default_image

2 months ago

December 29, 2023

ललितपुरले निखारेको १७ वर्षीय ‘कुशल’

सन्देश सिग्देल, काठमाडौं ललितपुर सिटी फुटबल क्लबले नेपाल सुपर लिगको दोस्रो संस्करणको फाइनलमा पुग्दा १७ वर्षीय कुशल देउवा खेलको नायक बने । पोखराविरुद्ध ९० मिनेटभन्दा बढी समयसम्म १० खेलाडीमा समेटिए पनि अतिरिक्त समयमा २–१ को जित दर्ता गर्दा कुशलले ९९औं मिनेटमा गरेको गोल नै निर्णायक रह्यो । महत्त्वपूर्ण खेलमा अवसर पाएका टिनएजर कुशलले निर्णायक मोडको […]

3126 views

0 Bookmark

सन्देश सिग्देल, काठमाडौं

ललितपुर सिटी फुटबल क्लबले नेपाल सुपर लिगको दोस्रो संस्करणको फाइनलमा पुग्दा १७ वर्षीय कुशल देउवा खेलको नायक बने । पोखराविरुद्ध ९० मिनेटभन्दा बढी समयसम्म १० खेलाडीमा समेटिए पनि अतिरिक्त समयमा २–१ को जित दर्ता गर्दा कुशलले ९९औं मिनेटमा गरेको गोल नै निर्णायक रह्यो ।

महत्त्वपूर्ण खेलमा अवसर पाएका टिनएजर कुशलले निर्णायक मोडको सदुपयोग गर्दै नेपाली फुटबलमा आफ्नो परिचय सानदार ढंगले दिए । उमेर समूहमा खेलेपनि घरेलु फुटबलमा नदेखिएका कुशलको सफलताले ललितपुर सिटी र क्लबका प्रशिक्षक इयान एन्ड्रयु गिलान पनि निकै खुसी देखिए ।

सुदूरपश्चिमको महेन्द्रनगरका कुशलले सानैदेखि फुटबलप्रतिको लगावलाई अँगालेका थिए । खेलसँग मोहित अन्य बच्चाहरू जस्तै, कुशालको फुटबलप्रतिको प्रेमले घरबाट जरा गाड्यो । ९ वर्षको उमेरमा कञ्चनपुर जिल्ला फुटबल संघ एकेडेमीमा भर्ना भएपछि फुटबलको क्षेत्रमा उनको यात्राले गति लियो ।

पाँच वर्ष नबित्दै कुशलले १४ वर्षको उमेरमा सहिद स्मारक सी डिभिजन लिग छनोटमा भ्याली इगल्सबाट खेल्न काठमाडौं आए । भ्यालीको यात्रा अघि नबढेपनि सोही वर्ष बाजुरा जिल्लाको रानीवन स्पोर्ट्स क्लबले १५ वर्षीय कुशललाई पहिलो पटक सी डिभिजन लिगमा खेल्ने अवसर दिएको थियो ।

यद्यपि, कुशलको युवा करियरले २०२२ मा चोटको धक्काको सामना गर्यो । उनी साफ यू-१७ च्याम्पियनसिपको लागि यू-१७ राष्ट्रिय टोलीको क्याम्पमा पर्न सफल भएका थिए । जिल्ला र प्रदेश हुँदै राष्ट्रिय छनोट पार गरेका उनलाई चोटका कारण अन्तिम टोलीमा समावेश गर्न सकिएन ।

यद्यपि, यस वर्षको सुरुमा मुख्य प्रशिक्षक सुनिल श्रेष्ठले कुशललाई घरेलु भूमिमा आयोजना हुने साफ यू–१९ च्याम्पियनसिपको अन्तिम टोलीमा स्थान दिएका थिए । गत वर्ष उमेर समूहबाट खेल्ने अवसरबाट बन्चित भएका कुशलले दशरथ रंगशालामा भएको साफ यू-१९ च्याम्पियनसिपमा भने नेपाल यू–१९ को प्रतिनिधित्व गरेका थिए ।

सेमिफाइनलमा नेपाल भारतसँग पेनाल्टी सुटआउटमा पराजित हुँदा कुशलले ३ मध्ये २ खेल सुरु गरे र टोलीको आक्रमणमा प्रभाव देखाए । १६ वर्षीय कुशलको प्रदर्शनले ललितपुर सिटीको प्राविधिक टोलीमा राम्रै छाप छोड्यो । एनएसएलको अक्सनपछि नै उनलाई ललितपुरको ट्रायलमा बोलाइयो । र बाँकी सबैको अगाडि छ ।

विहीबार दशरथ रंगशालामा नेपाली फुटबल जगतमा आफूलाई चिनाउने गोल गरेपछि कुशलले हाम्रो खेलकुदसँग कुरा गर्दै प्रतियोगिता सुरु हुनुअघि नै ललितपुरबाट छनोट भइसकेपछि खेल्ने समय पाउनेमा विश्वस्त रहेको बताए ।

‘मलाई सुरुदेखि नै खेल्ने समय पाउँछु भन्ने विश्वास थियो’, कुशलले भने । ‘प्रशिक्षणमा राम्रो प्रदर्शन गरे युवा खेलाडीले मौका पाउने प्रशिक्षकले बारम्बार भन्नुभएको थियो ।”

अनुभवी विदेशी प्रशिक्षकले नयाँ कुरा सिक्न मद्दत गरेको पनि उनले बताए ।

“हामीले प्रशिक्षक इयानको निर्देशनमा केही आधारभूत पक्षहरू बुझेका छौं जुन मेरो लागि नयाँ थियो”, कुशलले थपे, “उनको प्रभाव पिचभन्दा बाहिर फैलिएको छ । अनुशासनसँगै रणनीतिक ज्ञानको क्षेत्रमा पनि निकै सुधार भएको छ ।”

