एजेन्सी – फ्रेन्च लिग वानको शीर्षस्थानमा रहेको पेरिस सेन्ट जर्मेन (पिएसजी) ले नान्टेसविरुद्ध रोमाञ्चक जित दर्ता गरेको छ ।

पिएसजीले घरेलु मैदानमा नान्टेसमाथि २–१ को रोमाञ्चक जित निकालेको हो । पिएसजीको जितमा ब्राडले बारकोला र रान्दल कोलो मुएनीले गोल गरे । नान्टेसका मोस्तफा मोहमेदले एक गोल फर्काए ।

पार्क डेस प्रिन्सेसमा शुक्रबार राति भएको खेलमा घरेलु टोली पिएसजीले बलमाथि पकड जमाएपनि जितको लागि संघर्ष गर्नुपरेको थियो ।

४१औं मिनेटमा युवा विंगर ब्राडलेले गोल गर्दै पिएसजीलाई १–० को अग्रता दिलाए । उनले भिटिन्हाको पासमा गोल गर्न सफल भएका थिए ।

५५औं मिनेटमा मोस्तफाले गोल गर्दै खेललाई १–१ गोलको बराबरीमा ल्याए । मोस्तफाले फ्लोरेन्ट मोल्लेटको पासलाई सदुपयोग गरेका थिए ।

बराबरीको स्थितिपछि पिएसजीले दवाव सिर्जना गरेपनि नान्टेसको रक्षापङ्ति तोड्न सकिरहेको थिएन । तर, ८३औ मिनेटमा परिवर्तित खेलाडी रान्दल कोलो मुएनीले गोल गर्दै पिएसजीलाई २–१ को जित दिलाए ।

७९औं मिनेटमा गोलकर्ता ब्राडलेकै स्थानमा मैदान छिरेका मुएनीले मैदानमा प्रवेश गरेको चार मिनेटमैगोल गर्न सफल भएका हुन् ।

यस जितले शीर्षस्थानमा रहेको पिएसजीले ६ अंकको अग्रतालाई यथावत राख्न सफल भएको छ । पिएसजीको १५ खेलबाट ३६ अंक पुगेको छ । दोस्रो स्थानको मोनाकोको समान खेलबाट ३० अंक छ । पराजित नान्टेस १८ अंक जोडेर नवौं स्थानमा छ ।