हिमाल खरेल, बिर्तामोड

छैटौं झापा गोल्डकप फुटबल प्रतियोगिताको विधागत पुरस्कारमा च्याम्पियन टोली चर्च ब्वाइज युनाइटेडका खेलाडीको बर्चस्व रह्यो।

चर्च ब्वाइजका डिफेन्डर सञ्जीत राई गोल्डकपको सर्वोत्कृष्ट खेलाडी घोषित भए । उनले एक थान यामाहा कम्पनीको मोटरसाइकल प्राप्त गरे ।

त्यस्तै चर्च ब्वाइजका दीप कार्की उत्कृष्ट गोलकिपर, उत्कृष्ट डिफेन्डर चर्च ब्वाइजका सर्ज डिका, उत्कृष्ट फरवार्डसँगै उच्च गोलकर्ताको पुरस्कार अवयोमी फकुन्लेले पाउँदा एपिएफका शरण बस्नेत उत्कृष्ट मिडफिल्डर भए ।

त्यस्तै, उत्कृष्ट प्रशिक्षक चर्च ब्वाइजका अध्यक्ष रुबेन राई भए । उदीयमान खेलाडी झापा ११ का कप्तान पेमा तामाङ भए । उनीहरुले जनही २५ हजार रुपैयाँ पाए ।

चर्च ब्वाइज झापा गोल्डकपको नयाँ च्याम्पियन नाइजेरियन स्ट्राइकर अबयोमी ओलुवासेउन फकुन्लेको २ गोल प्रेरित चर्च ब्वाइज युनाइटेड झापा गोल्डकप फुटबलको नयाँ च्याम्पियन बनेको छ ।

सोमबार भएको फाइनल खेलमा चर्च ब्वाइजले विभागीय टोली सश्स्त्र प्रहरी बलको एपिएफ एफसीलाई ३–० ले पराजित गर्याे ।

सहिद स्मारक ए डिभिजन लिग विजेता चर्च ब्वाइजको जितमा अर्को गोल राजेश परियारले गरे । चर्च ब्वाइज पहिलो सहभागितामै च्याम्पियन बन्न सफल भएको हो ।
टोली अपराजित रहँदै च्याम्पियन भयो ।

च्याम्पियन चर्च ब्वाइजले १३ लाख र एपिएफले ६ लाख रुपैयाँ प्राप्त गर्यो। फागुन १९ गतेदेखि सुरु भएको झापा गोल्डकपमा नेपालका ए डिभिजनसहित १० टिमको सहभागिता थियो ।