default_image

1 year ago

June 1, 2023

सेभिया युरोपा लिग च्याम्पियन

252 views

0 Bookmark

एजेन्सी – स्पेनिस क्लब सेभिया कीर्तिमानी सातौंपटक यो सिजनको युरोपा लिग च्याम्पियन बनेको छ । इटालियन क्लब रोमालाई टाइब्रेकरमा ४–१ ले पराजित गर्दै सेभिया च्याम्पियन बन्न सफल भएको हो ।

पुस्कास एरिना बुढापेस्ट हंगेरीमा बुधबार राति भएको प्रतिस्पर्धात्मक खेलमा निर्धारित समयमा १–१ गोलको बराबरी र अतिरिक्त समयमा पनि थप गोल निस्कन नसक्दा खेल टाइब्रेकरमा पुग्दा सेभियाले बाजी मार्न सफल भयो ।

टाइब्रेकरमा सेभियाका लुकास ओकम्पास, एरिक लमेला, इभान राकिटिच र गोन्जालो मोन्टिएलले गोल गरे । रोमाका ब्रायन क्रिस्टान्टेले मात्रै गोल गर्न सफल भए । जियान लुका मान्सिनी र रोजर इवानेजले गोल गर्न सकेनन् ।

त्यसअघि निर्धारित समयको ३५औं मिनेटमा पाउलो डिबालाको गोलबाट रोमाले अग्रता लिन सफल भएको थियो । उनले जियानलुका मान्सिनीको पासमा गोल गर्न सफल भएका थिए ।

५५औं मिनेटमा जियानलुका मान्सिनीले आत्मघाती गोल गरेपछि खेल १–१ गोलको बराबरीमा पुग्यो । ७५औं मिनेटमा सेभियाले पेनाल्टी पाएपनि भिएआरले पेनाल्टीलाई खारेज गरिदियो ।

त्यसपछि थप गोल निस्कन नसक्दा खेल अतिरिक्त समयमा लम्बियो । अतिरिक्त समयमा पनि नतिजा निस्कन नसक्दा खेल टाइब्रेकरमा पुग्दा सेभियाले बाजी मार्न सफल भयो ।

सेभिया सातौं पटक च्याम्पियन बनेको हो । युरोपमा सेभिया नै सर्वाधिक सफल क्लब बनेको छ । सेभिया सातपटक फाइनल पुग्दा सबै सात संस्करणमा नै च्याम्पियन बन्न सफल भएको छ ।

यसअघि सेभिया २००६, ०७, २०१४, १५, १६ र २०२० मा च्याम्पियन बनेको थियो । सेभियापछि सर्वाधिक तीनपल्ट इन्टर मिलान, लिभरपुल, युभेन्ट्स र एट्लेटिको मड्रिडले उपाधि जितेका छन् ।

रोमा दुईपटक फाइनल पुगेपनि उपाधि भने जित्न सकेन । यसअघि रोमाले सन् १९९१ मा फाइनल खेलेको थियो । त्यसमा इन्टर मिलान च्याम्पियन बनेको थियो ।

July 12, 2024

वर्षाका कारण चितवन जिल्ला लिग स्थगित

सुशिल पन्त क्षेत्री, चितवन सेन्ट्रल कलेज चितवन जिल्ला ए डिभिजन लिग तत्कालका लागि स्थगित भएको छ । चितवन जिल्ला फुटबल संघले आज एक सुचना जारी गर्दै लिगका खेलहरु तत्कालका लागि स्थगित भएको जानकारी दिएको हो । अविरल वर्षाका कारण लिगका खेल सञ्चालित भरतपुर ७ कृष्णपुरको मैदान हिलाम्य भएकोले अर्को सूचना जारी नभएकोसम्मका लागि स्थगित गरिएको […]

July 12, 2024

रोहित एक सिजन इन्डोनेसियामै खेल्ने 

काठमाडौं (हाम्रो खेलकुद) – नेपाली राष्ट्रिय फुटबल टोलीका अनुभवी खेलाडी रोहित चन्द अझै एक सिजन इन्डोनेसियामा नै बस्ने भएका छन् । इन्डोनेसियन लिगा वान टोली पेर्सिक केदिरीसँग सम्झौता नवीकरण गरेसँगै रोहितले व्यवसायिक फुटबलको थप एक सिजन इन्डोनेसियाको शीर्ष डिभिजनमा नै बिताउने भएका हुन् । सन् २०१३ मा पहिलो पटक इन्डोनेसिया पुगेका रोहितले बीचमा मलेसियन लिग […]

July 11, 2024

अर्जेन्टिनाले कोपा अमेरिका उपाधिका लागि कोलम्बिया विरुद्ध भिड्ने

एजेन्सी – साविक विजेता अर्जेन्टिनाले कोपा अमेरिका उपाधि रक्षा गर्नका लागि फाइनलमा कोलम्बिया विरुद्ध खेल्ने भएको छ । बिहीबार बिहान भएको दोस्रो सेमिफाइनलमा कोलम्बियाले उरुग्वे माथि १-० को जित निकालेसँगै अर्जेन्टिनाको फाइनल प्रतिद्वन्दी टुंगो लागेको हो । कोलम्बियाका लागि ३९औं मिनेटमा जेफर्सन लर्माले प्रहार गरेको हेडर नै पर्याप्त बन्यो । पहिलो हाफको अन्त्यमा डेनियल मुनोजले […]

Success

Thank you for your time.