काठमाडौं (हाम्रो खेलकुद)– इमेज च्यानल आठौं मिडिया कप फुटबल प्रतियोगिताको सेमिफाइनल पुगेको छ । समूह ‘बी’ को लिग खेलमा इमेजले रेडियो नेपाललाई ३–२ ले पराजित गर्दै समूह विजेताका रुपमा सेमिफाइनल पुगेको हो ।
सेमिफाइनल पुग्ने पहिलोटोली बनेको इमेजको जितमा अरुण बराल, पेम्बा लामा र ‘म्यान अफ द म्याच’ योद्धा थापाले गोल गरे । तीन टिम रहेको समूह ‘बी’ मा यसअघि इमेजले अन्नपूर्ण पोष्टलाई हराएको थियो । प्रतियोगिताअन्तर्गत बुधबार साविक विजेता कान्तिपुर मिडिया ग्रुप र एपी वान टेलिभिजन तथा एभिन्युज र नेपाल टेलिभिजनबीच खेल हुनेछ ।
