default_image

2 months ago

February 22, 2024

दीलिप राणा स्मृति भेट्रान – सेमिफाइनल पुग्ने तीन टोलीको टुंगो लाग्यो

सुशिल पन्त क्षेत्री, भरतपुर स्व दीलिप राणा स्मृति अन्तर्राष्ट्रिय आमन्त्रण चितवन भेट्रान कपमा सेमिफाइनल पुग्ने तीन टोलीको टुंगो लागेको छ । बिहीबार क्वाटरफाइनलका तीन खेल भएका छन् । चाबहिल भेट्रान, एनआरटी एफसी भेट्रान र डिफेन्डिङ च्याम्पियन फ्रिडम फाइटर भेट्रान सेमिफाइनलमा प्रवेश गरेका छन् । पहिलो खेलमा चाबहिलले आयोजक चितवन भेट्रान निलोलाई ३–१ ले हरायो । […]

161 views

0 Bookmark


सुशिल पन्त क्षेत्री, भरतपुर

स्व दीलिप राणा स्मृति अन्तर्राष्ट्रिय आमन्त्रण चितवन भेट्रान कपमा सेमिफाइनल पुग्ने तीन टोलीको टुंगो लागेको छ । बिहीबार क्वाटरफाइनलका तीन खेल भएका छन् । चाबहिल भेट्रान, एनआरटी एफसी भेट्रान र डिफेन्डिङ च्याम्पियन फ्रिडम फाइटर भेट्रान सेमिफाइनलमा प्रवेश गरेका छन् ।

पहिलो खेलमा चाबहिलले आयोजक चितवन भेट्रान निलोलाई ३–१ ले हरायो । चाबहिलको जितमा कप्ताम पासाङ शेर्पा र उज्वल श्रेष्ठले गोल गरे । चितवनले एक उपहार गोल पाएको थियो । चाबहिलका कप्तान शेर्पा म्यान अफ दि म्याच भए ।

दोस्रो खेलमा थापागाउँ सुधार समितिलाई पराजित गर्दै एनआरटी एफसी भेट्रान प्रतियोगिताको सेमिफाइनलमा प्रवेश गरेको छ । प्रतिस्पर्धात्मक खेलमा एनआरटी १–० ले विजयी भयो । उसको जितमा कप्ताम नरेन्द्रमान श्रेष्ठले निर्णायक गोल गरे । नरेन्द्र म्यान अफ दि म्याच भए ।

तेस्रो खेलमा डिफेन्डिङ च्याम्पियन फ्रीडम फाइटर विजयी भयो । फ्रिडम फाइटरले ठमेल ११ लाई सडन डेथमा पाखा लगायो । निर्धारित समय १–१ गोलको बराबरीमा सकिएपछि खेल टाइब्रेकरमा धकेलिएको थियो । टाइब्रेकरमा पनि २–२ भएपछि सडन डेथमा फ्रिडम फाइटर विजयी भयो ।

त्यसअघि निर्धारित समयमा खेलको पहिलो हाफको अन्तिम समयमा कन्यासुब्बा गुरुङले गोल गर्दै फ्रिडम फाइटरलाई अग्रता दिलाएका थिए । दोस्रो हाफमा ठमेलले पेनाल्टी पाएको थियो । प्राप्त अवसरलाई सदुपयोग गर्दै प्रकाश रानाले बराबरी गोल फर्काए । फ्रिडम फाइटरका कन्यासुब्बा गुरुङ म्यान अफ दि म्याच भए ।

त्यस्तै अभिषेक चर्च रजहर र भनिमण्डल्न भेट्रान काठमाडौंबीचको चौथो क्वाटरफाइनल खेल भने वर्षाका कारण स्थगित भयो । असिनासहितको वर्षापछि खेल शुक्रबार बिहान खेलाउने गरि स्थगित गरिएको हो । उक्त खेलपछि सेमिफाइनल समीकरण पूरा हुनेछ ।

यो खेलको विजेताले शुक्रबार नै फाइनल प्रवेशका लागि एनआरटीको सामना गर्नेछ । उक्त खेल दिउँसो ४ बजे हुनेछ । त्यसअघि दिउँसो २ बजे पहिलो सेमिफाइनलमा चाबहिल र फ्रिडम फाइटर भिड्नेछन् । फाइनल खेल शनिबार हुनेछ । प्रतियोगिताको विजेताले ट्रफीसहित १ लाख तथा दोस्रो हुने टोलीले ७५ हजार रुपैयाँ प्राप्त गर्नेछ ।

April 15, 2024

लिभरपुलपछि आर्सनल पनि पराजित

एजेन्सी – लिभरपुलको हारपछि इंग्लिस प्रिमियर लिग शीर्षस्थानमा उक्लने मौकालाई आर्सनलले गुमाएको छ । आर्सनल आइतबार एस्टन भिल्लासँग २–० ले पराजित भएको छ । उपाधि होडमा रहेका दुई टोली लिभरपुल र आर्सनल पराजित भएपछि त्यसको फाइदा म्यानचेस्टर सिटीलाई पुगेको छ । खेलको अन्त्यतिर एस्टन भिल्लाले २ गोल गर्दै आर्सनलमाथि सानदार जित निकालेको हो । लियोन […]

April 14, 2024

लेभरकुसनलाई पहिलोपटक बुन्डेसलिगा उपाधि

एजेन्सी – जाभी अलोन्सोको प्रशिक्षणमा रहेको बायर लेभरकुसनले क्लब इतिहासमा पहिलोपटक बुन्डेसलिगाको उपाधि जितेको छ । आईतबार वेर्डर ब्रेमन माथि ५-० को सहज जित संगै लेभरकुसनको पहिलो लिग उपाधि पक्का भएको हो । लेभरकुसनको जितमा फ्लोरियन विर्ट्जले ह्याट्रिक पूरा गरे भने भिक्टर बोनिफेशले र ग्रानिट झाकाले खेलमा एक-एक गोल गरे । ९०औं मिनेटमा विर्ट्जले गोल […]

April 14, 2024

उपाधि आकांक्षी लिभरपुल स्तब्ध

एजेन्सी – प्रशिक्षक योर्गन क्लपको अन्तिम सिजनको सुखद अन्त्य गर्ने आशामा रहेको लिभरपुलको उपाधि आकांक्षामा धक्का लागेको छ । पछिल्लो हप्ता म्यानचेस्टर युनाइटेड विरुद्ध बराबरी खेलेको लिभरपुल आज भने क्रिस्टल प्यालेस विरुद्ध पराजित भएको हो । क्रिस्टल प्यालेसले लिभरपुलकै घरेलु मैदानमा १-० को जित हासिल गरेको हो । प्यालेसको जितमा एबेरिचे एजेले खेलको १४औं मिनेटमा […]

Success

Thank you for your time.