default_image

5 months ago

November 24, 2023

एनएसएलको उद्घाटन खेल आज

काठमाडौं (हाम्रो खेलकुद) – नेपाल सुपर लिग (एनएसएल) को दोस्रो संस्करण आजदेखि काठमाडौंमा सुरु हुँदैछ । दशरथ रंगशालामा आयोजकले भव्य उद्घाटन समारोहका बीच दोस्रो सिजन सुरु गर्ने तयारी गरेको छ । साँझ ६ बजे दशरथ रंगशालामा सुरु हुने उद्घाटन खेलमा साविक विजेता काठमाडौं रेजर्स र तीन नयाँ टोली मध्यको एक स्पोर्टिङ्ग इलाम एफसी डे मेचीले […]

938 views

0 Bookmark

काठमाडौं (हाम्रो खेलकुद) – नेपाल सुपर लिग (एनएसएल) को दोस्रो संस्करण आजदेखि काठमाडौंमा सुरु हुँदैछ । दशरथ रंगशालामा आयोजकले भव्य उद्घाटन समारोहका बीच दोस्रो सिजन सुरु गर्ने तयारी गरेको छ ।

साँझ ६ बजे दशरथ रंगशालामा सुरु हुने उद्घाटन खेलमा साविक विजेता काठमाडौं रेजर्स र तीन नयाँ टोली मध्यको एक स्पोर्टिङ्ग इलाम एफसी डे मेचीले एक अर्का सँग भिड्ने छन् ।

उद्घाटन समारोहमा चर्चित गायक सुशान्त केसी, वाङ्देन शेर्पा र प्रिन्सि र प्रिज्मा खतिवडा उद्घाटन समारोहमा आफ्नो कला प्रस्तुत गर्ने छन् ।

काठमाडौंलाई पहिलो संस्करण जिताउन कप्तानी भूमिकामा रहेका विकेश कुथु यसपटक इलामका मार्की खेलाडी रहेका छन् । काठमाडौंको मार्की भने राष्ट्रिय टोलीका फरवार्ड हिसुब थपलिया रहेका छन् ।

गत संस्करणमा सहभागी ७ टोली मध्य विराटनगर सिटी एफसी बाहेकका ६ र ३ नयाँ टोली गरि ९ टोलीले दोस्रो संस्करणमा प्रतिस्पर्धा जनाउने छन् । पहिलो संस्करण समेत खेलेका काठमाडौं रेजर्स, पोखरा थन्डर्स, ललितपुर सिटी एफसी, धनगढी एफसी, एफसी चितवन र बुटवल लुम्बिनी एफसी सहित तीन नयाँ टोली झापा एफसी, स्पोर्टिङ्ग इलाम एफसी डे मेची र विरगन्ज युनाइटेड एफसी यस संस्करणमा सामेल छन् ।

दोस्रो संस्करणको फाइनल डिसेम्बर ३० मा हुने छ । लिग तालिकाको शीर्ष चार टोली प्लेअफमा प्रवेश गर्नेछन् ।

काठमाडौंको टोली :

प्रशिक्षक : बालगोपाल महर्जन, सहायक प्रशिक्षक : राकेश श्रेष्ठ, मिहिर सावन्त, गोलरक्षक प्रशिक्षक : मृगेन्द्र मिश्र

विदेशी खेलाडी : जोकिर उगली शोख्रुख मह्मुदोजिएभ, कोदिरजोन उगली तोजिदिनोभ (उज्बेकिस्तान), जुनियर एन्कुंगे, जुआन ओलिभर सिमो किन्गुए, आन्द्रेस निया (क्यामरुन)

हिसुब थपलिया, कुलदीप कार्की, जियारत शेख, राजीव लोप्चन, अमित तामाङ, महेन्द्र कार्की, खमिर गिल्सन, प्रशान्त अवस्थी, सुशील कुमार यादव, मौसम सुब्बा, दिपेश गुरुङ, अन्जन राई, अभिषेक बराल, अन्जल श्रेष्ठ, गणेश हमाल, अमिन रावल, पेम्बा दोर्जे लामा, उज्ज्वल शाही

फिजियो : राजु दाहाल, व्यवस्थापक : मधुसुदन उपाध्याय

इलामको टोली :

प्रशिक्षक : मेघराज केसी, गोलरक्षक प्रशिक्षक : उज्ज्वल मानन्धर

विदेशी खेलाडी : अमाथ एनडाव, अब्दुलाए बा, इब्राहिम जिते (सेनेगल), फोडे कामारा (गिनी), ओमार थिएम, सुरज सिंह (भारत)

विकेश कुथु, समित श्रेष्ठ, सन्तोष खत्री, आशिष राई, सन्तोष महत, सुरोज बस्नेत, आशिष चापागाई, विमल पाण्डे, सौरभ लिम्बु, भरत खवास, दिपेश घले, विराज महर्जन, जितेन्द्र कार्की, आशिष गुरुङ, नविन लामा

व्यवस्थापक : उत्सव शाक्य, फिजियो : आरग्य खड्का

April 18, 2024

पुल्चोक र स्पोर्टस एकेडेमीको जित

काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]

April 18, 2024

एन्फा उपाध्यक्ष लामा छुटे

काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]

April 18, 2024

सिटीलाई हराउँदै रियल च्याम्पियन्स लिगको सेमिफाइनलमा

एजेन्सी – साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो । गोलकिपर लुनिनले दुई पेनाल्टी रोकेपछि १४ पटकको विजेता रियलको सेमिफाइनल यात्रा तय गरेको थियो । त्यसअघि रियल र सिटीबीचको क्वार्टरफाइनलको दोस्रो लेगको निर्धारित र थप सयम […]

Success

Thank you for your time.