काठमाडौं (हाम्रो खेलकुद) – दुई महिनापछि सुरु हुने एएफसी एसियन कप छनोटका लागि चोटका कारण हाल मैदान बाहिर रहेका राष्ट्रिय टोलीका रक्षक अनन्त तामाङ र मिडफिल्डर रोहित चन्द फिट लभगभ पक्का छ । छनोट मार्च २७ बाट सुरु हुनेछ ।
विगत एक वर्षयता चोटका कारण मैदान बाहिर रहेका रोहितले पोखरामा जारी १५ औं आहा१ रारा गोल्ड कप फुटबल प्रतियोगितामा लक्ष्मी हुन्डाई मनाङ मस्र्याङ्दीबाट खेल्दै पुनरागमन गर्ने तयारीमा छन् । घुडाँको शल्यक्रियापछि केही समयको आरामपछि अनन्त चाँडै मैदानमा फर्किने आशा गरिएको छ ।
चिकित्सकको सल्लाह अनुसार दुई महिनामा खेल्न हुने भने पनि मैदान फर्कन कुनै हात नगर्ने अनन्तले बताएका छन् । स्पेनको मार्बेला एफसीले बोलाएपछि अनन्तले जाने नजाने निर्णय लिइसकेका छैनन् । राष्ट्रिय टोलीका स्ट्राइकर अन्जन विष्ट मर्बेलामै प्रशिक्षण गरिरहेका छन् ।
बिमल घर्तीमगर पनि युरोपमै प्रशिक्षणका लागि यहि साता त्यसतर्फ गएका छन् । केही महिना अघि अनन्त र अन्जन मार्बेलामा केही समय प्रशिक्षण गरेर फर्केका थिए । एसियन कप छनोटको पहिलो खेलसम्म अनन्त फिट भइसक्ने तथा अन्जन र बिमल पनि छनोटको केही अघि नेपाल आइसक्ने अपेक्षा गरिएको छ ।
