पोखरा (हाम्रो खेलकुद)- जावलाखेल युथ क्लब आहा
रारा पोखरा गोल्डकप फुटबलको क्वार्टरफाइनल प्रवेश गरेको छ ।

राष्ट्रिय खेलाडीको वर्चश्वसहित मैदान उत्रिएको मछिन्द्र क्लबलाई‌ बिहीबार १-० ले स्तब्ध पार्दै जावलाखेल अन्तिम आठमा‌ पुगेको हो ।

गोलकिपर विशाल श्रेष्ठले मछिन्द्रको कप्तानीमा उत्रेको मच्छिन्द्रले पहिलो हाफमा‌ गोलको सामना गरेको थिय । ३८ औं मिनेटमा विशाल अगाडि बढेको अवस्थामा जावलाखेलका हिसुब थपलियाले बललाई खाली पोस्टमा गोल गर्दै टोलीलाई अग्रता दिलाएका थिए ।

दोस्रो हाफको अधिकांश समय जावलाखेललाई दबाबमा राखे पनि गोल गर्न नसक्दा मछिन्द्र बराबरी गर्न असफल भएको थियो।

४८ औं मिनेटमा विमल घर्तीमगरले प्रहार गरेको फ्रिकिक क्रसबारमा लागेर फर्किएको थियो । अब जाउलाखेल क्वाटरफाइनलमा‌ माघ १५ गरे पूर्व विजेता मनाङ मर्स्याङ्दी क्लबको सामना गरेको छ।

सहारा क्लबको‌ आयोजना जारी प्रतियोगितामा शुक्रबार प्रिक्वार्टरफाइनल चौथो खेल भोलि विभागीय डर्बीमा एपिएफ र नेपाल पुलिस क्लबबीच हुनेछ ।

यसैबीच, जापानमा रहेका फुटबलप्रेमीले पोखरामा जारी आहा रारा पोखरा गोल्डकपको फुटबल प्रतियोगितालाई‌ आर्थिक‌ सहयोग गरेका छन्।

तमुधी जापानका निर्वतामान अध्यक्ष एवं पूर्व राष्ट्रिय फुटबल खेलाडी रमेश कुमार गुरुङको संयोजकत्वमा संकलन गरिएको २ लाख १५ हजार जापानिज येन एनआरएनए आइसिसीका उपाध्यक्ष रोविन प्रसाद शेरचनले बिहीबार हस्तान्तरण गरेका थिए।