एजेन्सी – इंग्लिस प्रिमियर लिग अन्तर्गत शनिबार साँझ भएको खेलमा लिभरपुलले वल्भ्सलाई हराएको छ ।

पहिलो हाफमा पछि रहेको लिभरपुलले दोस्रो हाफमा गोल गर्दै ३–१ को जित हासिल गरेको छ । दक्षिण कोरियाका ह्वांग हि-चानले गरेको गोलमा वल्भ्सले अग्रता लिएपनि दोस्रो हाफमा पकड गुमायो । लिभरपुलका लागि कोडी गाक्पो र एन्ड्रयू रोबर्टसनले गोल गर्दा हार्भी एलियटले आत्मघाती गोलमा मुख्य भूमिका खेले ।

खेलमा सुरुवाती अग्रता वल्भ्सले लिएको थियो। सुरुवाती समय बाट नै लिभरपुललाई दबाबमा राखेको वल्भ्सले ह्वांगको गोलको मद्दतले सातौं मिनेटमा अग्रता लिएको थियो । पेड्रो नेटोले दिएको पासमा ह्वांगले गोल गरेका थिए । लिभरपुललाई खेलमा गोल फर्काउन निकै गारो बनाएको वल्भ्सले दोस्रो हाफमा खेल सुम्पन पुग्यो ।

गाक्पोले खेलको ५५औ मिनेटमा खेललाई बराबरीमा ल्याएका थिए । मोहम्मद सालाहले बक्सको दायाँ छेउबाट लिएको सट बायाँ पोष्टमा रहेका गाक्पोले गोलको दिशा देखाएका थिए । त्यसपछि लिभरपुलले खेलमा लय समात्दै जित निकाल्यो ।

लिभरपुलको दुई गोल भने खेलको अन्तिमतिर आएको थियो । लेफ्ट-ब्याक रोबर्टसनले सालाहसंग संयोजन गर्दै उनकै पासमा गोल गर्दै खेलको ८५ औं मिनेटमा अग्रता दिलाएका थिए ।

लिभरपुलको अर्को गोल भनी आत्मघाती गोल थियो । सालाहकै पासमा एलियटले लिएको सट वल्भ्सका हुगो बुएनोको खुट्टामा लागेर जालीतर्फ गएको थियो ।

जितसँगै लिभरपुल तालिकाको शीर्षस्थानमा उक्लिएको छ । लिभरपुलको ५ खेलमा १३ अंक रहेको छ भने पराजित वल्भ्स ५ खेलमा ३ अंक सहित १५औं स्थानमा छ।

आज बेलुका ७:४५ बजे हुने खेल हरुमा म्यानचेस्टर युनाइटेड र ब्राइटन, म्यानचेस्टर सिटी र वेस्ट ह्याम तथा टोटेनहम र शेफिल्ड युनाइटेड आमनेसामने हुँदैछन् । यस्तै राति १०:१५ बजे हुने खेलमा न्यूकासल युनाइटेड र ब्रेन्टफोर्ड एक अर्कासंग भिड्ने छन् ।