स्पेन (एजेन्सी) – लुइस सुआरेजको दुईगोलको मद्दतले शनिबार भएको स्पेनिस ला लिगा अन्तर्गतको खेलमा बार्सिलोनाले लास पाल्मासलाई ५-०को फराकिलो हार चखाएको छ।
जितसंगै ३८अंक लिएर तालिकाको दोश्रो स्थानमा उक्लेको बार्सिलोनाको लागि सुआरेजसंगै लिओनेल मेस्सी, आर्डा टुरान र एलेक्स भिडालले गोल गरेका थिए। सुआरेजले १४औं मिनेटमा खेलको खाता खोलेका थिए भने अन्य गोल दोश्रो हाफमा सम्भव भयो।
जितसंगै दोश्रो स्थानमा पुगेपनि बार्साले तेश्रोमा रहेको सेभिल्लाभन्दा एक र शिर्षमा रहेको रियलभन्दा दुई खेल बढि खेलेको छ। सेभिल्लासंग ३६ अंक छ र उसले बाँकि रहेको खेलना जित हात पारे बार्साभन्दा माथि आउनेछ।
उता ४० अंकको रियललाई भने सेभिल्लासंगको दुरी ७अंकसम्म लाने अवसर छ।
