default_image

5 months ago

November 22, 2023

दर्शकको उपस्थितिले एनएसएल अझै भव्य हुने अपेक्षा

काठमाडौं (हाम्रो खेलकुद) – नेपाल सुपर लिग (एनएसएल) को दोस्रो संस्करण शुक्रबारदेखि सुरु हुँदैछ । आयोजक नेपाल स्पोर्ट्स एण्ड इभेन्ट म्यानेजमेन्ट (एनएसइएम) ले बुधबार एक पत्रकार सम्मेलनमार्फत प्रतियोगिताका लागि सम्पूर्ण तयारी पूरा भएको जानकारी दिएको हो । कोभिड संक्रमणको समयमा बिना दर्शक आयोजना भएको पहिलो संस्करणको अपार सफलतापछि दोस्रो संस्करणमा केहि फरक माहोल हुँदैछ । […]

1023 views

0 Bookmark

काठमाडौं (हाम्रो खेलकुद) – नेपाल सुपर लिग (एनएसएल) को दोस्रो संस्करण शुक्रबारदेखि सुरु हुँदैछ । आयोजक नेपाल स्पोर्ट्स एण्ड इभेन्ट म्यानेजमेन्ट (एनएसइएम) ले बुधबार एक पत्रकार सम्मेलनमार्फत प्रतियोगिताका लागि सम्पूर्ण तयारी पूरा भएको जानकारी दिएको हो ।

कोभिड संक्रमणको समयमा बिना दर्शक आयोजना भएको पहिलो संस्करणको अपार सफलतापछि दोस्रो संस्करणमा केहि फरक माहोल हुँदैछ । आयोजकले यसपटक दर्शकको उपस्थितिले लिग थप भव्य हुने अपेक्षा राखेको छ । नेपाल सुपर लिगका प्रबन्ध निर्देशक श्रेयान्श कार्कीले नेपाली फुटबलको विकास गर्ने लक्ष्यसहित संचालित एनएसएलमा यसपटक दर्शकको उपस्थितिले लिग भव्य हुने बताए ।

‘हामीले विगतमा ए डिभिजन लिगका दौरान रंगशाला खचाखच भरिएको देखेका छौं । पछिल्लो केहि वर्षमा त्यो क्रेज घटेको अनुभव रहेको छ । एनएसएलले अब रंगशालामा दर्शक फर्काउने प्रयास गर्नेछ । त्यसका लागि स्तरीय खेल त छँदै छ, दर्शकहरुका लागि अन्य सुविधा पनि ल्याउनेछौं,’ कार्कीले भने ।

एनएसएलले यसपटक उद्घाटन समारोहमा लोकप्रिय गायक सुशान्त केसीसँगै अन्य कार्यक्रम पनि राखेको छ । यसबाहेक दर्शकहरुका लागि मनोरन्जनात्मक कार्यक्रम, फुड स्टल लगायत अन्य व्यवस्था गरिने कार्कीले जानकारी दिए । लिग अघि बढेसँगै दर्शकहरुलाई लक्षित गरेर अन्य कार्यक्रम पनि ल्याउने उनले जानकारी दिए ।

एनएसएलले यसपटक आइएमइ पेसँग सहकार्य गर्दै टिकट अनलाइन विक्री सुरु गरिसकेको छ । रंगशालाको सामान्यतर्फ २ सय र भीआइपी तर्फ ५ सय रुपैयाँ टिकट दर तोकिएको छ । एनएसएलले दर्शकहरुको संख्या बढाउन टिकट मूल्य भन्दा सहभागितालाई प्राथमिकता दिएको दावी गरेको छ ।

यसपटक गत संस्करणको तुलनामा सहभागी टोली बढेसँगै लिगमा खेल संख्या पनि बढेको छ । अघिल्लो संस्करणका ६ र ३ नयाँ टोली गरि ९ टोलीले ४० खेल खेल्नेछन् । उपाधि विजेताले प्राप्त गर्ने रकम पनि दर्शकको उपस्थितिले नै यकिन निर्धारण हुने कार्कीले जनाए ।

‘हामीले अहिले नै क्लबहरुलाई विजेताले यति रकम पाउने भनेका छैनौं । कम्तिमा ७० लाख रुपैयाँ हुन्छ र दर्शकहरुको उपस्थिति अनुसार टिकटबाट उठेको रकमले १ करोडसम्म पुर्याउने हामीले आशा गरेका छौं,’ कार्कीले प्रष्ट पारे ।

लिग सुरु हुनुअघि सहभागी टोलीका प्रशिक्षक र मार्की खेलाडीले पनि आ-आफ्नो क्लबको तयारी बारे बोलेका थिए । अधिकांश क्लबले राष्ट्रिय टोलीको खेलका कारण राम्रो तयारी नभएको बताएका थिए ।

यता एनएसएलले भने ए डिभिजन लिग र आफ्नो अस्तित्व फरक रहेको स्वीकार गर्यो । ए डिभिजन एन्फाको आधिकारिक लिग रहेकोमा कुनै शंका नरहेको र एनएसएल आफ्नो फुटबल विकासको लक्ष्यमा मात्र केन्द्रित रहेको प्रबन्ध निर्देशक कार्कीले प्रष्ट पारे । उनले हाललाई कुनै महत्त्वकांक्षी योजना नबोकी मात्र नेपाली फुटबललाई एक कदम अगाडी लाग्ने सोचका साथ सबै ९ क्लब एकवद्ध भएर लागेको उनले बताए ।

यस्तै एनएसएलकी प्रमुख आश्रयता कार्की चौधरीले नेपाली फुटबलमा एनएसएलको लक्ष्य पूरा गर्न सबै सरोकारवालाको साथ अपेक्षा गरेको बताइन् । उनले एनएसएलबाट राष्ट्रिय टोलीले थोरै भएपनि प्रगति गरे आफ्नो प्रयास सार्थक भएको लाग्ने अभिव्यक्ति दिइन् ।

एनएसएलले आभोरी कोस्टका स्टार फरवार्ड डीडीएर ड्रोग्बा लिगका दौरान नेपाल आउने पनि जानकारी दियो । आफ्नो पारिवारिक कामले अहिले आउन नसकेपनि डिसेम्बर तेस्रो सातातिर उनी नेपाल आउने सम्भावना रहेको आयोजकले जानकारी दियो ।

April 19, 2024

इंग्लिस क्लब च्याम्पियन्स र युरोपा लिगकाे क्वाटरफाइनलबाटै बाहिर

एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]

April 19, 2024

लिभरपुल युरोपा लिगबाट बाहिरियो

एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]

April 18, 2024

पुल्चोक र स्पोर्टस एकेडेमीको जित

काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]

Success

Thank you for your time.