एजेन्सी – म्यानचेस्टर युनाइटेडले इंग्लिस प्रिमियर लिगमा संघर्षपूर्ण जित निकालेको छ। रास्मन हइलुन्डको निर्णायक गोलमा युनाइटेडले मंगलबार
एस्टन भिल्लालाई ३ – २ पुररागमन जित हासिल गरेको हो ।

युनाइटेडको लागि अर्को २ गोल अलेहान्द्रो गारान्चोले गरेका थिए। एस्टन भिल्लाका लागि लियन्डर डेन्डोन्कर र जना मिक्गिनले गोल गरेका थिए।

भिल्लाले २१ औं मिनेटमा मिक्गिनको गोलबाट अग्रता लिएको थियो। २६ औं मिनेटमा डेन्डोन्करले गोल गरेपछि घरेलु टोली २ – ० ले पछि परेको थियो ।

दोस्रो हाफमा अर्जेन्टिनी गोरान्चाले २ गोल गरेपछि युनाइटेड खेलमा फर्केको थियो। ५९ औं मिनेटमा पहिलो गोल गरेका गारान्चोले ७१ औं मिनेटमा बराबरी गोल गरेका थिए। त्यसअघि गोरान्चोले ४८ औं मिनेटमा गरेको गोल भिएआरले खारेज गरिदिएको थियो।

८२ औं मिनेटमा हइलुन्डले प्रिमियर लिगमा आफ्नो पहिलो गोल गरेपछि युनाइटेडले खेल जितेको थियो। युनाइटेडले ३ खेलपछि प्रिमियर लिगमा पहिलो जित हासिल गरेको हो ।

अंक तालिकाको छैटौं स्थानमा उक्लिएको युनाइटेडको १९ खेलबाट ३१ अंक पुगेको छ । तेस्रो स्थानको भिल्लाको ३९ अंक छ ।

गएराति प्रिमियर लिगका अन्य खेलमा नटिङघम फरेस्टले न्युक्यासललाई ३ – १ ले हरायो। बर्नमाउथले फुलह्यामलाई ३ – ० ले पराजित गर्‍यो ।

लुटन टाउनले सेफिल्ड युनाइटेडलाई ३ – २ र लिभरपुलले बनर्लीलाई २-० ले हराएको छ। आर्सनललाई पछि पार्दै लिभरपुल (४२अंक) शीर्ष स्थानमा फर्किएको छ।