1 year ago
June 24, 2023
हिमाल खरेल, ओखलढुंगा
इलामले कोशी प्रदेश मुख्यमन्त्री कप नकआउट फुटबल प्रतियोगिताको उपाधि जितेको छ । प्रदेश खेलकुद विकास बोर्ड कोशी प्रदेशको आयोजनामा ओखलढुंगाको सिद्धिचरण नगरपालिकास्थित सगरमाथा जनता माविको खेलमैदानमा शनिबार भएको फाइनलमा संखुवासभालाई ३–० ले हराउँदै इलामले उपाधि जितेको हो ।
इलामको जितमा विशाल तामाङ, युवराज राई र विनोद धमलाले गोल गरेका थिए । खेलको ५९ औँ मिनेटमा विशालले गोल गर्दै अग्रता दिलाए । खेलको ७९ औं मिनेटमा युवराज र ८४ औं मिनेटमा विनोदले गोल थपे । उपाधिसँगै इलामले २ लाख रुपैयाँ, ट्रफी, मेडल प्राप्त गर्यो । संखुवासभाले १ लाख रुपैयाँसहित ट्रफी, मेडल र प्रमाणपत्र प्राप्त गर्यो । इलामका पिकेश लोक्ताम फाइनलको म्यान अफ द म्याच घोषित भए र उनले ४ हजार रुपैयाँ प्राप्त गरे ।
इलामका विशाल तामाङ प्रतियोगिताका सर्वोत्कृष्ट खेलाडी घोषित भए र उनले १० हजार रुपैयाँ प्राप्त गरे । प्रतियोगितामा इलामका मौसम मगर उत्कृष्ट गोलरक्षक, सोही टोलीका आशुष तिमल्सिना उत्कृष्ट डिफेन्डर, संखुवासभाका मन्दिप राई उत्कृष्ट फरवार्ड र इलामका छिरिङ पासाङ उत्कृष्ट प्रशिक्षक घोषित भए । ओखलढुंगाका सञ्जय गुरुङ उच्च गोलकर्ता रहे । उनीहरुले समान ५ हजार ५ सयसहित ट्रफी पाए ।
विजेता खेलाडीहरुलाई कार्यक्रमका अध्यक्ष तथा बोर्डका सदस्य सचिव हंशराज वाग्ले, सिद्धिचरण नगरपालिकाका नगरप्रमुख तेजेन्द्र खनाल, अखिल नेपाल फुटबल संघका वरिष्ठ उपाध्यक्ष वीरबहादुर खड्का, बोर्ड सदस्य थलु राजभण्डारी, ओखलढुंगा जिल्ला खेलकुद विकास समितिका अध्यक्ष प्रविन श्रेष्ठ लगायतले पुरस्कृत गरे ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]