8 months ago
February 26, 2024
काठमाडौं (हाम्रो खेलकुद) – त्रिपुरेश्वर दशरथ रंगशालाको मैदान अन्तराष्ट्रिय खेलका लागि उपयुक्त नहुने देखिएपछि नेपाल र बहराइनबीच हुने फिफा विश्वकप २०२६ र एएफसी एसियन कप छनौट २०२७ को छनोट खेल हुनेमा शंका बढेको छ ।
पूर्व निर्धारित तालिका अनुसार चैत ८ गते दशरथ रंगशाला र चैत १३ गते बहराइनमा नेपाल र बहराइनको राष्ट्रिय पुरुष फुटबल टोलीबीच खेल हुनुपर्ने छ। छनोट खेल होम एण्ड अवेका आधारमा हुन्छ । तर पछिल्लो समय दशरथ रंगशालाको मैदानको अवस्था बिग्रिएपछि त्यहाँ खेल नहुने सम्भावना रहेको एक एन्फा पदाधिकारीले बताए।
दशरथ रंगशालामा पुस १४ गते नेपाल सुपर लिग (एनएसएल) को दोस्रो संस्करणको फाइनल भएको थियो। त्यसपछि खाली रहेको मैदानमा गत साता रग्बीको क्लब च्याम्पियनसिप आयोजना भएको थियो। रेग्बी त्यहि खेल जुन संघको निवर्तमान अध्यक्ष राष्ट्रिय खेलकुद परिषद् (राखेप) का सदस्य सचिव टंकलाल घिसिङ हुन् ।
बहराइनका प्रतिनिधिले झन्डै दुई साताअघि दशरथ रंगशालाको भ्रमण गरेपछि त्यहाँ खेल्ने अवस्था नभएको निष्कर्ष सहित एसियाली फुटबल महासंघ (एएफसी) मा जानकारी गराइसकेको एन्फाका ती पदाधिकारीले बताएका छन् ।
एसियाली फुटबल महासंघ (एएफसी) का प्रतिनिधि मिन्दु दोर्जेले सोमबार दशरथ रंगशालाको निरीक्षण गरेपछि नेपाल र बहराइन बीचको खेलबारे अन्यौलता थपिएको हो । दोर्जे रंगशालाको अवस्थाबाट सन्तुष्ट नरहेको बुझिएको छ। निरीक्षणपछि उनले एएफसीलाई प्रतिवेदन बुझाइसकेको जनाएको छ ।
समूह ‘एच’मा रहेको नेपालले यसअघिका खेलेका दुबै खेल हारिसकेको छ । युएई र यमनसँग हारेको नेपालले तेस्रो खेलमा बहराइनसँग घरेलु मैदानमा खेल्ने तालिका छ ।
दशरथ रंगशालाको सरोकारवाला निकाय राखेप हो । जहाँ फुटबललगायत अन्य कार्यक्रम पनि राखेपको स्वीकृतिमा आयोजना हुन्छन् । नेपालमा अन्तर्राष्ट्रिय मान्यताप्राप्त फुटबल मैदान दशरथ रंगशाला मात्रै हो ।
एएफसी प्रतिनिधि दोर्जेले साफ यू १६ च्यासल फुटबल मैदानमा गर्न सकिने नसकिने वा विकल्पमा कुन मैदान हुन सक्ने विषयमा पनि अखिल नेपाल फुटबल संघ (एन्फा) पदाधिकारीसँग मंगलबार छलफल गर्ने बुझिएको छ ।
October 25, 2024
पोखरा (हाम्रो खेलकुद)- आहा ! रारा पोखरा गोल्ड कप फुटबल प्रतियोगिताको २४ औं संस्करणको मिति तय भएको छ । सहारा क्लब पोखराले निरन्तर आयोजना गर्दै आएको आहा गोल्डकप यो वर्ष माघ २२ देखि फागुन ३ गते सम्म हुने भएको छ। पोखरा रंगशालामा हुने प्रतियोगिताको समय तालिकाका लागि आयोजकको अनुरोधमा कास्की जिल्ला फुटबल संघले अखिल नेपाल […]
October 24, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत समूह चरणको अन्तिम खेलमा नेपालले श्रीलंकालाई हराएको छ । दशरथ रंगशालामा सम्पन्न खेलमा नेपालले श्रीलंकामाथि ६-० को जित निकाल्दै समूह विजेता बन्न सफल भयो । नेपालका लागि रेखा पौडेलले २ गोल गर्दा सावित्रा भण्डारी साम्बा, रश्मीकुमारी घिसिङ, सविता राना मगर र अमिषा कार्कीले १-१ गोल गरे […]
October 24, 2024
काठमाडौं (हाम्रो खेलकुद) – साफ महिला च्याम्पियनसिप २०२४ अन्तर्गत समूह चरणको अन्तिम खेलमा नेपालले श्रीलंकासँग खेलिरहेको छ । पहिलो हाफमा नेपाल ४-० ले अघि छ । सुरुवाती मिनेटदेखि आक्रमण बुनेको नेपालले पहिलो हाफ अवधिभर श्रीलंकालाई दबाबमा राखेको छ । सावित्रा भण्डारी साम्बाले पहिलो रोजाइमा खेल्दै उच्च प्रदर्शन गरेकी छिन् । उनले नेपालले गरेको ४ गोलमा […]