default_image

1 month ago

March 1, 2024

यु-१६ महिला साफ: उद्घाटन खेलमा भारत र भुटान  भिड्दै 

काठमाडौँ (हाम्रो खेलकुद) – साफ यु-१६ महिला च्याम्पियनसिप आज देखि काठमाडौँमा सुरु हुदै छ । सातदोबाटो स्थित एन्फा कम्प्लेक्समा हुने आजको उद्घाटन खेलमा भारत र भुटान भिड्दै छन् । खेल दिनको ३ बजे सुरु हुने छ । भारत दक्षिण एसिया क्षेत्रमा लगातार युवा महिला फुटबलमा बलियो टोलीका रुपमा उभिने गरेको छ । भुटानको भने प्रदर्शन […]

306 views

0 Bookmark

काठमाडौँ (हाम्रो खेलकुद) – साफ यु-१६ महिला च्याम्पियनसिप आज देखि काठमाडौँमा सुरु हुदै छ । सातदोबाटो स्थित एन्फा कम्प्लेक्समा हुने आजको उद्घाटन खेलमा भारत र भुटान भिड्दै छन् । खेल दिनको ३ बजे सुरु हुने छ ।

भारत दक्षिण एसिया क्षेत्रमा लगातार युवा महिला फुटबलमा बलियो टोलीका रुपमा उभिने गरेको छ । भुटानको भने प्रदर्शन आजसम्म पनि सोचेजस्तो रहन सकेको छैन ।

भारतीय टोली गत तीन महिनादेखि बन्द प्रशिक्षणमा रहेको थियो । मुख्य प्रशिक्षक बिवि थोमसका अनुसार टोली उपाधिका लागि नै खेल्नेछ । प्रतियोगिता अघिको।पत्रकार सम्मेलनमा बोल्दै तयारी दुई महिनाको मात्र भएपनि कम समयले खेलाडीको प्रदर्शनमा असर नगर्ने थोमसले बताए ।

“भारत फुटबल विकास भैरहेको देश हो । साफका लागि मात्र नभई भारतको हरेक प्रान्त र क्लबहरुमा युवा खेलाडी उत्पादनका लागि ३६५ दिन नै लागिरहन्छन”, थोमसले भने । “त्यसैले तयारीका लागि थोरै समय भएपनि खासै फरक पर्दैन।”

भारतकी कप्तान श्वेता रानीले भने टोलीको तयारी राम्रो भएको बताइन् । “हामीले राम्रो प्रशिक्षकको नेतृत्वमा दुई महिना तयारी गरेका छौं”, उनले भनिन् । “हामीसँग अन्तर्राष्ट्रिय खेलको अनुभव नभएपनि फरक भने पर्दैन ।” भारतका धेरै ठाउँमा काठमाडौँकै जस्तो वातावरण भएका कारण नेपालमा भारतीय टोलीलाई गाह्रो भने नहुने समेत उनले भनिन् । 

अर्कोतर्फ भुटानी प्रशिक्षक लोजाङ छोदेनले विगतमा कमजोर प्रदर्शनको प्रमुख कारण तयारी समयको अभाव रहेको बताइन् । टोलीले एक महिनाको तयारीमा राम्रो प्रदर्शन गर्ने समेत उनले जिकिर गरिन् । “टिममा अधिकांश खेलाडी नयाँ छन् । उनीहरुले एक महिनाको मात्र प्रशिक्षण पाएका छन्”, छोदेनले भनिन् । “विगतमा तयारीको समय कम हुने कारणले गर्दा हाम्रो प्रदर्शन कमजोर रहने गरेको थियो । खेलाडीहरू शारीरिक रुपमा कमजोर रहेपनि मानसिकता भने राम्रो छ त्यसैले मलाई लाग्छ उनीहरूले राम्रो गर्नेछन् ।”

भुटानकी कप्तान खान्दु त्सोमोले पनि तयारीको समय कम भएका कारण खेलाडीहरुले एकअर्कालाई चिन्न चुनौतिपूर्ण भएपनि टोलीले राम्रो प्रदर्शन गर्ने बताइन् । 

फाल्गुन २७ गतेसम्म चल्ने प्रतियोगिता राउण्ड रोबिन ढाँचामा खेलाइने छ । नेपाल सहित भारत, भुटान र बंगलादेश सम्मिलित यस प्रतियोगिताको शीर्ष दुई टोलीले उपाधिका लागि खेल्ने छन् ।  

April 15, 2024

लिभरपुलपछि आर्सनल पनि पराजित

एजेन्सी – लिभरपुलको हारपछि इंग्लिस प्रिमियर लिग शीर्षस्थानमा उक्लने मौकालाई आर्सनलले गुमाएको छ । आर्सनल आइतबार एस्टन भिल्लासँग २–० ले पराजित भएको छ । उपाधि होडमा रहेका दुई टोली लिभरपुल र आर्सनल पराजित भएपछि त्यसको फाइदा म्यानचेस्टर सिटीलाई पुगेको छ । खेलको अन्त्यतिर एस्टन भिल्लाले २ गोल गर्दै आर्सनलमाथि सानदार जित निकालेको हो । लियोन […]

April 14, 2024

लेभरकुसनलाई पहिलोपटक बुन्डेसलिगा उपाधि

एजेन्सी – जाभी अलोन्सोको प्रशिक्षणमा रहेको बायर लेभरकुसनले क्लब इतिहासमा पहिलोपटक बुन्डेसलिगाको उपाधि जितेको छ । आईतबार वेर्डर ब्रेमन माथि ५-० को सहज जित संगै लेभरकुसनको पहिलो लिग उपाधि पक्का भएको हो । लेभरकुसनको जितमा फ्लोरियन विर्ट्जले ह्याट्रिक पूरा गरे भने भिक्टर बोनिफेशले र ग्रानिट झाकाले खेलमा एक-एक गोल गरे । ९०औं मिनेटमा विर्ट्जले गोल […]

April 14, 2024

उपाधि आकांक्षी लिभरपुल स्तब्ध

एजेन्सी – प्रशिक्षक योर्गन क्लपको अन्तिम सिजनको सुखद अन्त्य गर्ने आशामा रहेको लिभरपुलको उपाधि आकांक्षामा धक्का लागेको छ । पछिल्लो हप्ता म्यानचेस्टर युनाइटेड विरुद्ध बराबरी खेलेको लिभरपुल आज भने क्रिस्टल प्यालेस विरुद्ध पराजित भएको हो । क्रिस्टल प्यालेसले लिभरपुलकै घरेलु मैदानमा १-० को जित हासिल गरेको हो । प्यालेसको जितमा एबेरिचे एजेले खेलको १४औं मिनेटमा […]

Success

Thank you for your time.