default_image

2 months ago

February 24, 2024

पाँचथर गोल्डकप – शुक्रराजको ह्याट्रिकमा आयोजकको जित

दिपक बोहोरा, पाँचथर चौथो पाँचथर गोल्डकप प्रतियोगितामा आयोजक पाँचथर क्लबले विजयी सुरुआत गरेको छ । शनिबार उद्घाटन खेलमा सप्तरीको नमोबुद्ध युथ क्लब लाई ३–० गोलले हराउदै पाँचथर सेमिफाइनलमा प्रवेश गरेको छ । स्थानिय खेलाडी मात्र समेटेर टोलीको निर्माण गरेको पाँचथरले नमोबुद्ध माथि जित निकालेको हो । ए डिभिजन र नेपाल सुपर लिग खेलेका अनुभवी खेलाडी […]

387 views

0 Bookmark

दिपक बोहोरा, पाँचथर

चौथो पाँचथर गोल्डकप प्रतियोगितामा आयोजक पाँचथर क्लबले विजयी सुरुआत गरेको छ । शनिबार उद्घाटन खेलमा सप्तरीको नमोबुद्ध युथ क्लब लाई ३–० गोलले हराउदै पाँचथर सेमिफाइनलमा प्रवेश गरेको छ ।

स्थानिय खेलाडी मात्र समेटेर टोलीको निर्माण गरेको पाँचथरले नमोबुद्ध माथि जित निकालेको हो । ए डिभिजन र नेपाल सुपर लिग खेलेका अनुभवी खेलाडी लिएर उत्रेको नमोबुद्ध पहिलो खेलमै स्तब्ध बन्यो । पाँचथरको जितमा शुकराज राईले ह्याट्रिक गरे ।

फिदिम माविको खेलमैदान आठौं मिनेमा शुक्रराजले पहिलो गोल गरेका थिए । विपक्षी गोलकिपरले बल क्लियर गर्न नसक्दा शुक्रराजको गोल सम्भव भएको हो । खेलको ३३ औं मिनेटमा शुक्रराजले अर्को गोल गरे । मध्यभागबाट बल अघि बढाउँदै उनले गोल गरेका थिए । ६१ औं मिनेट जमिन लम्समको पासमा गोल गर्दै शुक्रराज ह्याट्रिक पूरा गरका थिए ।

दोश्रो हाफमा केहि सुधारिएको प्रर्दशन गरे पनि नमोबुद्ध खेलमा फर्कन सकेन । ७० औं मिनेटमा नमोबुद्धका सुदिप लामाको प्रहार आकाशियो । ७४ औ मिनेटमा नमोबुद्धका सरोज तामाङको प्रहार पाँचथरका गोलकिपर मिराक खजुमले मुस्किलले बचाएका थिए ।

खेलाडीका बीचमा तालमेल नमिल्दा पराजित हुन परेको नमोबुद्धका प्रशिक्षक सुरेश लामाले बताए । खेल रणनित अनुसार खेलाडीले खेल्दा जित सम्वभ भएको पाँचथरका प्रशिक्षक मिलन जबेगुले बताए ।

ह्याट्रिक गरेका शुक्रराज म्यान अफ दि म्याच बन्दै ५ हजार रुपैयाँ प्राप्त गरे । उग्रेन तामाङ खेलको फ्यान अफ दि म्याच बने । सुटआउट हिरो ( खेलमैदानको बिचबाट गोल गर्ने दर्शक) राजेश राई बने । दुबैले समान २ हजार ५ सय रुपैयाँ प्राप्त गरे ।

उद्घाटन खेलमा १ हजार ८ सय ७७ दर्शक प्रवेश गरेका छन् । पहिलो दिन ६ सय ७९ टिकट विक्रीबाट १ लाख १ हजार ८ सय ५० रुपौयाँ संकलन भएको आयोजकले जानकारी दिएका छन् ।

ए डिभिजन क्लब त्रिभुवन आर्मी फुटबल सहित ८ टोलीले सहभागिता रहेको प्रतियोगिताको विजेताले ट्रफीसहित ५ लाख ५ हजार, दोस्रोले दुई लाख ५५ हजार रुपैयाँ प्राप्त गर्नेछन् । युवा तथा खेलकुद मन्त्री डिकबहादुर लिम्बुले प्रतियोगिताको उद्घाटन गरेका थिए ।

पाँचथर गोल्डकपमा आइतबारको खेल
झापा ११ विरुद्ध रेडहर्स फुटबल क्लब इलाम
खेल समय – दिउँसो २ बजे

April 16, 2024

पुलिस जीतपुरसिमरा गोल्डकप च्याम्पियन

सुनिल गाउँले, सिमरा नेपाल पुलिस क्लबले जगदम्बा स्टिल १४ औं जीतपुरसिमरा गोल्डकप फुटबल प्रतियोगिताको उपाधि जितेको छ । सिमरा रंगशालामा सोमबार भएको प्रतिस्पर्धात्मक फाइनल खेलमा मच्छिन्द्र क्लबलाई टाइब्रेकरमा ४–३ ले हराउँदै पुलिसले वर्षको पहिलो उपाधि जितेको छ । निर्धारित ९० मिनेट र थप समय गोलरहित बराबरीमा टुंगिएपछि टाइब्रेकरमा पुलिसले बाजी मारेको थियो । परिवर्तित गोलकिपर […]

April 15, 2024

लिभरपुलपछि आर्सनल पनि पराजित

एजेन्सी – लिभरपुलको हारपछि इंग्लिस प्रिमियर लिग शीर्षस्थानमा उक्लने मौकालाई आर्सनलले गुमाएको छ । आर्सनल आइतबार एस्टन भिल्लासँग २–० ले पराजित भएको छ । उपाधि होडमा रहेका दुई टोली लिभरपुल र आर्सनल पराजित भएपछि त्यसको फाइदा म्यानचेस्टर सिटीलाई पुगेको छ । खेलको अन्त्यतिर एस्टन भिल्लाले २ गोल गर्दै आर्सनलमाथि सानदार जित निकालेको हो । लियोन […]

April 14, 2024

लेभरकुसनलाई पहिलोपटक बुन्डेसलिगा उपाधि

एजेन्सी – जाभी अलोन्सोको प्रशिक्षणमा रहेको बायर लेभरकुसनले क्लब इतिहासमा पहिलोपटक बुन्डेसलिगाको उपाधि जितेको छ । आईतबार वेर्डर ब्रेमन माथि ५-० को सहज जित संगै लेभरकुसनको पहिलो लिग उपाधि पक्का भएको हो । लेभरकुसनको जितमा फ्लोरियन विर्ट्जले ह्याट्रिक पूरा गरे भने भिक्टर बोनिफेशले र ग्रानिट झाकाले खेलमा एक-एक गोल गरे । ९०औं मिनेटमा विर्ट्जले गोल […]

Success

Thank you for your time.