default_image

2 months ago

December 23, 2023

बुटवलले वीरगन्जलाई हराउँदा ललितपुर प्लेअफमा

काठमाडौं (हाम्रो खेलकुद) – नेपाल सुपर लिग २ अन्तर्गत बुटवल लुम्बिनी फुटबल क्लबले अन्तिम खेलमा वीरगन्ज युनाइटेड फुटबल क्लबलाई हराएको छ । बुटवलले १-० को जित दर्ता गर्दा ललितपुर सिटी एफसी भने प्लेअफमा छनोट भएको छ । बुटवलका लागि चन्दन दासले खेलको अन्तिम समयमा गरेको गोल नै निर्णायक सावित भयो । वीरगन्ज युनाइटेडलाई प्लेअफमा पुग्न […]

1314 views

0 Bookmark

काठमाडौं (हाम्रो खेलकुद) – नेपाल सुपर लिग २ अन्तर्गत बुटवल लुम्बिनी फुटबल क्लबले अन्तिम खेलमा वीरगन्ज युनाइटेड फुटबल क्लबलाई हराएको छ । बुटवलले १-० को जित दर्ता गर्दा ललितपुर सिटी एफसी भने प्लेअफमा छनोट भएको छ ।

बुटवलका लागि चन्दन दासले खेलको अन्तिम समयमा गरेको गोल नै निर्णायक सावित भयो । वीरगन्ज युनाइटेडलाई प्लेअफमा पुग्न जित चाहिएको अवस्थामा बुटवलले त्यो हुन दिएन । यता वीरगन्जको हारले ललितपुर प्लेअफ पुग्दा झापा फुटबल क्लबको सम्भावना पनि जीवित छ ।

यस जितले बुटवल ८ खेलमा १० अंकसहित पाँचौ स्थानमा छ । ललितपुर र झापाको पनि समान १० अंक छ तर हेड टु हेडमा ललितपुर अघि छ । वीरगन्ज भने ८ खेलमा ८ अंकसहित आठौं स्थानमा रहेर लिग अन्त्य गर्यो ।

दिनको अन्तिम खेलमा काठमाडौं रेजर्सले जित हासिल गरे काठमाडौं प्लेअफ पुग्नेछ, ललितपुरको जित वा बराबरीले झापा अघि बढ्नेछ ।

१०औं मिनेटमा बुटवलका जिलेस्पी जंग कार्कीको प्रहार डिफ्लेक्ट भएर बाहिरियो । ११औं मिनेटमा वीरगन्जका ओवेदको बक्स बाहिरबाट लिएको प्रहार पोस्टको दिशामा गएन ।

१५औं मिनेटमा जिलेस्पीको क्रस दीप कार्कीले सहजै समाते । त्यसपछिको मिनेटमा वीरगन्जको एउटा पेनलाटी अपीलमा रेफ्रीले पेनाल्टी दिएनन् । आन्द्रे बियिकको ब्याक पास राम्रो नभएपछि उनले विलियम ओपोकुलाई लडाएका थिए तर रेफ्रीले पेनाल्टी दिएनन् ।

२५औं मिनेटमा सुशील लामाको कर्नर मोहम्मडुले समात्न नसकेपनि रेफ्रीले फाउल दिएपछि खतरा टर्यो । ३०औं मिनेटमा सुशील लामाको प्रहार बक्स भित्र ब्लक हुन पुग्यो ।

३६औं मिनेटमा दीपले राम्रो बचाउ गर्दै बुटवललाई अगाडि जानुबाट रोके । उनले बहका बाहिरबाट लिएको प्रहार दीपले आफ्नो बायाँतर्फ डाइभ गरेर राम्रो बचाउ गरे ।

पहिलो हाफको थपिएको समयमा जिलेस्पीको क्रस नियन्त्रणमा लिएर आशिष लामाले पोस्टको निकै टाढा प्रहार गरे । पोस्टको निकै नजिकबाट उनले प्रहार गरेको भली निकै टाढाबाट बाहिरिएको हो ।

