default_image

10 months ago

September 13, 2023

विश्वकप छनोटमा अर्जेन्टिना र ब्राजिलको जित

2118 views

0 Bookmark

एजेन्सी – विश्वकप विजेता अर्जेन्टिना र ब्राजिलले सन् २०२६ मा हुने फिफा विश्वकपको छनोटमा जित हासिल गरेका छन् । अर्जेन्टिनाले बोलिभियालाई ३-० ले हरायो भने ब्राजिलले खेलको अन्तिमतिर गोल गर्दै पेरुलाई १-० ले हराएको हो ।

समुन्द्र सतह भन्दा ३ हजार ६ सय मिटर माथि रहेको बोलिभियाको राजधानी लापाजमा भएको खेल अर्जेन्टिनाको लागि सधैं चुनौतीपूर्ण हुने गर्थ्यो । तर कप्तान लियोनेल मेस्सी बिना नै मैदान उत्रिएको अर्जेन्टिनालाई यो पटक भने जित निकाल्न सहजै रह्यो ।

३१औं मिनेटमा अर्जेन्टिनाले एन्जो फर्नान्डेजको गोलमा अग्रता बनाएको थियो । उनले यस खेलमा कप्तान डी मारियाको पासमा गोल गरेका थिए । त्यसपछि बोलिभियाका रोबर्टो फर्नान्डेजले पहिलो हाफमा रातो कार्ड पाएपछि बोलिभिया १० खेलाडीमा सिमित भएको थियो ।

४२औं मिनेटमा निको टाग्लियाफिकोले आफ्नो अन्तराष्ट्रिय क्यारियरको पहिलो गोल गर्दा अर्जेन्टिनाले अग्रता दोब्बर बनायो । उनले पनि डी मारियाकै पासमा गोल गरेका थिए । यस्तै दोस्रो हाफमा पनि अर्जेन्टिनाले खेलमा आफ्नो प्रभुत्व जनाइरह्यो । खेलको ८३औं मिनेट निको गोन्जालेजले गोल गर्दै अर्जेन्टिनाको जित सुनिश्चित गरे ।

यस्तै पेरुमा भएको खेलमा ब्राजिलले घरेलु टोलीलाई हराउँदा मार्किन्हसले ९०औं मिनेटमा गोल गरे । ब्राजिलले धेरै नै संघर्ष गर्नु परेको खेलमा मार्किन्हसले नेयमारको कर्नरमा हेडमार्फत गोल गर्दै जित दिलाएका थिए ।

उता उरुग्वे भने इक्वेडर सँग २-१ ले पराजित हुन पुग्यो । इक्वेडरलाई जिताउन फेलिक्स टोरसले दुवै गोल गरे ।

छनोटको दुई चरणको खेल सकिँदा ब्राजिल ६ अंक सहित शीर्षस्थानमा छ। अर्जेन्टिनाको समान ६ अंक भएपनि गोल अन्तरको आधारमा दोस्रो स्थानमा छ । कोलम्बियाको ४ अंक छ भने उरुग्वे र भेनेजुयलाको समान ३-३ अंक छ ।

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

July 21, 2024

चितवन जिल्ला लिगमा एनएफसी र एभरेष्ट विजयी

सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार नारायणी फुटबल क्लब ( एनएफसी) र एभरेष्ट क्लब चितवन विजयी भएका छन्। शारदा नगरको मैदानमा भएको पहिलो खेलमा नारायणीले हर्दी युवा समाजलाई २-१ ले हरायो । नारायणीका‌ सुगम तामाङ र सुरज गुरुङले गोल गरे । हर्दीका सन्तोष थिङले एक गोल गरे । खेलमा […]

July 21, 2024

रेन्जर्सविरुद्ध म्यानचेस्टर युनाइटेड विजयी

एजेन्सी – युरोपियन फुटबल सिजन सुरु हुनुअघिको प्रिसिजनको आफ्नो दोस्रो खेलमा म्यानचेस्टर युनाइटेड विजयी भएको छ । ग्लास्गोमा भएको खेलमा युनाइटेडले स्कटिस टोली रेन्जर्स माथि २-० को जित दर्ता गरेको हो । युनाइटेडका लागि अमाद डियालो र जो हुगिलले गोल गरेका हुन् । ३९औं मिनेटमा बक्सको दायाँभागबाट उत्कृष्ट फिनिस सहित डियालोले सुरुवाती गोल गरेका थिए […]

Success

Thank you for your time.