6 months ago
January 31, 2024
एजेन्सी – दुई दाबेदार मानिएका टोली बीचको खेलमा साउदी अरेबिया माथि टाईब्रेकरमा जित हासिल गर्दै दक्षिण कोरिया कतारमा जारी एसियन कपको क्वाटरफाइनमा प्रवेश गरेको छ । टाईब्रेकरमा ४-२ को जित निकाल्दै दक्षिण कोरियाले क्वाटरफाइनलमा आफ्नो स्थान पक्का गरेको हो ।
निर्धारित ९० मिनेटको खेल १-१ को बराबरीमा सकिएको थियो । लगातार आक्रमण बुनिरहेको कोरियाले इन्ज्युरी समयको नवौं मिनेटमा गोल गर्दै खेललाई अतिरिक्त समयमा धकेलेको थियो ।
गुए-सुङ चोले इन्ज्युरी समयको नवौं मिनेटमा हेडर मार्फत गोल गर्दै दक्षिण कोरियाको एसियन कप यात्रा जोगाएका थिए । त्यसअघि दोस्रो हाफको पहिलो मिनेटमा नै साउदी अरेबियाका अब्दुल्लाह रदिफले गोल गर्दै अग्रता दिलाएका थिए ।
टाइब्रेकरमा साउदीका दुई खेलाडीको पेनाल्टी ह्युन-वु चोले बचाउन सफल भए । उनले समी अल-नजेई र अब्दुलरहमान घरिबको पेनाल्टी रोक्न सफल भएका थिए ।
दक्षिण कोरियाले अब क्वाटरफाइनलमा अर्को दाबेदार टोली अष्ट्रेलियाको सामना गर्ने छ ।
बुधबार एसियन कपमा प्रि-क्वाटरफाइनलमा थप दुई खेल हुँदै छन् । साँझ ५:१५ बजे बहराइन र जापान भिड्ने छन् भने राति ९:४५ बजे इरान र सिरिया खेल्ने छन् ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]