default_image

1 month ago

March 11, 2024

रुद्रेपिपल र आदर्श क्वाटरफाइनलमा

अर्जुन कार्की ,बागलुङबागलुङमा जारी दोस्रो संस्करणको ‘अर्ना जेसीज कप’ फुटबल प्रतियोगितामा रुद्रेपिपल युवा क्लब र आदर्श स्पोर्टस् क्लबले जित निकाल्दै क्वाटरफाइनलमा प्रवेश गरेका छन् । सोमबार भएको खेलमा रुद्रेपिपलले मुलपानी फुटबल क्लबलाई ७–० को फराकिलो गोलअन्तरले पराजित गर्यो । पहिलो हाफ गोलरहित बराबरीमा सकिए पनि रुद्रेपिपलले दोस्रो हाफमा गोलको बर्षा गरेको थियो । एकतर्फी खेलको […]

134 views

0 Bookmark

अर्जुन कार्की ,बागलुङ
बागलुङमा जारी दोस्रो संस्करणको ‘अर्ना जेसीज कप’ फुटबल प्रतियोगितामा रुद्रेपिपल युवा क्लब र आदर्श स्पोर्टस् क्लबले जित निकाल्दै क्वाटरफाइनलमा प्रवेश गरेका छन् ।

सोमबार भएको खेलमा रुद्रेपिपलले मुलपानी फुटबल क्लबलाई ७–० को फराकिलो गोलअन्तरले पराजित गर्यो । पहिलो हाफ गोलरहित बराबरीमा सकिए पनि रुद्रेपिपलले दोस्रो हाफमा गोलको बर्षा गरेको थियो ।

एकतर्फी खेलको ४७ औं मिनेटमा अमृत कुँवरको गोलबाट रुद्रेपिपलले अग्रता लिएको थियो । अमृतले ६५ औं र ८६ औं मिनेटमा गोल गर्दै ह्याट्रिक पूरा गरेका थिए ।

रुद्रेपिपलको लागि अर्जुन राना मगरले खेलको ६२ औं मिनेटमा गोल गरे भने सन्तोष थापाले ६६ औं र मनिष थापाले ८५ औं र ८६ औं मिनेटमा गोल गरेका थिए । रुद्रेपिपलले बुधबार बुद्धचित्तसँग खेल्ने छ ।

यस्तै सोमबार दोस्रो खेलमा आदर्श स्पोर्टस् क्लबले संकल्प पुर्नस्थापना केन्द्रलाई १–० को संघर्षपूर्ण जित निकालेको छ । दुई विदेशी खेलाडी सहित मैदान उत्रिएको आदर्शको जितमा नाइजेरियन खेलाडि फिलिप्स भिक्टर नायक बने ।

भिक्टरले दोस्रो हाफको ३२ औं मिनेटमा गरेको गोल नै जितको निर्णायक बन्यो । आदर्शले बुधबार धौलागिरी बहुमुखी क्याम्पस बागलुङसँग प्रतिष्पर्धा गर्ने छ ।

प्रतियोगितामा मंगलबार गुठी युनाईटेड र बागलुङ सुधार केन्द्र , साविक विजेता नेपाल आर्मीको श्री मेहर गण र म्याग्दी जिल्ला फुटबल संघबीच प्रतिस्पर्धा हुने आयोजकले जनाएको छ ।

बागलुङ जेसीजले आयोजना गरेको प्रतियोगिताको विजेताले‌ १ लाख ५५ हजार ५ सय ५५ र दोस्रो टोलीले ७५ हजार ५ सय ५५ रुपैयाँ प्राप्त गर्नेछ।

April 21, 2024

आर्सनल शीर्षस्थानमा

एजेन्सी – घरेलु टोली वल्भ्समाथि २–० काे सहज जित हात पार्दै लन्डन क्लब आर्सनल इंग्लिस प्रिमियर लिगको शीर्षस्थानमा उक्लिएको छ । आर्सनलले एक खेल कम खेलेको म्यानचेस्टर सिटी र लिभरपुललाई पछि पार्दै शीर्षस्थानमा उक्लन सफल भएको हो ।वल्भरह्याम्टनमा शनिबार राति भएको खेलमा आर्सनललाई जिताउन लियान्द्रो ट्रोससार्ड र मार्टिन ओडेगार्डले गोल गरे । पहिलो र दोस्रो […]

April 21, 2024

म्यानचेस्टर सिटी एफए कपको फाइनलमा

एजेन्सी – चेल्सीलाई हराउँदै साविक विजेता म्यानचेस्टर सिटी एफए कपको फाइनलमा प्रवेश गरेको छ । सिटीले शनिबार चेल्सी माथि १-० को झिनो जित निकाल्दै उपाधि भिडन्त पक्का गरेको हो । सिटीको जितमा बर्नार्डो सिल्भाले खेलको ८४औं मिनेटमा गरेको गोल नै निर्णायक बन्यो । केभिन डी ब्रुइनले बक्स भित्रबाट नै गरेको क्रस चेल्सी गोलरक्षक जोर्डजे पेट्रोभिचले […]

April 20, 2024

हालान्डले चेल्सीविरुद्धको खेल गुमाउने सम्भावना!

एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]

Success

Thank you for your time.