default_image

9 months ago

June 1, 2023

मोसेसको गोलमा पुलिसको जित

काठमाडौं (हाम्रो खेलकुद) – विदेशी फरवार्ड मोसेस ग्यावाको गोलमा विभागीय नेपाल पुलिस क्लबले सहिद स्मारक ‘ए’ डिभिजन लिगमा न्युरोड टिम (एनआरटी) लाई पराजित गरेको छ । पुलिसले एनआरटीलाई १–० ले पराजित गरेको हो । पुलिसको जितमा दोस्रो हाफमा मोसेसले गरेको गोल नै निर्णायक बन्यो ।त्रिपुरेश्वरस्थित दशरथ रंगशालामा बिहीबार भएको प्रतिस्पर्धातमक खेलमा एनआरटीले पहिलो हाफमा गोल […]

161 views

0 Bookmark

काठमाडौं (हाम्रो खेलकुद) – विदेशी फरवार्ड मोसेस ग्यावाको गोलमा विभागीय नेपाल पुलिस क्लबले सहिद स्मारक ‘ए’ डिभिजन लिगमा न्युरोड टिम (एनआरटी) लाई पराजित गरेको छ ।

पुलिसले एनआरटीलाई १–० ले पराजित गरेको हो । पुलिसको जितमा दोस्रो हाफमा मोसेसले गरेको गोल नै निर्णायक बन्यो ।
त्रिपुरेश्वरस्थित दशरथ रंगशालामा बिहीबार भएको प्रतिस्पर्धातमक खेलमा एनआरटीले पहिलो हाफमा गोल गर्ने चार अवसर खेर फाल्दा पराजित हुन पुग्यो ।

पहिलो हाफमा दवाव झेलेको पुलिसले दोस्रो हाफमा सुधारिएको खेल पस्कदै जितसहित महत्वपुर्ण ३ अंक बटुल्न सफल भयो ।खेलको २०औं मिनेटमा एनआरटीका अशोक थापाको प्रहारलाई पुलिसका गोलरक्षक शत्रुधन चौधरीले बचाए ।

२७औं मिनेटमा निकोलस सर्ज सङको प्रहारमा पनि गोलरक्षक शत्रुत्रन बाधक बने । ३०औं मिनेटमा निकोलसको वान भर्सेस वानको स्थितिको प्रहार दोस्रो बार च्याप्दै थोरै बाहिरिदा एनआरटी अग्रता लिनबाट चुक्यो ।

पहिलो हाफमा लगातार आक्रमण गरिरहेको एनआरटीले दोस्रो हाफमा भने लय गुमाउन पुग्दा खेल पनि गुमाउन पुग्यो । ५७औं मिनेटमा रवि शंकर पासवानको भली प्रहारलाई एनआरटीका गोलरक्षक सन्तोष महतले पञ्च गर्दै बचाए । ७६औं मिनेटमा मोसेस ग्यवाले गोल गर्दै पुलिसलाई १–० को अग्रता दिलाए ।

इन्जयुरी समयको थप गरिएको पहिलो मिनेटमा एनआरटी १० खेलाडीमा समेटिन पुग्यो । कप्तान विक्रम धिमाल एक मिनेटको अन्तरमा दोहोरो पहेलो कार्डसहित रातो कार्ड खाँदै मैदानबाट बाहिरियो ।

पुलिसका हेमन्त श्रेष्ठसँगको झगडापछि पहेलो कार्ड खाएका उनी पुनः आक्रमण गर्न खोजेपछि रेफ्री प्रकाश नाथ श्रेष्ठले उनलाई रातो कार्ड देखाउँदै मैदान बाहिर पठाए ।

यस जितसँगै चौथो स्थानमा रहेको पुलिसको २३ खेलबाट ३४ अंक पुगेको छ । पराजित एनआरटी २३ खेलबाट २९ अंकसहित आठौं स्थानमा छ ।

लिग अन्तरगत नै च्यासल मैदानमा फ्रेन्ड्स क्लब र हिमालयन शेर्पा क्लबले गोलरहित बराबरी खेल्दै अंक बाँडेका छन् । यस बराबरीले शेर्पा २३ खेलबाट ३० अंक जोडेर छैटौं स्थानमा छ । फ्रेन्ड्स २५ अंक जोडेर १३औं स्थानमा छ ।

February 23, 2024

झापा गोल्ड कपको मुख्य प्रायोजक यती ब्रुअरी

हिमाल खरेल, बिर्तामोड झापा गोल्ड कपको छैटौँ संस्करणका लागि मुख्य प्रायोजकसँग सम्झौता भएको छ । छैटौँ झापा गोल्ड कपलाई यती ब्रुअरीको उत्पादन अर्नाले गर्ने भएको छ । झापाको बिर्तामोडस्थित सहारा नेपाल साकोसको कन्फ्रेन्स हलमा शुक्रबार (आज) पत्रकार सम्मेलन गरेर मुख्य प्रायोजक अर्ना र झापा गोल्ड कपबीच सम्झौतामा हस्ताक्षर तथा आदान–प्रदान भएको हो । झापा गोल्ड […]

February 23, 2024

चाबहिल र एनआरटी फाइनलमा

सुशिल पन्त क्षेत्री ,भरतपुर चाबहिल भेट्रान ललितपुर र एनआरटी एफसी स्व दीलिप राणा स्मृति अन्तर्राष्ट्रिय आमन्त्रण फुटबल प्रतियोगिताको उपाधिका भिड्ने भएका छन् । शुक्रबार पहिलो सेमिफाइनलमा साविक विजेता फ्रिडम फाइटरलाई हराउँदै चाबहिल भेट्रानले फाइनलमा स्थान बनायो । प्रतिस्पर्धात्मक खेलमा चाबहिलले फ्रिडमलाई ३–२ ले निराश बनायो । त्यसअघि निर्धारित समय २–२ को बराबरीमा सकिएको थियो । […]

February 23, 2024

आयोजक केपी ओली एफसी विजयी

काठमाडौं (हाम्रो खेलकुद) – दोस्रो संस्करणको केपी ओली कप फुटबल प्रतियोगिताको उद्दघाटन खेलमा आयोजक केपी ओली एफसी विजयी भएको छ । राष्ट्रिय युवा संघले आयोजना गरेको प्रतियोगितामा एन्फा कम्प्लेक्समा भएको खेलमा केपी ओली एफसीले चर्च ब्वाइज युनाइटेड माथि ३-० को जित हात पारेको हो । खेलको सबै गोल दोस्रो हाफमा आएको थियो । खेलको पहिलो […]

Success

Thank you for your time.