एजेन्सी – करिम बेन्जेमा, मार्को एसेन्सियो, मारियानो डियाज र इडेन हाजार्डको प्रस्थानसँगै रियल म्याड्रिड यो सिजनको समर ट्रान्सफर विन्डोमा निकै व्यस्त रहने अनुमान गरिएको छ ।

जुड बेलिङहम, ब्राहिम डियाज र फ्रान गार्सियाको आगमनको अतिरिक्त रियल अझैपनि फरवार्डको खोजीमा छ । इंग्लिस फरवार्ड ह्यारी केन पोल पोजिसनमा कार्लो एन्सेलोटीको मनपर्ने खेलाडी हुन तर, रियलको फ्यानबेस अझैपनि केलियन एमबाप्पेले रियलबाट खेलेको हेर्ने चाहना राख्दछ ।

रियलका फ्लोरेन्टिनो पेरेजले एमबाप्पेबारे चर्चा गरेका छन् । यसै साता एक ट्विटर प्रयोगकर्ताले एउटा भिडियो पोस्ट गरेको थियो । जुन निकै भाइरल भएको छ ।

यसमा, एक फ्यान फ्लोरेन्टिनो पेरेजको नजिक पुग्छन् र उनलाई सोध्छन् कि उनी एम्बाप्पेलाई साइन गर्न जाँदैछन्, जसलाई रियल म्याड्रिडले गत समरमा पेरिस सेन्ट जर्मेन (पिएसजी) मा नयाँ सम्झौता गर्नुअघि रियलले एमबाप्पेलाई लगातार अनुबन्ध गर्ने प्रयास गरेको थियो ।

रियल म्याड्रिडका अध्यक्षको प्रतिक्रियाले धेरैलाई आश्चर्यचकित बनाएको छ, किनकि उनी युवा फरवार्डलाई साइन गर्ने आफ्नो इच्छाको बारेमा खुला थिए ।

‘हो, तर यस वर्ष होइन ।’ रियल म्याड्रिडले सुपरस्टारलाई अनुबन्ध गर्ने भन्ने प्रश्नमा पेरेजको जवाफ थियो । फ्लोरेन्टिनो पेरेजको टिप्पणीपछि एमबाप्पेको नाम फेरि पनि रियलको चर्चामा आएको छ । क्लबले अनुबन्ध गर्छ या गर्दै त्यो भने हेर्न बाँकी नैछ ।