2 years ago
September 2, 2023
एजेन्सी – एर्लिङ हालान्डको ह्याट्रिकको मद्दतमा इंग्लिस प्रिमियर लिग अन्तर्गत शनिबार साँझ भएको खेलमा म्यानचेस्टर सिटीले फूलहमलाई फराकिलो अन्तरले पराजित गरेको छ ।
सिटीले ५-१ को जित दर्ता गर्ने क्रममा नाथन आके र जुलियन अल्भारेजले १-१ गोल गरे । ३१ औं मिनेटमा एर्लिङ हालान्डको गोलमा जुलियन अल्भारेजले सिटीलाई अग्रता दिलाएका थिए । तर त्यसको दुई मिनेटपछि नै टिम रेमले गोल गर्दै फुलहमलाई बराबरीमा ल्याए । तर बराबरीपछि सिटीले खेलमा सुधार गर्यो । पहिलो हाफको अन्तिम मिनेटमा नाथन अकेले गोल गर्दै टोलीलाई अग्रता दिलाएका थिए ।
दोस्रो हाफ भने हालान्डको नाममा रह्यो । ५८ औं मिनेटमा हालान्डले सिटीको अग्रता दोब्बर बनाए । अल्भारेजलाई पेनाल्टी क्षेत्रभित्र लडाएपछि सिटीले पेनाल्टी पाएको थियो । हालान्डले पेनाल्टीमा गोल गर्दै व्यक्तिगत दोस्रो गोल गरे । त्यसपछि हालान्डले थपिएको समयको पाँचौं मिनेटमा गोल गर्दै आफ्नो ह्याट्रिक पूरा गरे ।
यो जित आंगै सिटी प्रिमियर लिगको पहिलो स्थानमा रहेको छ । सिटीको चार खेलमा सत-प्रतिसत नतिजा निकाल्दै १२ अंकमा छ। फुलहम भने चार अंक सहित १३औं स्थानमा छ।
त्यस्तै अर्को खेलमा म्यानचेस्टर युनाइटेडका पूर्व फरवार्ड एन्थोनी इलांगाको एकमात्र गोलमा नटिङ्घम फरेस्टले चेल्सीलाई पराजित गरेको छ । स्ट्यामफोर्ड ब्रिजमा भएको खेलमा फरेस्टलाई जित दिलाउन ४८ औं मिनेटमा उनको गोल पर्याप्त रह्यो। खेलमा चेल्सीले धेरै अवसर खेर फालेको थियो र हार बेहोरेको थियो । हारपछि चेल्सी चार अंकसहित ११ औं स्थानमा छ भने फरेस्ट ६ अंकसहित नवौं स्थानमा छ ।
अर्को खेलमा ब्रेन्टफोर्ड र बर्नमाउथले २–२ को बराबरी खेलेका छन् । यसअघि भएको खेलमा शेफिल्ड युनाइटेड र एभर्टनले पनि २–२ गोलको बराबरी खेलेका थिए ।
May 25, 2025
एजेन्सी – रियल म्याड्रिडले जितका साथ यो सिजन ला लिगाको अन्त्य गरेको छ। रियल सोसिडाडलाई शनिवार २-० ले हराउँदै रियलले ला लिगामा सुखद अन्त्य गरेको हो । टोलीका लागि दुबै गोल किलियन एम्बाप्पेले गरे । एमबाप्पेले ३१ गोल गर्दै ला लिगाको समाप्त गरे। रियलका प्रशिक्षक कार्लो एन्चेलोट्टी र कप्तान लुका मोड्रिचको यो बिदाइ खेल पनि […]
May 24, 2025
काठमाडौं (हाम्रो खेलकुद)- दक्षिण एसियाली फुटबल महासंघ (साफ) ले पहिलो पटक साफ महिला क्लब च्याम्पियनसिप आयोजना गर्ने भएको छ। काठमाडौंमा आज भएको साफ कार्यकारिणी समितिको बैठकले साफ महिला क्लब च्याम्पियनसिप आयोजना गर्ने निर्णय गरेको हो । च्याम्पियनसिप सन् २०२५ को नोभेम्बरमा नेपाललमा हुने तय भएको छ। तर प्रतियोगिताको फरम्याट तथा कुन प्रक्रियाबाट क्लब छनोट हुने […]
May 23, 2025
काठमाडौं (हाम्रो खेलकुद)- च्याम्पियन प्लानिङ ब्वाइज क्लबका प्रताप सिंह राई सहिद स्मारक बी डिभिजन लिगका सर्वोत्कृष्ट खेलाडी चुनिएका छन् । उनले ट्रफीसहित १ लाख रुपैयाँ प्राप्त गरे। १५ गोलसहित प्लानिङ ब्वाइजका फागुराम थारु सर्वाधिक गोलकर्ता बने। टुसाल युथ क्लबविरुद्ध लिगको अन्तिम खेलमा ८-३ को जित निकाल्दा अन्तिम खेलमा फागुरामले ५ गोल गरेका थिए। उनले ५० […]