४८औं मिनेटमा सुशील लामाको क्रसमा आइकिन्स बाफुरको फारपोस्टको प्रहार पोस्टको दिशामा गएन । ५५औं मिनेटमा सुनिल खड्काको प्रहार पोस्टमा लागेर बाहिरिन पुग्यो ।

६३औं मिनेटमा पासाङ लामाको बक्स बाहिरबाट लिएको प्रहार आकाशियो । ६६औं मिनेटमा ओपोकुको प्रहार मोहम्मडुले बचाए ।
६९औं मिनेटमा ओपोकुको फ्रिकिकमा उनले चाहेजस्तो शक्ति प्रहार गर्न सकेनन् ।

७७औं मिनेटमा एरिक विष्टको प्रहार दीपले बचाए । त्यसको दुई मिनेट पछि गौरव श्रेष्ठले ओपोकुलाई बक्स भित्र प्रहार गर्न नदिइ बल क्लियर गरे ।

८४औं मिनेटमा मणि कुमार लामाको कर्नरमा पासाङको प्रहारपनि पोस्ट तर्फ जान सकेन । ८७औं मिनेटमा सुशील लामाको प्रहार पनि सही दिशामा गर्न सकेन ।

इन्ज्युरी समयको तेस्रो मिनेटमा भने खेलमा बुटवलले गोल गर्यो । एरीक विष्टको पासमा चन्दन दासले गोल गर्दै बुटवललाई जित दिलाए ।

दिनको अन्तिम खेलमा ललितपुर सिटी र काठमाडौं रेजर्सको खेल साँझ ५ बजे सुरु हुनेछ ।

February 23, 2024

झापा गोल्ड कपको मुख्य प्रायोजक यती ब्रुअरी

हिमाल खरेल, बिर्तामोड झापा गोल्ड कपको छैटौँ संस्करणका लागि मुख्य प्रायोजकसँग सम्झौता भएको छ । छैटौँ झापा गोल्ड कपलाई यती ब्रुअरीको उत्पादन अर्नाले गर्ने भएको छ । झापाको बिर्तामोडस्थित सहारा नेपाल साकोसको कन्फ्रेन्स हलमा शुक्रबार (आज) पत्रकार सम्मेलन गरेर मुख्य प्रायोजक अर्ना र झापा गोल्ड कपबीच सम्झौतामा हस्ताक्षर तथा आदान–प्रदान भएको हो । झापा गोल्ड […]

February 23, 2024

चाबहिल र एनआरटी फाइनलमा

सुशिल पन्त क्षेत्री ,भरतपुर चाबहिल भेट्रान ललितपुर र एनआरटी एफसी स्व दीलिप राणा स्मृति अन्तर्राष्ट्रिय आमन्त्रण फुटबल प्रतियोगिताको उपाधिका भिड्ने भएका छन् । शुक्रबार पहिलो सेमिफाइनलमा साविक विजेता फ्रिडम फाइटरलाई हराउँदै चाबहिल भेट्रानले फाइनलमा स्थान बनायो । प्रतिस्पर्धात्मक खेलमा चाबहिलले फ्रिडमलाई ३–२ ले निराश बनायो । त्यसअघि निर्धारित समय २–२ को बराबरीमा सकिएको थियो । […]

February 23, 2024

आयोजक केपी ओली एफसी विजयी

काठमाडौं (हाम्रो खेलकुद) – दोस्रो संस्करणको केपी ओली कप फुटबल प्रतियोगिताको उद्दघाटन खेलमा आयोजक केपी ओली एफसी विजयी भएको छ । राष्ट्रिय युवा संघले आयोजना गरेको प्रतियोगितामा एन्फा कम्प्लेक्समा भएको खेलमा केपी ओली एफसीले चर्च ब्वाइज युनाइटेड माथि ३-० को जित हात पारेको हो । खेलको सबै गोल दोस्रो हाफमा आएको थियो । खेलको पहिलो […]

Success

Thank you for your time.