । साफ च्याम्पियनसिपका लागि भनेर उनले नियमित […]
काठमाडौं (हाम्रो खेलकुद) – भारतमा अर्को महिना आयोजना हुने साफ च्याम्पियनसिपको तयारीमा रहेको नेपाली टोलीका लागि पहिलो चरणमा ३० खेलाडी छनोट भएका छन् ।
अखिल नेपाल फुटबल संघ (एन्फा) को आयोजनामा जारी ए डिभिजन लिगकै विश्रामको दिन पारेर मुख्य प्रशिक्षक भिन्सेन्जो अल्बेर्टो एन्सेले रणनीतिक प्रशिक्षण दिदै आएका छन् । साफ च्याम्पियनसिपका लागि भनेर उनले नियमित प्रशिक्षण गराउन पाइरहेका छन् ।
एन्फाको योजना अनुसार जेठ २७ गते ए डिभिजन लिग सम्पन्न हुनेछ । त्यसको १० दिन पछि नै भारतमा साफ च्याम्पियनसिप सुरु हुनेछ । साफ च्याम्पियनसिप असार ६ देखि १९ गते सम्म हुनेछ । साफ इतिहासमै पहिलो पटक गत संस्करणमा फाइनल खेलको नेपाल यबसपटक समूह एमा भारत, कुवेत र पाकिस्तानसँग समूह एमा रहेको छ । त्यति बेला नेपालले भारतविरुद्धको फाइनल हारेको थियो ।
अर्को समूहमा लेबनान, माल्दिभ्स, भुटान र बंगलादेश रहेका छन् । दक्षिण एसिया बाहिरका लेबनान र कुवेत पहिलो पटक साफ च्याम्पियनसिपमा भाग लिदैछ । विगतमा भन्दा चर्को प्रतिस्पर्धा हुने प्रतियोगितामा नेपालको तयारी भने सन्तोषजनक छैन ।
प्रशिक्षक एनेसले प्रधानमन्त्री कप त्रिदेशीय सिरिजमा टोलीमा रहेका अभिषेक बराल, आदित्य चौधरी, विकास खवास, पदम भट्टराई, कमल थापा, सुमित श्रेष्ठ र भरत खवासलाई टोलीमा समेटेका छैनन् । फरवार्ड विमल घर्तीमगरसँगै गोलरक्षक विशाल श्रेष्ठ, डिफेन्डर देवेन्द्र तामाङ, विक्रम लामा र सुदिप गुरुङले टोलीमा पूनरागमन गरेका छन् ।
लिगमा उच्च प्रदर्शन गरिरहेका सिमन्त थापा, विमल पाण्डे, दिनेश हेन्जन, आशिष गुरुङ, अन्जल महर्जन, लाकेन लिम्बु, आवास लामिछाने, विशाल तामाङ र जिलेस्पी जंग कार्कीले पनि प्रारम्भिक टोलीमा स्थान बनाएका छन् । राष्ट्रिय टोलीको प्रशिक्षणका लागि मंगलबार बोलाएका खेलाडी यस प्रकार छन् ।
गोलकिपर – किरण चेम्जोङ (राउन्ड ग्लास पन्जाब एफसी), दीप कार्की (मनाङ मस्र्याङ्दी), विशाल श्रेष्ठ (मछिन्द्र)
डिफेन्डर – विमल पाण्डे (त्रिभुवन आर्मी फुटबल क्लब), सनिश श्रेष्ठ (एपिएफ फुटबल क्लब), अनन्त तामाङ (.चर्च ब्वाइज युनाइटेड), देवेन्द्र तामाङ (मछिन्द्र), निशान्त खड्का (संकटा क्लब), आशिष गुरुङ (मनाङ), विक्रम लामा (थ्री स्टार क्लब), रोहित चन्द (प्रेसिक केडिर), सिमान्त थापा (जावलाखेल युथ क्लब), अन्जल महर्जन (फ्रेन्ड्स)
मिडफिल्डर – पुजन उपरकोटी (मछिन्द्र), एरिक विष्ट (चर्च ब्वाइज) , नविन लामा (एपिएफ), मणीकुमार लामा (एपिएफ), सुदीप गुरुङ (सातदोबाटो युथ क्लब), लाकेन लिम्बु (थ्री स्टार), आभाष लामिछाने (एपिएफ), विशाल तामाङ (जावलाखेल)
फरवार्ड – आषुश घलान (संकटा), नवयुथ श्रेष्ठ (आर्मी), दीपकराज सिंह ठकुरी (सातदोबाटो), अन्जन विष्ट (चर्च ब्वाइज), मनीष डाँगी ( संकटा), आशिष चौधरी (चर्च ब्वाइज), विमल घर्ती मगर (मछिन्द्र), जिलेस्पीजंग कार्की (आर्मी), दीनेश हेन्जन (आर्मी)
May 3, 2024
काठमाडौं (हाम्रो खेलकुद) – इङ्ल्यान्ड भ्रमणमा रहेको नेपाली राष्ट्रिय फुटबल टोलीले पहिलो खेलमा गोलरहित बराबरी खेलेको छ । एल्डरशट स्थित मिलिटरी स्टेडियममा भएको खेलमा नेपालले ब्रिटिश आर्मी टोली विरुद्ध गोलरहित बराबरी खेलेको हो । नेपाली टोली भिसा ढिलो आएका कारण अन्योलमा रहेको खेल अन्त्यमा तालिका अनुसार नै अघि बढेको थियो । खेल अवधिभर नेपाली टोली […]
May 3, 2024
काठमाडौं (हाम्रो खेलकुद) – सहिद स्मारक सि डिभिजन लिग अन्तर्गत शुक्रबार सम्पन्न खेलहरुमा समाज कल्याण खेलकुद केन्द्र र स्पोर्ट्स एकेडेमी साँगा विजयी भएका छन् । एन्फा कम्प्लेक्स सातदोबाटोमा भएको दिनको पहिलो खेलमा समाज कल्याणले साँगा माथि ५-० को फराकिलो जित दर्ता गरेको हो । समाज कल्याणको जितमा सुजन चौधरीले ह्याट्रिक पूरा गरे। यस्तै रोजल दाहालले […]
May 3, 2024
काठमाडौं (हाम्रो खेलकुद) – इङ्ल्यान्ड भ्रमणमा रहेको नेपाली राष्ट्रिय फुटबल टोलीले आज पहिलो मैत्रीपूर्ण खेल खेल्दैछ । ब्रिटिश आर्मीको टोली विरुद्ध आज नेपाली टोलीले खेल्नेछ । भिसा प्रक्रियामा निकै ढिलो हुँदा एन्फाले टोलीका सदस्यलाई फरक-फरक समयमा विभिन्न विमानमा पठाउनु परेको थियो । टोली फरक-फरक समयमा इङ्ल्यान्ड पुगेको थियो भने केही खेलाडीहरू हिजो मात्र पुगेका थिए […]