उदयपुर (हाम्रो खेलकुद) – पूर्वाञ्चलमा अर्को गोल्ड कप आयोजनाको तयारी भइरहेको छ । उदयपुर जिल्ला फुटबल संघको आयोजनामा उदयपुर गोल्डकपको चौथो संस्करण माघको अन्तिम साता देखि सुरु हुने भएको छ । उदयपुर गोल्ड कप फुटवल प्रतियोगिता मुल आयोजक समितिले बुधबार पत्रकार सम्मेलन गर्दै गोल्ड कप माघ २७ देखि फागुन ५ गते सम्म संचालन हुने जानकारी दियो ।
जिल्ला विकास समिति उदयपुर, त्रियुगा नगरपालिकाको सहयोगमा गोल्ड कप फुटवल प्रतियोगिता हुन लागेको मुल आयोजक समितिका संयोजक किरण राईले बताए । गोलल्कपमा ए डिभिजनका ७ वटा क्लब र घरेलु टिम उदयपुर ११ गरि ८ टोलीको सहभागिता निश्चित भइसकेको राईले बताए ।
नक आउटको आधारमा हुने गोल्ड कपमा झन्डै ३८ लाख रुपैयाँ खर्च हुने अनुमान गरिएको छ । प्रतियोगिताको विजेताले २ लाख र दोस्रो हुने टोलीले १ लाख रुपैयाँ पाउनेछ ।
