default_image

5 months ago

November 25, 2023

पोखरासॅग चितवन स्तब्ध

काठमाडौं (हाम्रो खेलकुद) – नेपाल सुपर लिगको दोस्रो संस्करण अन्तर्गत दोस्रो दिनको पहिलो खेलमा पोखरा थन्डर्स विजयी भएको छ । पोखराले एफसी चितवन माथि १-० को जित निकालेको हो । पोखराका लागि विदेशी खेलाडी मोसेस ट्वमले खेलको एकमात्र गोल गरे । खेलमा दुवै टोलीले अवसर भने सिर्जना गरेका थिए । आठौं मिनेटमा चितवनका टोरिक जेब्रिनको […]

2706 views

0 Bookmark

काठमाडौं (हाम्रो खेलकुद) – नेपाल सुपर लिगको दोस्रो संस्करण अन्तर्गत दोस्रो दिनको पहिलो खेलमा पोखरा थन्डर्स विजयी भएको छ । पोखराले एफसी चितवन माथि १-० को जित निकालेको हो ।

पोखराका लागि विदेशी खेलाडी मोसेस ट्वमले खेलको एकमात्र गोल गरे । खेलमा दुवै टोलीले अवसर भने सिर्जना गरेका थिए । आठौं मिनेटमा चितवनका टोरिक जेब्रिनको पासमा रफिक अमिनुले उत्कृष्ट अवसर प्राप्त गरेतापनि उनले बलमा चाहेजस्तो सम्पर्क गर्न सकेनन् ।

नवौं मिनेटमा पोखराका आयुष घलानको क्रसमा स्टेफन कोजोको हेडरले पोस्टको दिशा लिन सकेन । १४औं मिनेटमा आयुषको लामो दुरीको प्रहारले चाहेजस्तो सम्पर्क लिन सकेन ।

१६औं मिनेटमा आयुषको अर्को प्रहार पोस्टको केही टाढाबाट मात्र बाहिरियो । २८औं मिनेटमा विमल घर्ती मगरको क्रसमा रफिक अमीनुले हेडर जित्न सकेनन् । त्यसको अर्को तर्फ पोखराका मोसेसको प्रहार चितवन गोलरक्षक विशाल श्रेष्ठले सहजै समाते ।

३१औं मिनेटमा मोसेसको प्रहार पुनः विशालले लाइन बाहिर आएर राम्रो बचाउ गरे । ४३औं मिनेटमा आयुषकै राम्रो क्रस चितवनले क्लियर गर्न सफल भयो ।

५०औं मिनेटमा आयुषको प्रहार चितवन डिफेन्डर युसुफ मुबारकले ब्लक गरे । ५८औं मिनेटमा अफ्रिए अक्वाहको क्रसमा रफिक अमिनुको हेडरले पोस्टको दिशा लिन सकेन । ६०औं मिनेटमा पोखराका आईकोनिक खेलाडी दिनेश राजवंशीले बललाई जालीमा हालेका थिए तर उनलाई असिस्टेन्ट रेफ्रीले अफसाइड दिए ।

६२औं मिनेटमा पदम भट्टराईको क्रसमा मोसेसको प्रहार पोस्टको माथि बाट बाहिरियो । ६७औं मिनेटमा आयुष घलानको क्रसमा मोससको हेडर विशालले बचाए ।

७२औं मिनेटमा भने पोखराले अग्रता लियो । स्टेफन अन्नोरको क्रसमा मोसेसले नै गोल गर्दै खेलमा पोखरालाई अग्रता दिलाए ।

७८औं मिनेटमा पोखरा अग्रता दोब्बर बनाउन बाट चुक्यो । जो आइडूको लामो दूरी बाट गरेको प्रहार विशालले उत्कृष्ट बचाउ गर्दै पोस्टको माथि फालिदिए ।

९०औं मिनेटमा चितवनलाई बराबरी गर्ने उत्कृष्ट मौका रहेको थियो । टोरिकको क्रसमा मार्को इभानोभीचको प्रहार पोस्टको केही टाढाबाट बाहिरियो ।

आज दिनको दोस्रो खेलमा साँझ ५:३० बजे ललितपुर सिटी एफसी र बुटवल लुम्बिनी एफसी भिड्ने छन् ।

April 23, 2024

महिला लिग छनोटमा लुम्बिनीको पहिलो जित

सुर्खेत (हाम्रो खेलकुद) – लुम्बिनी प्रदेशले महिला लिग छनोटमा पहिलो जित हासिल गरेको छ । उत्कृष्ट पूनरागमन गर्दै लुम्बिनीले मंगलबार बागमती प्रदेशलाई ३–१ को नतिजामा माथ दिएको हो । सर्खेतस्थित कर्णाली प्रदेश रंगशालामा भएको खेलमा पहिलो अग्रता बागमतीले बनायो। २४औं मिनेटमा सुमित्रा तामाङको गोलमा बागमती अगाडि लागेको थियो । तर यो अग्रता खेलको ४०औं मिनेटमा […]

April 23, 2024

आदर्श च्यालेन्ज कप – आदर्श र ध्रुवताराबीच उद्घाटन खेल हुने

हिमाल खरेल, मेचीनगरझापाको बुद्धशान्तिमा शनिबार सुरु हुने तेस्रो आदर्श च्यालेन्ज कप फुटबल प्रतियोगिताको खेल तालिका सार्वजनिक भएको छ । खेल मैदान बुद्ध आदर्श माविको सभाहलमा आज भएको पत्रकार सम्मेलनमा खेल तालिका सार्वजनिक भएको हो । खेल तालिकाअनुसार उद्घाटन खेलमा आयोजक आदर्श युवा क्लबले दमकको ध्रुवतारा स्पोर्टिङ क्लबको सामना गर्नेछ । त्यस्तै, दोस्रो खेल आइतबार बिर्तामोड […]

April 23, 2024

बेलिङहमले जिते ब्रेकथ्रु अवार्ड

एजेन्सी – इङ्ल्यान्ड तथा स्पेनिस क्लब रियल म्याड्रिडका युवा मिडफिल्डर जुड बेलिङहमले अवार्ड जितेका छन् । बेलिङहमले सन् २०२४ को लौरेस वल्ड स्पोर्ट्स ब्रेकथ्रु अफ द इयर अवार्ड जितेका हुन् । गत समरमा जर्मन क्लब बोरुसिया डर्टमुन्डबाट ८९ मिलियन पाउण्डमा रियल आएका २० वर्षीय बेलिङहम क्लबका लागि महत्वपूर्ण खेलाडी बनेका छन् । उनले आइतबार एल […]

Success

Thank you for your time.