default_image

1 month ago

March 12, 2024

बागलुङ सुधार र श्री मेहर सेमिफाइनलमा

अर्जुन कार्की, बागलुङ बागलुङ सुधार केन्द्र र श्री मेहर गण बागलुङमा जारी दोस्रो संस्करणको ‘अर्ना जेसीज कप’ फुटबल प्रतियोगिताको सेमिफाइनलमा पुगेको छ । मंगलबारको पहिलो क्वाटरफाइनलमा बागलुङ सुधार केन्द्रले गुठी युनाईटेडलाई पेनाल्टी सुटमा ४–३ ले पराजित गर्यो । निर्धारित ८० मिनेटको खेल गोलरहित बराबरीमा टुंगिएको थियो । पेनाल्टी सुटआउटमा बागलुङ सुधार केन्द्रको लागि अनिल गुरुङ, […]

233 views

0 Bookmark

अर्जुन कार्की, बागलुङ

बागलुङ सुधार केन्द्र र श्री मेहर गण बागलुङमा जारी दोस्रो संस्करणको ‘अर्ना जेसीज कप’ फुटबल प्रतियोगिताको सेमिफाइनलमा पुगेको छ ।

मंगलबारको पहिलो क्वाटरफाइनलमा बागलुङ सुधार केन्द्रले गुठी युनाईटेडलाई पेनाल्टी सुटमा ४–३ ले पराजित गर्यो । निर्धारित ८० मिनेटको खेल गोलरहित बराबरीमा टुंगिएको थियो ।

पेनाल्टी सुटआउटमा बागलुङ सुधार केन्द्रको लागि अनिल गुरुङ, अभिशेष राना, निशान थापा र मनिष गुरुङले गोल गरे । विदेशी खेलाडी मार्को भेराट्टीको प्रहार गुठीका गोलरक्षक रन्जन खत्रीले रोकेका थिए । गुठीको लागि सन्दिप केसी, अजित गुरुङ र सरोजले गोल गरे । अभिषेक केसी र विष्णु गुरुङको प्रहार बागलुङ सुधारका गोलरक्षक अशोक रेग्मीले जोगाएका थिए ।

अर्को क्वाटरफाइनलमा साविक विजेता नेपाल आर्मीको श्री मेहर गणले म्याग्दी जिल्ला फुटबल संघलाई २–१ ले हराउको थियो । सुरुवाती अग्रता जोगाउन नसक्दा म्याग्दी पराजित हुन पुग्यो । म्याग्दीको लागि खेलको तेस्रो मिनेटमा अनुपम श्रेष्ठले गोल गरेका थिए ।

श्रीमेहरका शंकर कार्कीले ३९ औं मिनेटमा बराबरी गोल गरेका थिए । इन्ज्युरी समयको चौथो मिनेटमा रामशरण चौधारीले गोल गर्दै श्री मेहरलाई जित दिलाएका थिए ।

बागलुङ जेसीजले आयोजना गरेको प्रतियोगितामा बुधबार क्वाटरफाइनलका बाँकी दुई खेल हुनेछ । पहिलो खेल रुद्रेपिपल युवा क्लब र बुद्धचित्त तथा दोस्रो खेल आदर्श स्पोर्टस् क्लब र धवलागिरी बहुमुखी क्याम्पसबीच हुने अध्यक्ष गणेश महतोले जानकारी दिए ।

April 15, 2024

लिभरपुलपछि आर्सनल पनि पराजित

एजेन्सी – लिभरपुलको हारपछि इंग्लिस प्रिमियर लिग शीर्षस्थानमा उक्लने मौकालाई आर्सनलले गुमाएको छ । आर्सनल आइतबार एस्टन भिल्लासँग २–० ले पराजित भएको छ । उपाधि होडमा रहेका दुई टोली लिभरपुल र आर्सनल पराजित भएपछि त्यसको फाइदा म्यानचेस्टर सिटीलाई पुगेको छ । खेलको अन्त्यतिर एस्टन भिल्लाले २ गोल गर्दै आर्सनलमाथि सानदार जित निकालेको हो । लियोन […]

April 14, 2024

लेभरकुसनलाई पहिलोपटक बुन्डेसलिगा उपाधि

एजेन्सी – जाभी अलोन्सोको प्रशिक्षणमा रहेको बायर लेभरकुसनले क्लब इतिहासमा पहिलोपटक बुन्डेसलिगाको उपाधि जितेको छ । आईतबार वेर्डर ब्रेमन माथि ५-० को सहज जित संगै लेभरकुसनको पहिलो लिग उपाधि पक्का भएको हो । लेभरकुसनको जितमा फ्लोरियन विर्ट्जले ह्याट्रिक पूरा गरे भने भिक्टर बोनिफेशले र ग्रानिट झाकाले खेलमा एक-एक गोल गरे । ९०औं मिनेटमा विर्ट्जले गोल […]

April 14, 2024

उपाधि आकांक्षी लिभरपुल स्तब्ध

एजेन्सी – प्रशिक्षक योर्गन क्लपको अन्तिम सिजनको सुखद अन्त्य गर्ने आशामा रहेको लिभरपुलको उपाधि आकांक्षामा धक्का लागेको छ । पछिल्लो हप्ता म्यानचेस्टर युनाइटेड विरुद्ध बराबरी खेलेको लिभरपुल आज भने क्रिस्टल प्यालेस विरुद्ध पराजित भएको हो । क्रिस्टल प्यालेसले लिभरपुलकै घरेलु मैदानमा १-० को जित हासिल गरेको हो । प्यालेसको जितमा एबेरिचे एजेले खेलको १४औं मिनेटमा […]

Success

Thank you for your time.