5 months ago
February 17, 2024
ललितपुर (हाम्रो खेलकुद )- अखिल नेपाल फुटबल संघ (एन्फा) को केन्द्रीय कार्यसमितिको बैठक तेस्रो दिन शनिबार पनि बस्ने भएको छ ।
पहिलो दिन जस्तै दोस्रो दिन शुक्रबार पनि सदस्यहरुले आन्तरिक अडिट रिपोर्ट उपलब्ध गराएपछि मात्र अन्य एजेण्डामा प्रवेश गर्ने अडान दोहोर्याएपछि एन्फा अध्यक्ष पंकज विक्रम नेम्वाङले बैठक स्थगित गरेका थिए।
फागुन १४ हुने एन्फा साधारण सभामा लाने प्रस्ताव टुंगो लगाउन केन्द्रीय समिति बैठक बसेपनि दुईदेखि २ वटा एजेण्डा भन्दा अघि बढ्न सकेको छैन। यस अघिको अडिट रिपोर्ट नहेरि कुन आधारमा आउने आर्थिक वर्षको अनुमानित बजेट कसरी बनाउने भन्दै सदस्यहरुले प्रश्न गरेको एक पदाधिकारी बताए। जारी बैठकका लागि विविधसहित २९ वटा एजेण्डा तय छन् ।
‘केहि साथीहरु छिटो टुंगो लगाउ भन्नेमा देखिन्छन् । तर केही साथीहरूले यसपटक गज्जबको अडान लिएका कारण बैठक धेरै अघि बढ्न सकेको छैन, ती पदाधिकारीले भने, ‘साधारण सभामा हामी बोल्न मिल्दैन बैठकमा पनि नबोले कहाँ बोल्ने । सबै विशषमा खुला छलफल गरेर जानुपर्नेमा उहाँहु अडिक देखिनुभएको छ । यो राम्रो पनि हो । यसअघि यस्तो कमै हुन्थ्यो। ‘
आफ्नो पक्षमा बहुमत नपुग्ने देखिएकाले पनि अध्यक्ष नेम्वाङले यसअघि जसरी अघि बढ्न सकेका छैनन् ।
लागु औषध खैरो हिरोइनको कारोबारमा अदालतबाट दोषी रहेको र सजाय भुक्तान नगरी फरार रहेको पाइएको समाचार सार्वजनिक भएयता उपाध्यक्ष दावा लामा फुटबलका गतिविधिमा संलग्न छैनन् । दोस्रो दिनको बैठकमा पनि उनी उपस्थित भएनन् ।
जसका कारण बाँकी २० सदस्यीय केन्द्रीय समितिमा १०/१० को अवस्था रहेको देखिएको ती पदाधिकारीले बताए । साधारण सभाका लागि यो बैठकले एजेण्डालाई अन्तिम रुप दिनुपर्ने हुन्छ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]