default_image

1 month ago

January 20, 2024

राइनास कपमा तार्कुघाट च्याम्पियन

लमजुङ (हाम्रो खेलकुद) – साविक विजेता रोयल फ्रेण्डसिप युवा क्लवलाई पराजित गर्दै तार्कुघाट युनेस्को लमजुङ तेस्रो संस्करणको राइनास कप खुल्ला फुटबल प्रतियोगिताको च्याम्पियन बनेकाे छ । पुर्वी लमजुङको राइनास नगरपालिका वडा नम्वर ६ धमिलिकुवास्थित गौलीटार क्षेत्रीय खेल मैदानमा शनिबार भएको फाइनलमा साविक विजेता रोयल फ्रेण्डसिप युवा क्लव लमजुङलाई टाइब्रेकरमा ५–३ ले पराजित गर्दै तार्कुघाट पहिलोपटक […]

903 views

0 Bookmark

लमजुङ (हाम्रो खेलकुद) – साविक विजेता रोयल फ्रेण्डसिप युवा क्लवलाई पराजित गर्दै तार्कुघाट युनेस्को लमजुङ तेस्रो संस्करणको राइनास कप खुल्ला फुटबल प्रतियोगिताको च्याम्पियन बनेकाे छ ।

पुर्वी लमजुङको राइनास नगरपालिका वडा नम्वर ६ धमिलिकुवास्थित गौलीटार क्षेत्रीय खेल मैदानमा शनिबार भएको फाइनलमा साविक विजेता रोयल फ्रेण्डसिप युवा क्लव लमजुङलाई टाइब्रेकरमा ५–३ ले पराजित गर्दै तार्कुघाट पहिलोपटक च्याम्पियन बन्न सफल भएको हो ।

निर्धारित र थप गरिएको समयमा कुनै गोल निस्कन नसकेपछि खेल टाइब्रेकरमा लम्बिएको थियो । जसमा तार्कुघाटले बाजी मार्यो । टाइब्रेकरमा तार्कुघाटका सन्दिप सेन्चुरी, सुमित श्रेष्ठ, सुमिन थापा, राम शाही र जय गुरुङले गोल गर्न सफल भए । रोयलका आश गुरुङ, दिपेश आले मगर र देव गुरुङले गोल गर्न सफल भए । सन्दीप रानाको प्रहार आकासिएको थियो ।

उपाधिसँगै तार्कुघाटले ३ लाख रुपैयाँसहित कप, मेडल र प्रमाणपत्र प्राप्त गरेको छ । दोस्रो भएको रोयलले १ लाख ५० हजार रुपैयाँ, कप र मेडल हात पारेको छ । सेमिफाइनलमा पराजित भएका कालिका युवा क्लब र चेपे आदर्श युवा क्लबले समान ३० हजार रुपैया प्राप्त गरे । एक पुरस्कार हरिराज चिलुवालले प्रायोजन गरेको थियो ।

तार्कुघाटका जय गुरुङ फाइनल खेलको म्यान अफ दि म्याच घोषित भए । उनले दुई हजार रुपैया र मेडल प्राप्त गरे । यस्तै फाइनल खेलमा पहिलो गोल गर्ने सन्दिप सेन्चुरीलाई चक्रराज चिलुवालले १ हजार रुपैया प्रदान गरे । निर्धारित समयमा कुनै गोल नभएपनि टाइब्रेकरमा गोल गर्नेलाई प्रदान गरिएको हो ।

रोयल फ्रेन्डसिप क्लबका मिडफिल्डर सन्तोष गुरुङ सर्वाेकृष्ट खेलाडी घोषित भए । उनले ७ हजार ५ सय रुपैयाँसँगै गोल्डेन बल प्राप्त गरे । तार्कुघाटका सुमित श्रेष्ठ सर्वाधिक गोलकर्ता चुनिए । उनले ७ हजार ५ सय रुपैयाँसहति गोल्डेन बुट प्राप्त गरे । उनले एकै खेलमा ७ सहित कुल ८ गोल गरेका थिए । तार्कुघाटकै सन्तोष महत उत्कृष्ट गोलरक्षक चुनिए । उनले पनि ७ हजार ५ सय रुपैया र गोल्डेन ग्लोभ्स प्राप्त गरे ।

