default_image

5 months ago

February 17, 2024

क्लबको अपिलपछि साम्बा पिएसजीविरुद्ध खेल्ने

15429 views

0 Bookmark

काठमाडौं (हाम्रो खेलकुद) – लिगको नियम अनुरूप एन अभान्ट ग्वेंगाम्पमा सम्मिलित नेपाली राष्ट्रिय टोलीकी फरवार्ड सावित्रा भण्डारी ‘साम्बा’ बलियो टोली पेरिस सेन्ट-जर्मेन विरुद्ध आज हुने खेलमा नखेल्ने भनिएतापनि क्लबको अपील पश्चात आज मैदानमा उत्रिने भएकी छिन् । एन अभान्ट ग्वेंगाम्पले लिगसामु गरेको अपील पश्चात साम्बा आज खेल्ने भएकी हुन् ।

हिजो सार्वजनिक गरेको स्क्वाडमा उनको नाम समावेश गरिएको थिएन । नोभेम्बर ४ मा खेल्ने तालिका रहेको यस खेल भारी वर्षाका कारण म्याच रेफ्रीले पिच खेल्न नसकिने बताएपछि खेल स्थगित हुँदै आजको मितिमा सारिएको थियो । खेल आज ७:१५ बजे सुरु हुने छ ।

फ्रेन्च लिग नियम अनुसार स्थगित गरी पछि सारिएको खेलमा सोहि बेलासम्म दर्ता भएका खेलाडीहरु मात्र खेलाउन पाइने नियम रहेको थियो । साम्बा गत जनवरीमा मात्र ग्वेंगाम्पमा पुगेकी थिइन् । सो मितिमा उनी लिगमा दर्ता नभएको कारण आज खेल्न नपाउने भनिएका कारण क्लबले उनलाई स्क्वाडमा राखिएको थिएन । तर क्लबले लिगसामू अपील गरेकोमा सकारात्मक परिणाम आएपछि उनी आज खेल्ने भएकी हुन् ।

यस्तै साम्बा नेपाली टोलीका लागि साउदी अरेबियामा हुने वाफ च्याम्पियनसिपमा सहभागिता जनाउन आज नै त्यसतर्फ प्रस्थान गर्ने छिन् । उनी आजको खेलमा उपस्थित भएर पेरिसबाट नै साउदीतर्फ प्रस्थान गर्ने छिन् । नेपाली टोली भने हिजो नै साउदीका लागि प्रस्थान गरिसकेको छ ।

साम्बाले हालसम्म ग्वेंगाम्पका लागि दुई खेल खेलेकी छन् । उनले फेब्रुअरी ३ मा बोर्डो विरुद्ध ७५औ मिनेटमा मैदान प्रवेश गरेर साम्बाले डेब्यु गरेकी थिइन् । बोर्डो विरुद्धको सो खेल १-१ को बराबरीमा सकिएको थियो । यस्तै गत शनिवार फ्लिउरी ९१ विरुद्ध पनि दोस्रो हाफमा मैदान प्रवेश गर्दै खेलको अन्तिम समयमा सहभागिता जनाएकी थिइन् । सो खेल ग्वेंगाम्पले ३-१ ले जितेको थियो ।

साम्बाले शीर्ष डिभिजन क्लब अन आभान्ट ग्वेंगाम्पसँग डेढ वर्षको सम्झौता गरेकी छिन् । इजरायलको हापोएल रानानासँग फ्रान्सेली क्लबको सहमति भएपछि साम्बा फ्रान्सतर्फ प्रस्थान गरेकी थिइन् । युद्धका कारण इजरायल नफर्केकी साम्बाले त्यहाँ छोटो समयमा जमेको प्रभावले फ्रान्सको यात्रा सम्भव भएको थियो ।

July 12, 2024

वर्षाका कारण चितवन जिल्ला लिग स्थगित

सुशिल पन्त क्षेत्री, चितवन सेन्ट्रल कलेज चितवन जिल्ला ए डिभिजन लिग तत्कालका लागि स्थगित भएको छ । चितवन जिल्ला फुटबल संघले आज एक सुचना जारी गर्दै लिगका खेलहरु तत्कालका लागि स्थगित भएको जानकारी दिएको हो । अविरल वर्षाका कारण लिगका खेल सञ्चालित भरतपुर ७ कृष्णपुरको मैदान हिलाम्य भएकोले अर्को सूचना जारी नभएकोसम्मका लागि स्थगित गरिएको […]

July 12, 2024

रोहित एक सिजन इन्डोनेसियामै खेल्ने 

काठमाडौं (हाम्रो खेलकुद) – नेपाली राष्ट्रिय फुटबल टोलीका अनुभवी खेलाडी रोहित चन्द अझै एक सिजन इन्डोनेसियामा नै बस्ने भएका छन् । इन्डोनेसियन लिगा वान टोली पेर्सिक केदिरीसँग सम्झौता नवीकरण गरेसँगै रोहितले व्यवसायिक फुटबलको थप एक सिजन इन्डोनेसियाको शीर्ष डिभिजनमा नै बिताउने भएका हुन् । सन् २०१३ मा पहिलो पटक इन्डोनेसिया पुगेका रोहितले बीचमा मलेसियन लिग […]

July 11, 2024

अर्जेन्टिनाले कोपा अमेरिका उपाधिका लागि कोलम्बिया विरुद्ध भिड्ने

एजेन्सी – साविक विजेता अर्जेन्टिनाले कोपा अमेरिका उपाधि रक्षा गर्नका लागि फाइनलमा कोलम्बिया विरुद्ध खेल्ने भएको छ । बिहीबार बिहान भएको दोस्रो सेमिफाइनलमा कोलम्बियाले उरुग्वे माथि १-० को जित निकालेसँगै अर्जेन्टिनाको फाइनल प्रतिद्वन्दी टुंगो लागेको हो । कोलम्बियाका लागि ३९औं मिनेटमा जेफर्सन लर्माले प्रहार गरेको हेडर नै पर्याप्त बन्यो । पहिलो हाफको अन्त्यमा डेनियल मुनोजले […]

Success

Thank you for your time.