काठमाडौं (हाम्रो खेलकुद) – दाजु रन्जन बिष्ट र भइ अन्जन बिष्ट सशस्त्र प्रहरी बल (एपीएफ)को मोष्ट भ्यालुएबल प्लेयरद्वारा सम्मानित भएका छन्।

सशस्त्र प्रहरी महानिरीक्षक दुर्जकुमार राईले नेपाल एपीएफ क्लवका विभिन्न विद्याका ३३ जना खेलाडीहरुलाई ‘एपीएफ प्लेयर अफ दी इअर–२०७३’ द्वारा सम्मान गर्दा फुटबलका रञ्जन विष्ट र अञ्जन विष्ट भने मोष्ट भ्यालुएबल प्लेयर द्वारा सम्मानित छ खेलाडी मध्य पर्न सफल रहे। फाइनल खेलमा अन्जन र रन्जनको उत्कृष्ट प्रदर्शनले भर्खरै सम्पन्न सातौँ राष्ट्रिय खेलकुदमा एपिएफ स्वर्ण पदक जित्न सफल रहेको थियो।

बिष्ट दाजुभाईसंगै करातेतर्फ सुनिल लामा, बक्सीङ्तर्फ सरस्वती राना र पूर्णबहादुर लामा र भलिबलतर्फ सरस्वती चौधरी गरी ६ जना खेलाडीहरुलाई ‘मोष्ट भ्यालुएवल’ प्लेयर तथा कराते प्रशिक्षक दिपक श्रेष्ठलाई उत्कृष्ट प्रशिक्षक तथा विभिन्न विद्याका खेलाडीहरुलाई ‘एपीएफ प्लेयर अफ दी इअर’ अवार्ड प्रदान गरियो।