default_image

2 months ago

December 29, 2023

एनएसएलको नयाँ ट्रफी सार्वजनिक

काठमाडौँ (हाम्रो खेलकुद) – नेपाल सुपर लिग (एनएसएल) को नयाँ ट्रफी सार्वजनिक गरिएको छ । धनगढी एफसी र ललितपुर सिटी एफसीबीच शनिबार हुने दोस्रो संस्करणको फाइनलको अघिल्लो दिन दशरथ रंगशालामा ट्रफी अनावरण गरिएको हो । एनएसएल आयोजक नेपाल स्पोर्ट्स एन्ड इभेन्ट्स म्यानेजमेन्ट (एनएसईएम) ले ट्रफी अनावरणका अभिनेता दयाहाङ राईसँगै भारतीय राष्ट्रिय टोलीका पूर्व कप्तान भाइचुङ […]

1213 views

0 Bookmark

काठमाडौँ (हाम्रो खेलकुद) – नेपाल सुपर लिग (एनएसएल) को नयाँ ट्रफी सार्वजनिक गरिएको छ । धनगढी एफसी र ललितपुर सिटी एफसीबीच शनिबार हुने दोस्रो संस्करणको फाइनलको अघिल्लो दिन दशरथ रंगशालामा ट्रफी अनावरण गरिएको हो ।

एनएसएल आयोजक नेपाल स्पोर्ट्स एन्ड इभेन्ट्स म्यानेजमेन्ट (एनएसईएम) ले ट्रफी अनावरणका अभिनेता दयाहाङ राईसँगै भारतीय राष्ट्रिय टोलीका पूर्व कप्तान भाइचुङ भुटियालाई निमन्त्रणा दिएको थियो । राई र भुटियाले संयुक्त रुपमा ट्रफी अनावरण गरेका थिए ।

एनएसएलको लोगोलाई ट्रफीको रुपमा तयार पारिएको थियो । पहिलो संस्करणमा अर्कै ट्रफी थियो । २६ वर्षपछि नेपाल आउन पाउँदा खुसी लागेको जनाउँदै भुटियाले एनएसएलले नेपाली फुटबल विकासका लागि महत्वपूर्ण योगदान पुर्याउन सक्ने विश्वास व्यक्त गरे ।

अनावरणमा राष्ट्रिय टोलीका कप्तान किरण चेम्जोङ, कार्यक्रममा एनएसएमकी अध्यक्ष आश्रयता कार्की चौधरी र एनएसएलका प्रबन्ध निर्देशक श्रेयांस कार्कीको पनि उपस्थिति थियो ।

लिग चरणमा तालिकाको दोस्रो स्थानमा रहेको धनगढीले पहिलो क्वालिफायरमा पोखरा थन्डर्सलाई पराजित गर्दै फाइनलमा स्थान बनाएको हो । खेलको निर्णय पेनाल्टी सुटआउटमा भएको थियो र धनगढी ४–३ ले विजयी भएको थियो ।

पोखराले ललितपुर एफसीसँग फाइनलमा पुग्ने अर्को मौका पाएको थियो तर सो दोस्रो क्वालिफायरमा १० जनामा सिमित भएको ललितपुर अतिरिक्त समयमा २–१ ले विजयी भयो । ललितपुरले यसअघि काठमाडौंलाई एलिमिनेटरमा पराजित गर्दै दोस्रो क्वालिफायरमा स्थान पक्का गरेको थियो । धनगढी र ललितपुरबीचको फाइनल खेल साँझ ५ः३० बजे सुरु हुने छ।

February 23, 2024

झापा गोल्ड कपको मुख्य प्रायोजक यती ब्रुअरी

हिमाल खरेल, बिर्तामोड झापा गोल्ड कपको छैटौँ संस्करणका लागि मुख्य प्रायोजकसँग सम्झौता भएको छ । छैटौँ झापा गोल्ड कपलाई यती ब्रुअरीको उत्पादन अर्नाले गर्ने भएको छ । झापाको बिर्तामोडस्थित सहारा नेपाल साकोसको कन्फ्रेन्स हलमा शुक्रबार (आज) पत्रकार सम्मेलन गरेर मुख्य प्रायोजक अर्ना र झापा गोल्ड कपबीच सम्झौतामा हस्ताक्षर तथा आदान–प्रदान भएको हो । झापा गोल्ड […]

February 23, 2024

चाबहिल र एनआरटी फाइनलमा

सुशिल पन्त क्षेत्री ,भरतपुर चाबहिल भेट्रान ललितपुर र एनआरटी एफसी स्व दीलिप राणा स्मृति अन्तर्राष्ट्रिय आमन्त्रण फुटबल प्रतियोगिताको उपाधिका भिड्ने भएका छन् । शुक्रबार पहिलो सेमिफाइनलमा साविक विजेता फ्रिडम फाइटरलाई हराउँदै चाबहिल भेट्रानले फाइनलमा स्थान बनायो । प्रतिस्पर्धात्मक खेलमा चाबहिलले फ्रिडमलाई ३–२ ले निराश बनायो । त्यसअघि निर्धारित समय २–२ को बराबरीमा सकिएको थियो । […]

February 23, 2024

आयोजक केपी ओली एफसी विजयी

काठमाडौं (हाम्रो खेलकुद) – दोस्रो संस्करणको केपी ओली कप फुटबल प्रतियोगिताको उद्दघाटन खेलमा आयोजक केपी ओली एफसी विजयी भएको छ । राष्ट्रिय युवा संघले आयोजना गरेको प्रतियोगितामा एन्फा कम्प्लेक्समा भएको खेलमा केपी ओली एफसीले चर्च ब्वाइज युनाइटेड माथि ३-० को जित हात पारेको हो । खेलको सबै गोल दोस्रो हाफमा आएको थियो । खेलको पहिलो […]

Success

Thank you for your time.