एजेन्सी – इएफएल कप अन्तर्गत बुधबार भएको सेमीफाइनलको दोश्रो लेगमा साउथह्याम्पटनसंग १-०ले पराजित भएपछि लिभरपुल फाइनलमा पुग्नबाट बञ्चित भएको छ।
पहिलो लेगमा १-०को हार व्यहोरेको लिभरपुलले बुधबार घरेलु मैदानमा पनि हार टार्न सकेन। सेन लङ्ले खेलको अन्तिम समयमा गरेको गोलले साउथह्याम्पटन समग्रमा २-०जित रच्न सफल रह्यो।
अर्को सेमीफाइनल खेलमा युनाइटेडले पहिलो लेगमा हलसंग २-०को अग्रता लिएको छ। फाइनल खेल वेम्बली रंगशालामा हुनेछ।
