2 years ago
June 26, 2023
काठमाडौं (हाम्रो खेलकुद) – अखिल नेपाल फुटबल संघ (एन्फा) ले नेपाल एपिएफ फुटबल क्लबले दिएको निवेदनमा निर्णय दिन विलम्ब गर्दा सशस्त्र प्रहरी बलले आफू मातहतका फुटबल खेलाडीलाई देशभरका विभिन्न युनिटमा रमाना गरेको छ ।
सहिद स्मारक ए डिभिजन लिगमा १३ औं स्थानमा रहेसँगै बि डिभिजनमा घटुवा भएको एपिएफले लिग सम्पन्न भएको भोलिपल्ट नै एन्फालाई दुई फरक शीर्षकमा पत्र लेखेको थियो । लिगका केही खेलमा मिलेमतो भएको आशंकाको छानविन माग गरेको एपिएफले थ्री स्टार क्लबका विदेशी खेलाडीले विना भिसा खेलेको भन्दै एन्फालाई पत्र लेखेको थियो । एपिएफले पत्रसँगै प्रमाण पनि बुझाएको थियो । तर हालसम्म एन्फाबाट कुनै जवाफ नआएपछि एपिएफले विभागमा रहेका आफ्ना फुटबल खेलाडीलाई विभिन्न युनिटमा रमाना गरेको हो ।
एपिएफको मुख्य टोली र दोस्रो टोलीका खेलाडी र प्रशिक्षक गरेर ५३ जनालाई राजधानीबाहिर देशको विभिन्न युनिटमा रमाना गरिएको हो । सबै खेलाडीलाई आ-आफ्नो दरवन्दी भएको युनिटमा पठाइको हो । उनीहरुले अब आ-आफ्नो बहिनीमा रहेर प्रशिक्षण र नियमित ड्युटी गर्नेछन् । यसबाहेक एपिएफले करारमा रहेका फुटबल खेलाडीलाई पनि फुकुवा गरेको छ ।
एपिएफले लिग खेलेका चार विदेशी खेलाडीलाई फुकुवा गरिसकेको छ । गोलरक्षक युया कुरियामा, डिफेन्डर अडामा डुम्बिया तथा फरवार्डद्वय अर्मान्ड बिडम र अब्दु रमानीले लिग खेलेका थिए । कुरियामा र बिडमले भुटानी टोली थिम्पु सिटी एफसीसँग सम्झौता गरिसकेका छन् ।
यता नेपाली राष्ट्रिय टोलीमा रहेका चार मध्य दुई खेलाडीलाई पनि एपिएफले फुकुवा गरिसकेको छ । डिफेन्डर सनिश श्रेष्ठ र मिडफिल्डर आवास लामिछाने करारमा रहेकोमा उनीहरुलाई फुकुवा गरिएको छ । मिडफिल्डरद्वय नविन लामा र मणि लामा भने साफ खेलेर फर्केपछि आ-आफ्नो युनिटमा रमाना हुनेछन् ।
एन्फाबाट जवाफ नआएकाले विभागले खेलाडीलाई बाहिर पठाउने निर्णय लिएको एपिएफका उच्च अधिकारीले हाम्रो खेलकुदलाई बताए । ‘हामीले एन्फालाई निकै गम्भीर विषयमा पत्र लेखेका थियौं । तर हालसम्म त्यसको जवाफ पाएका छैनौं । एन्फाका अध्यक्ष र महासचिवले मौखिक रुपमा चाडै निर्णय गर्छौं भन्नुभएको छ, तर हामीले कुनै जवाफ पाएका छैनौं,’ उनले भने ।
विभागले एन्फाको निर्णय नआउँदासम्म के गर्ने भन्ने प्रष्ट नहुँदा हाल खेलाडीलाई रमाना गरिएको उनले बताए । ‘हामीले एन्फाको जवाफ नआउँदासम्म के गर्ने भन्ने निर्णय लिन सकेका छैनौं । अब के गर्ने भन्ने अस्पष्ट भएपछि हाललाई खेलाडीलाई आ-आफ्नो युनिट पठाउने निर्णय विभागले लिएको छ । अब एन्फाले के निर्णय दिन्छ, त्यो अनुसार हामीले निर्णय लिनेछौं,’ एपिएफ अधिकारीले भने ।
एपिएफ लिगको आफ्नो अन्तिम खेलमा फ्रेन्ड्स क्लबसँग ४-० ले पराजित हुँदा त्यो नै रेलिगेसनको कारण बन्यो । फ्रेन्ड्स क्लबसँग अंक बराबर भएपछि हेड टु हेडको आधारमा पछि पर्नु रेलिगेसनमा निर्णायक बनेको थियो । अन्तिम खेलमा थ्री स्टारले जावलाखेलले हराएसँगै एपिएफ रेलिगेसनमा परेको थियो । एपिएफले उक्त खेलमा थ्री स्टारका विदेशी खेलाडीको भिसा सकिएको भन्दै एन्फामा प्रमाणसहित पत्र लेखेको थियो । त्यसबाहेक एपिएफले फ्रेन्ड्स क्लबले लिगमा खेलेको खेलमा मिलेमतो भएको आशंकासहित छानविनका लागि पनि एन्फालाई पत्र लेखेको थियो ।
February 10, 2025
काठमाडौं (हाम्रो खेलकुद)- कीर्तिपुरको ग्रिन भिलेज एजुकेशन फाउण्डेशन दोस्रो अन्तर विद्यालय सशस्त्र प्रहरी महानिरीक्षक रनिङ ट्रफी फुटबल प्रतियोगिताको क्वाटरफाइनलमा पुगेको छ । सोमवार भएको प्रि क्वाटरफाइनलमा ग्रिन भिलेज एजुकेशन फाउण्डेशनले कीर्तिपुरकै ग्रिन भिलेज सेकेण्डरी स्कुललाई २-० ले हराउँदै अन्तिम आठको यात्रा तय गरेको हो । विजयी टोलीका लागि दुवै गोल सोप्निल बस्नेतले गरे । सोप्निल […]
February 10, 2025
हिमाल खरेल, बिर्तामोड सहिद स्मारक ‘बी’ डिभिजन टोली प्लानिङ ब्वाइज काठमाडौंले आठौं नव ज्योति च्यालेन्ज कप फुटबल प्रतियोगिताको उपाधि जितेको छ । झापाको बुद्धशान्तिस्थित जयपुरमा आज भएको फाइनलमा सुनसरीको न्यु स्टार एफसीमाथि एकोहोरो दबाब सिर्जना गर्दै प्लानिङ ब्वाइज च्याम्पियन भएको हो । प्लानिङ ब्वाइजले न्यु स्टारलाई ३-० ले हरायो । प्लानिङ ब्वाइजका लागि झापाली डिफेन्डर […]
February 10, 2025
हिमाल खरेल ,बिर्तामोड उपाधि दाबेदार मानिएको कनकाई नगरपालिका झापाको बिर्तामोडमा जारी प्रथम झापा जिल्ला अन्तरपालिका महिला फुटबल प्रतियोगिताको सेमिफाइनलमा प्रवेश गरेको छ । आयोजक बिर्तामोड नगरपालिकालाई ४-० ले पराजित गर्दै कनकाई नगरपालिका सेमिफाइनलमा प्रवेश गरेको हो । आज भएको पहिलो क्वार्टर फाइनल खेलमा कनकाई नगरपालिकाकी स्वस्तिका विकले खेलको पाँचौँ मिनेटमै गोल गर्दै अग्रता दिलाएकी थिइन् […]