default_image

5 months ago

November 30, 2023

धनगढीले अंकविहिन बुटवलको सामना गर्दै

काठमाडौं (हाम्रो खेलकुद) – नेपाल सुपर लिग २ अन्तर्गत विहिबार हुने खेलमा अंक तालिकाको पुछारमा रहेक बुटवल लुम्बिनी फुटबल क्लब पहिलो अंकको खोजीमा हुनेछ । दशरथ रंगशालामा साँझ ५:३० बजे सुरु हुने खेलमा धनगढीको सामना गर्दा बुटवल पछिल्लो हारलाई बिर्साउने प्रयासमा हुनेछ । धनगढी भने पहिलो खेलमा रोमान्चक जित हासिल गरेसँगै सोहि लयलाई निरन्तरता दिन […]

1141 views

0 Bookmark

काठमाडौं (हाम्रो खेलकुद) – नेपाल सुपर लिग २ अन्तर्गत विहिबार हुने खेलमा अंक तालिकाको पुछारमा रहेक बुटवल लुम्बिनी फुटबल क्लब पहिलो अंकको खोजीमा हुनेछ ।

दशरथ रंगशालामा साँझ ५:३० बजे सुरु हुने खेलमा धनगढीको सामना गर्दा बुटवल पछिल्लो हारलाई बिर्साउने प्रयासमा हुनेछ । धनगढी भने पहिलो खेलमा रोमान्चक जित हासिल गरेसँगै सोहि लयलाई निरन्तरता दिन चाहन्छ ।

प्रतियोगिताको सबैभन्दा कमजोर टिमको रुपमा हेरिएको बुटवलको सुरुवात पनि राम्रो हुन सकेन । ललितपुरसँग २-० को हारसँगै टोलीको प्रशिक्षण टोलीमा पनि समस्या तालमेल नमिलेको देखिन्छ । नेपालमै उपलब्ध औसत विदेशी खेलाडी रोजेको बुटवलले धनगढी विरुद्ध अर्को संघर्ष गर्ने सम्भावना छ ।

यता धनगढीले गत सिजन ए डिभिजनमा उच्च प्रदर्शन गरेका अहमद हिजाजीलाई अन्तिम समयमा अनुबन्ध गरेको थियो । बेन्चबाट आएर पछिल्लो खेलमा विजयी गोल गरेका उनी आज सुरुवात गर्ने सम्भावना छ । तर प्रशिक्षक युगल किशोर राईलाई टोली छनोट टाउको दुखाइ बन्ने पक्का छ ।

एक समयमा ५ विदेशी खेलाडी मात्र खेलाउन पाइने हुँदा धनगढीले एक विदेशी बेन्चमा राख्नुपर्नेछ । वीरगन्जविरुद्ध जितमा दोस्रो हाफमा बाहिरिएका डिफेन्डर डियाग्ने फालोले असन्तुष्टि पोखेका थिए । आजको खेलमा प्रशिक्षक राईले कसलाई बेन्चमा राख्नेछन्, त्यो सहज निर्णय हुनेछैन ।

अघिल्लो सिजन यी दुई टोलीको खेलमा बुटवलले १-० को जित दर्ता गरेको थियो । त्यसबेला विजयी गोल गरेका सुमन लामा यतिबेला अष्ट्रेलियामा रहेका छन् ।

सम्भावित सुरुवाती ११ :

बुटवल : ममदोउ, बिइक बिइक, गौरव श्रेष्ठ, अर्नेस्ट टाम्पी, पासाङ लामा, एरिक विष्ट, मणि लामा, प्रकाश बुढाथोकी, निकोलस सर्ज संग, आशिष लामा, स्टेफान बिनोङ

धनगढी : टिकेन्द्र थापा, देवेन्द्र तामाङ, डियाग्ने फालो, कमल श्रेष्ठ, रिचार्ड ओसे, आशिष चौधरी, रामचन्द्र वाजी, ओलावाले अफिज, फोडे फोफना, क्रितिश छुन्जु, अहमद हिजाजी

April 19, 2024

इंग्लिस क्लब च्याम्पियन्स र युरोपा लिगकाे क्वाटरफाइनलबाटै बाहिर

एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]

April 19, 2024

लिभरपुल युरोपा लिगबाट बाहिरियो

एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]

April 18, 2024

पुल्चोक र स्पोर्टस एकेडेमीको जित

काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]

Success

Thank you for your time.