विजयी टोली तथा खेलाडीलाई गण्डकी प्रदेश सभा सदस्य डाक्टर टकराज गुरुङ, जिल्ला समन्वय समिति लमजुङका प्रमुख पूर्ण बहादुर गुरुङ, राइनास नगरपालिकामा प्रमुख खड्ग बहादुर गुरुङ, उपप्रमुख पुष्पराज खनाल र गौलीटार क्षेत्रीय खेल मैदान समितिका अध्यक्ष किरण श्रेष्ठलगायतले पुरस्कृत गरे ।

माघ १ गतेदेखि सुरु भएको प्रतियोगितामा विभिन्न १६ टोलीले नकआउटको आधारमा प्रतिस्पर्धा गरेका थिए । विभिन्न टोलीले विदेशी खेलाडीसँगै ‘ए’ डिभिजनको अनुभव बटुलिसकेका खेलाडीलाई मैदानमा उतारेको थियो । नेपाली पुरुष राष्ट्रिय टालीका पुर्व कप्तान विराज महर्जनले आयोजक राइनास ११ बाट खेलेका थिए ।

यस्तै सुमित श्रेष्ठ, जय गुरुङ, योगेश गुरुङ, सन्तोष महत, दिपेश आले मगर, रन्दिप पाैडेल र फ्लोरेन्ट कोरालगायतका खेलाडीले राइनास कप खेलेको थियो । पहिलो संस्करणमा चक्रतीर्थ युवा क्लब सातविसे लमजुङ तथा दोस्रोमा रोयल पहिलो भएको थियो ।

March 1, 2024

एट्लेटिको मड्रिडलाई हराउँदै बिल्वाओ फाइनलमा

एजेन्सी – ला लिगा प्रतिद्धन्द्धी एट्लेटिको मड्रिडलाई पराजित गर्दै एथलेटिको क्लब बिल्वाओ कोपा डेल रेको फाइनला प्रवेश गरेको छ । सेमिफाइनलको दोस्रो लेगमा ३–० को तथा समग्रमा ४–० को जितसँगै बिल्वाओले फाइनलमा स्थान पक्का गरेको हो । पहिलो लेगमा बिल्वाओले १–० को जित निकालेको थियो । सान मेमेस बारिया, बिल्वाओ स्पेनमा बिहीबर राति भएको खेलमा […]

March 1, 2024

रोनाल्डोविना अल नासर रोकियो

एजेन्सी – कप्तान तथा स्टार भेट्रान फरवार्ड क्रिष्टियानो रोनाल्डो अनुपस्थित रहँदा ब्राजिली फरवार्ड एन्डर्सन टालिस्काको ह्याट्रिकका बावजुत अल नासर साउदी प्रो लिगमा रेलिगेसन क्षेत्रमा रहेको अल हाजिमसँग बराबरीमा रोकिएको छ । घरेलु मैदानमा अल नासर चार पटक अग्रता लिएरपनि त्यसलाई जोगाउन नसक्दा अल हाजिमसँग ४–४ गोलको बराबरीमा रोकिन पुगेको हो । अल नासरका लागि एक […]

March 1, 2024

साम्बा वाफकी सर्वाधिक गोलकर्ता

काठमाडौं (हाम्रो खेलकुद) – राष्ट्रिय महिला फुटबल टोलीकी फरवार्ड सावित्रा भण्डारी साम्बा बिहीबार साउदी अरेबियामा सम्पन्न पश्चिम एसियाली फुटबल महासंघ (वाफ) को सर्वाधिक गोलकर्ताको बनेकी छिन् । व्यवासयिक जिम्मेवारीका कारण फाइनल खेल्न नपाएकी साम्बाले सेमिफाइनलसम्ममा ९ गोल गरेकी थिइन् । सेमिफाइनलसम्म पहिलो रोजाईमा खेलेकी सम्बाले सिरियाविरुद्ध ४–१ को जितमा १ गोल गरेकी थिइन्। इराकविरुद्ध ५–० […]

Success

Thank you for your time.