default_image

2 months ago

February 15, 2024

दीलिप राणा स्मृति भेट्रान फुटबलमा १८ टोली

सुशिल पन्त क्षेत्री, चितवन स्व. पाचौं दीलिप राणा स्मृति अन्तराष्ट्रिय आमन्त्रण एट ए साइड भेट्रान फुटबलको तयारी अन्तिम चरणमा पुगेको छ । चितवन भेट्रान फुटबल क्लबको आयोजनामा फागुन ७ देखि १२ गतेसम्म हुने प्रतियोगिताको तयारी लगभग पूरा भएको क्लबले बिहीबार पत्रकार सम्मेलनमार्फत जानकारी दिएको छ । कार्यक्रम संयोजक हरिप्रसाद भट्टले प्रतियोगितामा नेपाल र भारतका गरी […]

275 views

0 Bookmark

सुशिल पन्त क्षेत्री, चितवन

स्व. पाचौं दीलिप राणा स्मृति अन्तराष्ट्रिय आमन्त्रण एट ए साइड भेट्रान फुटबलको तयारी अन्तिम चरणमा पुगेको छ । चितवन भेट्रान फुटबल क्लबको आयोजनामा फागुन ७ देखि १२ गतेसम्म हुने प्रतियोगिताको तयारी लगभग पूरा भएको क्लबले बिहीबार पत्रकार सम्मेलनमार्फत जानकारी दिएको छ ।

कार्यक्रम संयोजक हरिप्रसाद भट्टले प्रतियोगितामा नेपाल र भारतका गरी १८ टोली सहभागी रहने जानकारी दिए । क्लबले आज नै खेल तालिका पनि सार्वजनिक गरेको छ । जस अनुसार नेपालका १७ र भारतको देहरादुन भेट्रान क्लब रहेको छ ।

प्रतियोगितामा नेपालबाट एनआरटी भेट्रान, भनीमण्डल क्लब जावलाखेल, थापागाँउ सुधार समिति भेट्रान, बगरभाई खलक पोखरा, वीरगञ्ज सिटी भेट्रान, हेटौंडा भेट्रान, बौद्ध भेट्रान काठमाडौं, बुढानिलकण्ठ भेट्रान, फ्रिडम फाइटर छन्।

त्यस्तै अभिषेक चर्च रजह, सिमरा भेट्रान, चावहिल भेट्रान, गोर्खा ब्वाइज भेट्रान, चितवन भेट्रान निलो, चितवन भेट्रान रातो र ताकामी भेट्रान रहेका छन् । सहभागी टोलीलाई दुई समूहमा विभाजन गरिएको छ ।

प्रतियोगिताको उद्घाटन खेलमा अभिषेक चर्च रजहर र वीरगञ्ज सिटी भेट्रान भिड्नेछन् । चितवन भेट्रान निलो र हेटौंडा भेट्रान खेल्नेछन् । खेल भरतपुर ७ कृष्णपुरको रंगशालामा हुनेछ ।

यस वर्ष फरक शैलीमा प्रतियोगिता गर्न लागिएको क्लबका अध्यक्ष रविन्द्र श्रेष्ठले बताए । क्लबहरुले प्लेइङ सेटमा ४० वर्ष माथिका ३, ४५ वर्ष माथिका ३ र ५० माथिका २ गरी ८ खेलाडी समावेश गर्नुपर्नेछ ।

प्रतियोगिताको विजेताले १ लाख ५० हजार र दोस्रो हुने टोलीले ७५ हजार रुपैयाँ प्राप्त गर्नेछ । हरेक खेलको म्यान अफ दि म्याचले १ हजार, प्रतियोगिताको सर्वोत्कृष्ट खेलाडीले १० हजार तथा उत्कृष्ट गोलरक्षक, डिफेन्डर, मिडफिल्डर, सर्वाधिक गोलकर्ता र उत्कृष्ट प्रशिक्षकले समान ५ हजार रुपैयाँ पाउनेछन् ।

देश र विदेशबाट खेलाडीहरु आउने भएकोले यसले भरतपुर भ्रमण वर्षको प्रवर्द्धनका लागि पनि टेवा पुग्ने अध्यक्ष श्रेष्ठको भनाइ थियो । प्रतियोगिताका मुख्य प्रायोजक स्व राणाका छोरा अभिनव राणाले बुवाको सम्झनामा हरेक वर्ष क्लबले गर्दै आएको प्रतियोगिताको प्रसंशा गरे ।

प्रतियोगिताका लागि भरतपुर महानगरपालिका र ग्रेस इन्टरनेशलले सह–प्रायोजकको रुपमा सहयोग गरेका छन् । क्लबले हरेक वर्ष स्व राणाको स्मृतिमा प्रतियोगिता आयोजना गर्दै आएको छ । स्व राणा पूर्व स्थानीय फुटबल खेलाडी हुन् ।

April 14, 2024

लेभरकुसनलाई पहिलोपटक बुन्डेसलिगा उपाधि

एजेन्सी – जाभी अलोन्सोको प्रशिक्षणमा रहेको बायर लेभरकुसनले क्लब इतिहासमा पहिलोपटक बुन्डेसलिगाको उपाधि जितेको छ । आईतबार वेर्डर ब्रेमन माथि ५-० को सहज जित संगै लेभरकुसनको पहिलो लिग उपाधि पक्का भएको हो । लेभरकुसनको जितमा फ्लोरियन विर्ट्जले ह्याट्रिक पूरा गरे भने भिक्टर बोनिफेशले र ग्रानिट झाकाले खेलमा एक-एक गोल गरे । ९०औं मिनेटमा विर्ट्जले गोल […]

April 14, 2024

उपाधि आकांक्षी लिभरपुल स्तब्ध

एजेन्सी – प्रशिक्षक योर्गन क्लपको अन्तिम सिजनको सुखद अन्त्य गर्ने आशामा रहेको लिभरपुलको उपाधि आकांक्षामा धक्का लागेको छ । पछिल्लो हप्ता म्यानचेस्टर युनाइटेड विरुद्ध बराबरी खेलेको लिभरपुल आज भने क्रिस्टल प्यालेस विरुद्ध पराजित भएको हो । क्रिस्टल प्यालेसले लिभरपुलकै घरेलु मैदानमा १-० को जित हासिल गरेको हो । प्यालेसको जितमा एबेरिचे एजेले खेलको १४औं मिनेटमा […]

April 14, 2024

मनोहरा र झम्सिखेलको जित

काठमाडौं (हाम्रो खेलकुद) – सहिद स्मारक ‘सि’ डिभिजन लिगमा आईतवार भएका खेलमा मनोहरा युथ क्लब र झम्सिखेल युथ क्लब विजयी भएका छन् । दिनको पहिलो खेलमा मनोहराले स्पोर्ट्स एकेडेमी साँगा माथि ३-२ को जित हासिल गरेको हो । मनोहराको जितमा उत्तम शाही, विशान्त मगर र आविष्कार खड्काले समान १-१ गोल गरे । साँगाका लागि स्यामुएल […]

Success

Thank you for your time.