default_image

2 months ago

February 25, 2024

पुलिसद्वारा आर्मी टाईब्रेकरमा पराजित

काठमाडौं (हाम्रो खेलकुद) – युवा गोलकिपर अमित टमाटा नायक बनेपछि नेपाल पुलिस क्लबले त्रिभुवन आर्मी क्लब माथि टाईब्रेकरमा जित निकाल्दै केपी ओली कपको दोस्रो चरण प्रवेश गरेको छ । आर्मीमाथि टाइब्रेकरमा ४-३ को जित निकाल्दै पुलिस क्वाटफाइनलमा प्रवेश गरेको हो । निर्धारित ९० मिनेट गोलरहित बराबरीतर्फ लम्किएपछि पुलिसका प्रशिक्षक चेतन घिमिरेले सत्रुघन चौधरीको स्थानमा युवा […]

1482 views

0 Bookmark

काठमाडौं (हाम्रो खेलकुद) – युवा गोलकिपर अमित टमाटा नायक बनेपछि नेपाल पुलिस क्लबले त्रिभुवन आर्मी क्लब माथि टाईब्रेकरमा जित निकाल्दै केपी ओली कपको दोस्रो चरण प्रवेश गरेको छ । आर्मीमाथि टाइब्रेकरमा ४-३ को जित निकाल्दै पुलिस क्वाटफाइनलमा प्रवेश गरेको हो ।

निर्धारित ९० मिनेट गोलरहित बराबरीतर्फ लम्किएपछि पुलिसका प्रशिक्षक चेतन घिमिरेले सत्रुघन चौधरीको स्थानमा युवा गोलकिपर अमित टमाटालाई मैदान प्रवेश गराएका थिए ।

टाइब्रेकरमा अमितले भूपेन्द्र रायमाझी र नवयुग श्रेष्ठको पेनाल्टी बचाउन सफल भए । भरत खवास, फत्तेमान घले र कमल बहादुर थापाले भने आफ्नो पेनाल्टीमा गोल गरेका थिए ।

पुलिसका रामचन्द्र वजीले आफ्नो पेनाल्टी क्रसबारमा प्रहार गरेका थिए भने उज्वल राई, हेमन्त श्रेष्ठ, प्रताप गुरुङले र आशिष राईले गोल गरे ।

त्यसअघि निर्धारित समयमा कुनै गोल हुन सकेको थिएन । तेस्रो मिनेटमा पुलिसका उज्वल राईको क्रसमा दिप थापाले राम्रो अवसर गुमाए । २०औं मिनेटमा पुलिसका आशिष राईले बक्स भित्रबाट मौकाको सदुपयोग गर्न सकेनन् । पुलिसकै प्रविन थापाले ४४औं मिनेटमा पोस्टमा प्रहार गरे ।

७५औं मिनेटमा मान बहादुर परियारले हेडर पोस्टतर्फ प्रहार गर्न सकेनन् । इन्ज्युरी समयमा प्रताप गुरुङले फ्रिकिक प्रहार क्रसबारमा प्रहार गरेपछि पुलिस निर्धारित समयमा जित हार पार्न सकेन ।

पुलिसले अब सेमिफाइनलमा प्रवेश गर्नका लागि मछिन्द्र एफसी विरुद्ध खेल्नेछ ।

प्रतियोगितामा भोलि हुने खेलमा दुई भारतीय टोली दिल्ली एफसी र मानेभञ्ज्याङ एफसी खेल्ने छन् ।

प्रतियोगिताका सेमिफाइनल अगाडिका खेलहरु सातदोबाटो स्थित एन्फा कम्प्लेक्समा हुने छन् । सेमिफाइनल र फाइनल दशरथ रंगशालामा हुनेछन् । प्रतियोगिताको फाल्गुन १९ का दिन समापन हुने छ ।

प्रतियोगिताको विजेताले ११ लाख रुपैँया र उपविजेताले ५ लाख रुपैँया प्राप्त गर्नेछन् । प्रतियोगिता सर्वोत्कृष्ट खेलाडीले १ लाख, उत्कृष्ट गोलरक्षक, गोलकर्ता र उदीयमान खेलाडीले समान ५० हजार रुपैयाँ पाउनेछन् । गत वर्ष सम्पन्न भएको केपी ओली कपको पहिलो संस्करणको उपाधि मछिन्द्र क्लबले जितेको थियो ।

April 23, 2024

महिला लिग छनोटमा लुम्बिनीको पहिलो जित

सुर्खेत (हाम्रो खेलकुद) – लुम्बिनी प्रदेशले महिला लिग छनोटमा पहिलो जित हासिल गरेको छ । उत्कृष्ट पूनरागमन गर्दै लुम्बिनीले मंगलबार बागमती प्रदेशलाई ३–१ को नतिजामा माथ दिएको हो । सर्खेतस्थित कर्णाली प्रदेश रंगशालामा भएको खेलमा पहिलो अग्रता बागमतीले बनायो। २४औं मिनेटमा सुमित्रा तामाङको गोलमा बागमती अगाडि लागेको थियो । तर यो अग्रता खेलको ४०औं मिनेटमा […]

April 23, 2024

आदर्श च्यालेन्ज कप – आदर्श र ध्रुवताराबीच उद्घाटन खेल हुने

हिमाल खरेल, मेचीनगरझापाको बुद्धशान्तिमा शनिबार सुरु हुने तेस्रो आदर्श च्यालेन्ज कप फुटबल प्रतियोगिताको खेल तालिका सार्वजनिक भएको छ । खेल मैदान बुद्ध आदर्श माविको सभाहलमा आज भएको पत्रकार सम्मेलनमा खेल तालिका सार्वजनिक भएको हो । खेल तालिकाअनुसार उद्घाटन खेलमा आयोजक आदर्श युवा क्लबले दमकको ध्रुवतारा स्पोर्टिङ क्लबको सामना गर्नेछ । त्यस्तै, दोस्रो खेल आइतबार बिर्तामोड […]

April 23, 2024

बेलिङहमले जिते ब्रेकथ्रु अवार्ड

एजेन्सी – इङ्ल्यान्ड तथा स्पेनिस क्लब रियल म्याड्रिडका युवा मिडफिल्डर जुड बेलिङहमले अवार्ड जितेका छन् । बेलिङहमले सन् २०२४ को लौरेस वल्ड स्पोर्ट्स ब्रेकथ्रु अफ द इयर अवार्ड जितेका हुन् । गत समरमा जर्मन क्लब बोरुसिया डर्टमुन्डबाट ८९ मिलियन पाउण्डमा रियल आएका २० वर्षीय बेलिङहम क्लबका लागि महत्वपूर्ण खेलाडी बनेका छन् । उनले आइतबार एल […]

Success

Thank you for your time.