म्यानचेस्टर (एजेन्सी) – एफ.ए. कप अन्तर्गत आइतबार भएको खेलमा म्यानचेस्टर युनाईटेडले रिडीङ फुटबल क्लबलाई ४-०को फराकिलो अन्तरले पराजित गरेको छ।
खेलको सातौँ मिनेटमा गोल गर्दै वायन रोनीले क्लबका लेजेन्ड बब्बी चार्ल्टनको २४९ गोलको बराबरी गरेका थिए भने एन्थोनी मार्सियलले १५औं मिनेटमै खेललाई २-०को स्थितिमा पुर्याए।
दोश्रो हाफमा पनि युनाईटेड आक्रामक रह्यो र उसका लागि युवा फरवार्ड मार्कस राष्फर्डले दुइ गोल थपे।