ललितपुरका मुख्य प्रशिक्षक इयान एन्ड्रयु गिलानले पनि कुशल आगामी वर्षमा नेपाली फुटबलको स्टार बन्ने आँकलन गरेका छन् । कप्तान अनन्त तामाङले पनि कुशल निकै मिहिनेती खेलाडी रहेको र भविष्यका लागि राम्रो प्रतिभा प्रतिभा रहेको बताए ।

यसबाहेक, कुशलले नेपालकै राष्ट्रिय खेलाडी र विदेशी खेलाडीसँग टोलीमा रहँदा धेरै कुरा सिक्न पाएको बताए । “नेपालका सिनियर खेलाडीहरूसँग खेल्न पाउनु फरक माहोल हो । हामीसँग इमोह (इजेकिएल) जस्ता खेलाडी छन् जसले युरोपियन च्याम्पियन्स लिग खेलेका छन्। उनीहरुको कथा सुन्दा र उनीहरुबाट सिकेर हामी युवा खेलाडीहरुलाई राम्रो प्रदर्शन गर्न मद्दत गरेको छ,’ कुशलले भने ।

कुशलले आफ्नो करियर कता बढ्छ भन्ने प्रश्नमा सहजै उत्तर दिए, ‘रोहित चन्दजस्तै’ । उनी पनि राष्ट्रिय टोलीबाट खेल्नुका साथै विदेशमा व्यावसायिक लिगमा नेपालको प्रतिनिधित्व गर्न चाहन्छन् ।

“बाल्यकालदेखि नै मेरो मानसिकता फुटबलर बन्नुपर्छ भन्ने रहेको छ । यसका लागि मैले धेरै भन्दा धेरै ज्ञान लिने, आफ्नो सीप विकास गर्ने र आफूमा सकारात्मक मानसिकता कायम गर्ने विश्वास सधैं राखेको छु,’ कुशलले भने ।

‘उमेर समूहमा खेलिसकेपछि म जस्तो युवा खेलाडी सिनियर राष्ट्रिय टोलीबाट खेल्ने आकांक्षा राख्छु । नेपालको शीर्ष डिभिजनभन्दा बाहिर, इन्डोनेसियामा रोहित चन्दले बनाएको बाटो जस्तै विदेशमा व्यावसायिक लिग खेल्ने मेरो सपना छ । मेरो अन्तिम आकांक्षा व्यावसायिक फुटबल खेलाडी बन्ने हो ।’

अहिलेको लागि भने कुशलको ध्यान शनिबारको खेलमा छ । ललितपुरले एनएसएल २ को उपाधिका लागि धनगढी एफसीसँग खेल्नेछ । चोटग्रस्त टोली र थकित खेलाडीका साथ पोखराविरुद्ध १ सय २० मिनेटको लडाईपछि ४८ घन्टा भित्रै हुने खेलमा कुशलको नजर अब प्रारम्भिक ११ मा हुनेछ ।

कुशलले सुरुवात नै नगरे पनि पोखराविरुद्धको प्रदर्शनले उनलाई फाइनलमा केही मिनेटको ग्यारेन्टी दिएको छ । उनको दीर्घकालीन सपनाले कस्तो बाटो लिन्छ, त्यो हेर्न बाँकी छ । तर अहिलेलाई कुशल र ललितपुरको एउटा सपना पूरा गर्ने अवसर नजिक छन् ।

February 22, 2024

लिभरपुलको सानदार जित

एजेन्सी- लिभरपुलले इंग्लिस प्रिमियर लिगमा विजयी भएको छ। लिभरपुलले बुधबार लुटन टाउनलाई ४–१ गोलले हराएको हो । लिभरपुलका लागि भर्जिल भान डाइक, कोडी गाक्पो, लुइस डियाज र हार्भे इलियटले गोल गरे । खेलमा अग्रता भने लुटनले‌ लिएको थियो। चियोडोजी ओग्बेनेले १२औं मिनेटमा गोल गरेका थिए। भान डाइकले ५६ औं मिनेटमा बराबरी गोल फर्काएका थिए। गाक्पोले ५८औं […]

February 22, 2024

बार्सिलोना बराबरीमा‌ रोकियो

एजेन्सी- बार्सिलोना च्याम्पियन्स लिगको अन्तिम १६ को पहिलो लेगमा बराबरी रोकिएको छ। बुधबार बार्सिलोना र नेपोलीले १–१ को बराबरी खेलेका हुन् । नेपल्समा भएको खेलमा बार्सिलोनाले रोबर्ट लेवान्डोस्कीको गोलमा ७० औं अग्रता लिएको थियो । त्यसपछि ५ मिनेटपछि नेपोलीका लागि भिक्टर ओसिमहेनले बराबरी गोल फर्काएका थिए । अर्को अन्तिम १६ को पहिलो पोर्टोले आर्सनललाई १-० ले हराएको […]

February 22, 2024

पोर्टोसँग आर्सनलको हार

एजेन्सी- इंग्लिस प्रिमियर लिग टोली आर्सनल च्याम्पियन्स लिगको अन्तिम १६ को पहिलो लेगमा पराजित भएको छ। बुधबार पोर्टोले आर्सनललाई १-० ले हराएको हो ।इन्ज्युरी समयको चौथो मिनेटमा गालेनोले गोल गरेपछि पोर्टोको जित सम्भाव भएको हो । अन्तिम समयमा सम्हालिन नसक्दा आर्सनलले हार बेहोरेको छ। बराबरीतर्फ उन्मुख खेलमा ब्राजिलियन खेलाडीले उत्कृष्ट गोल गरेका हुन् । खेलमा दबाब […]

Success

Thank you for your time.